skip to content

Last Updated: November 22, 2026

Dainik Savera Times Logo

Plague Quarantine : ਟੈਸਟ ਟਿਊਬ ਟੁੱਟਣ ਮਗਰੋਂ ਫੈਲਿਆ ਨਿਊਮੋਨਿਕ ਪਲੇਗ ; ਰਿਸਰਚਰ ਦੀ ਮੌਤ, ਕਈ ਲੋਕ ਕੁਆਰੰਟੀਨ

5 October 2026 ਅੱਪਡੇਟ ਕੀਤਾ ਗਿਆ

Plague Quarantine : ਟੈਸਟ ਟਿਊਬ ਟੁੱਟਣ ਮਗਰੋਂ ਫੈਲਿਆ ਨਿਊਮੋਨਿਕ ਪਲੇਗ ; ਰਿਸਰਚਰ ਦੀ ਮੌਤ, ਕਈ ਲੋਕ ਕੁਆਰੰਟੀਨ

Russia Pneumonic Plague : ਖਬਰਾਂ ਅਨੁਸਾਰ, ਰੂਸ ਦੇ ਸਾਇਬੇਰੀਆ ਖੇਤਰ ਦੇ ਇਰਕੁਤਸਕ (Irkutsk) ਇਲਾਕੇ ਵਿੱਚ ਇੱਕ 28 ਸਾਲਾ ਮਹਿਲਾ ਲੈਬ ਟੈਕਨੀਸ਼ੀਅਨ ਦੀ ਪਲੇਗ ਕਾਰਨ ਮੌਤ ਹੋ ਗਈ ਹੈ। ਇਸ ਘਟਨਾ ਤੋਂ ਬਾਅਦ, ਸਾਵਧਾਨੀ ਵਜੋਂ ਘੱਟੋ-ਘੱਟ ਪੰਜ ਹਸਪਤਾਲ ਬੰਦ ਕਰ ਦਿੱਤੇ ਗਏ ਹਨ ਅਤੇ 200 ਤੋਂ ਵੱਧ ਲੋਕਾਂ ਨੂੰ ਕੁਆਰੰਟੀਨ ਵਿੱਚ ਰੱਖਿਆ ਗਿਆ ਹੈ। ਇਹ ਘਟਨਾ ਸ਼ੇਲੇਖੋਵ (Shelekhov) ਸਥਿਤ ‘ਐਂਟੀ-ਪਲੇਗ ਰਿਸਰਚ ਇੰਸਟੀਚਿਊਟ’ ਵਿੱਚ ਵਾਪਰੀ। ਮ੍ਰਿਤਕਾ ਦੀ ਪਛਾਣ 28 ਸਾਲਾ ਡਾਰੀਆ ਸ਼ਿਪਿਲੋਵਾ ਵਜੋਂ ਕੀਤੀ ਗਈ ਹੈ।

ਸਥਾਨਕ ਮੀਡੀਆ ਰਿਪੋਰਟਾਂ ਅਨੁਸਾਰ, ਸ਼ਿਪਿਲੋਵਾ ਨੇ ਮੈਡੀਕਲ ਸਟਾਫ ਨੂੰ ਦੱਸਿਆ ਸੀ ਕਿ ਜਾਂਚ ਲਈ ਨਮੂਨਾ ਲੈਂਦੇ ਸਮੇਂ ਉਸ ਤੋਂ ਗਲਤੀ ਨਾਲ ਜੀਵਿਤ ਬੈਕਟੀਰੀਆ ਵਾਲੀ ਇੱਕ ਟੈਸਟ ਟਿਊਬ ਟੁੱਟ ਗਈ ਸੀ। ਸ਼ੱਕ ਹੈ ਕਿ ਇਸ ਘਟਨਾ ਦੌਰਾਨ ਹੀ ਉਸ ਨੂੰ ਨਿਊਮੋਨਿਕ ਪਲੇਗ ਦੀ ਲਾਗ ਲੱਗੀ ਸੀ।

ਡਾਰੀਆ ਸ਼ਿਪਿਲੋਵਾ ਨੂੰ 29 ਸਤੰਬਰ ਨੂੰ ਗੰਭੀਰ ਨਿਊਮੋਨੀਆ ਦੇ ਲੱਛਣਾਂ ਨਾਲ ਸ਼ੇਲੇਖੋਵ ਦੇ ਇੱਕ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਜਦੋਂ ਉਸਦੀ ਹਾਲਤ ਵਿਗੜ ਗਈ, ਤਾਂ ਉਸਨੂੰ ਵੈਂਟੀਲੇਟਰ ਸਹਾਇਤਾ ‘ਤੇ ਰੱਖਿਆ ਗਿਆ ਪਰ 1 ਅਕਤੂਬਰ ਨੂੰ ਇਲਾਜ ਦੌਰਾਨ ਉਸਦੀ ਮੌਤ ਹੋ ਗਈ।

200 ਤੋਂ ਵੱਧ ਲੋਕ ਕੁਆਰੰਟੀਨ
ਸ਼ਿਪਿਲੋਵਾ ਦੇ ਸੰਪਰਕ ਵਿੱਚ ਆਏ 200 ਤੋਂ ਵੱਧ ਲੋਕਾਂ ਦੀ ਪਛਾਣ ਕੀਤੀ ਗਈ ਹੈ ਅਤੇ ਉਨ੍ਹਾਂ ਨੂੰ ਨਿਗਰਾਨੀ ਅਤੇ ਕੁਆਰੰਟੀਨ ਅਧੀਨ ਰੱਖਿਆ ਗਿਆ ਹੈ। ਲਾਗ ਨੂੰ ਫੈਲਣ ਤੋਂ ਰੋਕਣ ਲਈ ਇਰਕੁਤਸਕ ਖੇਤਰ ਵਿੱਚ ਕਈ ਜਨਤਕ ਸਮਾਗਮ ਵੀ ਰੱਦ ਕਰ ਦਿੱਤੇ ਗਏ ਹਨ।

ਹੋਰ ਖ਼ਬਰਾਂ ਹਨ।...

Copyright © 2026 Dainik Savera Times. All rights reserved.