ਮੇਘਾਲਯਾ ਦੀ ਕੋਇਲਾ ਖਾਣ ਵਿੱਚ ਭਿਆਨਕ ਧਮਾਕਾ ਅਠਾਰਾਂ ਮਜ਼ਦੂਰਾਂ ਦੀ ਮੌਤ

8 months ਪਹਿਲਾ

ਨੈਸ਼ਨਲ ਡੈਸਕ: ਮੇਘਾਲਯਾ ਦੇ ਤਾਸ਼ਖਾਈ ਖੇਤਰ ਵਿੱਚ ਸਥਿਤ ਇੱਕ ਕੋਇਲਾ ਖਾਣ ਵਿੱਚ ਭਿਆਨਕ ਧਮਾਕੇ ਨਾਲ ਵੱਡਾ ਹਾਦਸਾ ਵਾਪਰ ਗਿਆ ਹੈ ਜਿਸ ਨਾਲ ਪੂਰੇ ਇਲਾਕੇ ਵਿੱਚ ਦਹਿਸ਼ਤ ਫੈਲ ਗਈ। ਪ੍ਰਾਪਤ ਜਾਣਕਾਰੀ ਮੁਤਾਬਕ ਇਸ ਧਮਾਕੇ ਵਿੱਚ ਘੱਟੋ ਘੱਟ ਅਠਾਰਾਂ ਮਜ਼ਦੂਰਾਂ ਦੀ ਮੌਤ ਹੋ ਗਈ ਹੈ ਅਤੇ ਅਜੇ ਵੀ ਕਈ ਲੋਕਾਂ ਦੇ ਖਾਣ ਦੇ ਅੰਦਰ ਫਸੇ ਹੋਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ। ਧਮਾਕੇ ਤੋਂ ਬਾਅਦ ਸਥਾਨਕ ਪ੍ਰਸ਼ਾਸਨ ਅਤੇ ਪੁਲਿਸ ਨੇ ਤੁਰੰਤ ਰਾਹਤ ਕਾਰਜ ਸ਼ੁਰੂ ਕੀਤਾ ਪਰ ਸ਼ਾਮ ਹੋਣ ਨਾਲ ਹਨੇਰੇ ਦੇ ਕਾਰਨ ਰੈਸਕਿਊ ਕਾਰਵਾਈ ਨੂੰ ਰੋਕਣਾ ਪਿਆ ਜੋ ਸਵੇਰੇ ਦੁਬਾਰਾ ਸ਼ੁਰੂ ਕੀਤੀ ਜਾਵੇਗੀ।

ਸਿੱਕਿਮ ਵਿੱਚ ਰਾਤ ਦੇ ਸਨਾਟੇ ‘ਚ ਧਰਤੀ ਕੰਬੀ: ਕਈ ਇਲਾਕਿਆਂ 4.5 ਦੀ ਤੀਬਰਤਾ ਦੇ ਝਟਕੇ ਦਰਜ

ਰਿਪੋਰਟਾਂ ਅਨੁਸਾਰ ਤਾਸ਼ਖਾਈ ਦੀ ਇਸ ਕੋਇਲਾ ਖਾਣ ਵਿੱਚ ਅਚਾਨਕ ਤੀਬਰ ਧਮਾਕਾ ਹੋਇਆ ਜਿਸ ਦੀ ਚਪੇਟ ਵਿੱਚ ਅੰਦਰ ਕੰਮ ਕਰ ਰਹੇ ਮਜ਼ਦੂਰ ਆ ਗਏ। ਧਮਾਕਾ ਇੰਨਾ ਸ਼ਕਤੀਸ਼ਾਲੀ ਸੀ ਕਿ ਮਜ਼ਦੂਰਾਂ ਨੂੰ ਬਚ ਕੇ ਨਿਕਲਣ ਦਾ ਮੌਕਾ ਵੀ ਨਹੀਂ ਮਿਲਿਆ ਅਤੇ ਖਾਣ ਦਾ ਵੱਡਾ ਹਿੱਸਾ ਢਹਿ ਗਿਆ। ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਮਾਰੇ ਗਏ ਜ਼ਿਆਦਾਤਰ ਮਜ਼ਦੂਰ ਅਸਮ ਦੇ ਰਹਿਣ ਵਾਲੇ ਸਨ ਹਾਲਾਂਕਿ ਪ੍ਰਸ਼ਾਸਨ ਵੱਲੋਂ ਅਧਿਕਾਰਿਕ ਪੁਸ਼ਟੀ ਦੀ ਪ੍ਰਕਿਰਿਆ ਜਾਰੀ ਹੈ।

ਨਾਸਾ ਤੇ ਇਸਰੋ ਦੀ ਚੇਤਾਵਨੀ: ਸੂਰਜ ਵਿੱਚ ਭਿਆਨਕ ਉਥਲ ਪੁਥਲ ਦੇਖਣ ਨੂੰ ਮਿਲੀ ਕੀ ਇਹ ਭਾਰਤ ਲਈ ਵੱਡਾ ਖਤਰਾ ਜਾ ਨਹੀਂ ਜਾਣੋਂ ਪੂਰਾ ਵੇਰਵਾ!

ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਧਮਾਕੇ ਦੀ ਆਵਾਜ਼ ਦੂਰ ਤੱਕ ਸੁਣੀ ਗਈ ਅਤੇ ਕੁਝ ਸਮੇਂ ਲਈ ਪੂਰਾ ਖੇਤਰ ਕੰਬ ਗਿਆ। ਪ੍ਰਸ਼ਾਸਨ ਨੇ ਰਾਹਤ ਟੀਮਾਂ ਨੂੰ ਵਧੇਰੇ ਸਾਜੋ ਸਮਾਨ ਦੇ ਨਾਲ ਤੈਨਾਤ ਕਰ ਦਿੱਤਾ ਹੈ ਤਾਂ ਜੋ ਸਵੇਰੇ ਰੈਸਕਿਊ ਕਾਰਵਾਈ ਨੂੰ ਤੇਜ਼ੀ ਨਾਲ ਅੱਗੇ ਵਧਾਇਆ ਜਾ ਸਕੇ। ਹਾਦਸੇ ਨੇ ਖਾਣਾਂ ਵਿੱਚ ਸੁਰੱਖਿਆ ਪ੍ਰਬੰਧਾਂ ਨੂੰ ਲੈ ਕੇ ਇੱਕ ਵਾਰ ਫਿਰ ਗੰਭੀਰ ਸਵਾਲ ਖੜੇ ਕਰ ਦਿੱਤੇ ਹਨ।

meghalaya-coal-mine-explosion