Premium ਮਾਰਕੀਟ ‘ਚ ਐਪਲ ਦਾ ਧਮਾਕਾ — ਤਿੰਨ ਨਵੇਂ ‘ਅਲਟਰਾ’ ਡਿਵਾਈਸ ਤਿਆਰ

9 March 2026 ਅੱਪਡੇਟ ਕੀਤਾ ਗਿਆ

ਪੰਜਾਬ ਡੈਸਕ (ਦੈਨਿਕ ਸਵੇਰਾ): ਐਪਲ ਨੇ ਪਿਛਲੇ ਹਫ਼ਤੇ ਕਈ ਨਵੇਂ ਮਿਡ-ਰੇਂਜ ਅਤੇ ਪ੍ਰੀਮੀਅਮ ਡਿਵਾਈਸ ਲਾਂਚ ਕੀਤੇ ਹਨ। ਇਨ੍ਹਾਂ ਵਿੱਚ iPhone 17e ਸਭ ਤੋਂ ਵੱਧ ਚਰਚਾ ਵਿੱਚ ਹੈ। ਐਪਲ ਪਹਿਲਾਂ ਤੋਂ ਹੀ ਮਹਿੰਗੇ ਅਤੇ ਪ੍ਰੀਮੀਅਮ ਉਤਪਾਦਾਂ ਲਈ ਮਸ਼ਹੂਰ ਹੈ, ਅਤੇ ਇਸ ਸਾਲ ਕੰਪਨੀ ਹੋਰ ਵੀ ਉੱਚ-ਪੱਧਰੀ ਡਿਵਾਈਸਾਂ ‘ਤੇ ਧਿਆਨ ਦੇ ਰਹੀ ਹੈ। ਰਿਪੋਰਟਾਂ ਮੁਤਾਬਕ, ਐਪਲ ਉਹਨਾਂ ਲੋਕਾਂ ਲਈ ਨਵੇਂ ਉਤਪਾਦ ਲਿਆ ਸਕਦੀ ਹੈ ਜੋ ਅਡਵਾਂਸ ਤਕਨਾਲੋਜੀ ਚਾਹੁੰਦੇ ਹਨ ਅਤੇ ਵੱਧ ਪੈਸਾ ਖਰਚਣ ਲਈ ਤਿਆਰ ਹਨ।

ਸ਼ਰਾਬ ਨੀਤੀ ਕੇਸ ‘ਚ ਵੱਡਾ ਮੋੜ — ਕੇਜਰੀਵਾਲ ਸਮੇਤ 23 ਨੂੰ ਹਾਈ ਕੋਰਟ ਦਾ ਨੋਟਿਸ

ਐਪਲ ਦੀ ਨਵੀਂ ‘ਅਲਟਰਾ’ ਸ਼੍ਰੇਣੀ
ਬਲੂਮਬਰਗ ਦੀ ਰਿਪੋਰਟ ਅਨੁਸਾਰ, ਐਪਲ ਇਸ ਸਾਲ ਘੱਟੋ-ਘੱਟ ਤਿੰਨ ਨਵੇਂ ਹਾਈ-ਐਂਡ ਉਤਪਾਦ “ਅਲਟਰਾ” ਲਾਈਨਅੱਪ ਦੇ ਤਹਿਤ ਲਾਂਚ ਕਰ ਸਕਦੀ ਹੈ। ਇਹ ਉਤਪਾਦ ਮੌਜੂਦਾ ਫਲੈਗਸ਼ਿਪ ਮਾਡਲਾਂ ਨਾਲੋਂ ਵੀ ਜ਼ਿਆਦਾ ਪ੍ਰੀਮੀਅਮ ਹੋਣਗੇ।

ਫੋਲਡੇਬਲ ਆਈਫੋਨ
ਕਈ ਸਾਲਾਂ ਤੋਂ ਲੋਕ ਜਿਸ ਫੋਲਡੇਬਲ ਆਈਫੋਨ ਦੀ ਉਡੀਕ ਕਰ ਰਹੇ ਹਨ, ਉਹ ਵੀ ਇਸ ਅਲਟਰਾ ਲਾਈਨਅੱਪ ਦਾ ਹਿੱਸਾ ਹੋ ਸਕਦਾ ਹੈ। ਰਿਪੋਰਟਾਂ ਦੱਸਦੀਆਂ ਹਨ ਕਿ ਇਹ ਆਈਫੋਨ ਖੁਲ੍ਹਣ ‘ਤੇ ਇੱਕ ਛੋਟੀ ਟੈਬਲੈਟ ਵਰਗਾ ਲੱਗ ਸਕਦਾ ਹੈ ਅਤੇ ਇਸਦਾ ਅੰਦਰਲਾ ਡਿਸਪਲੇ ਵੱਡਾ ਹੋਵੇਗਾ।

ਰਿਹਾਨਾ ਦੇ ਘਰ ਬਾਹਰ ਗੋਲੀਬਾਰੀ — 30 ਸਾਲਾ ਮਹਿਲਾ ਹਿਰਾਸਤ ਵਿੱਚ

AirPods Ultra
ਐਪਲ ਨਵੇਂ ਪ੍ਰੀਮੀਅਮ AirPods ਵੀ ਲਿਆ ਸਕਦੀ ਹੈ, ਜਿਨ੍ਹਾਂ ਵਿੱਚ ਖਾਸ ਸੈਂਸਰ ਅਤੇ ਛੋਟੇ ਕੈਮਰੇ ਹੋ ਸਕਦੇ ਹਨ। ਇਹ ਕੈਮਰੇ ਸਿਰੀ ਨੂੰ ਆਸ-ਪਾਸ ਦੀ ਜਾਣਕਾਰੀ ਦੇਣਗੇ, ਤਾਂ ਜੋ ਸਿਰੀ ਹੋਰ ਸਮਝਦਾਰ ਜਵਾਬ ਦੇ ਸਕੇ। ਇਹ ਮਾਡਲ AirPods Ultra ਨਾਮ ਨਾਲ ਆ ਸਕਦਾ ਹੈ ਅਤੇ ਮੌਜੂਦਾ ਮਾਡਲਾਂ ਨਾਲੋਂ ਮਹਿੰਗਾ ਹੋਵੇਗਾ।

MacBook Ultra
ਐਪਲ ਇੱਕ ਨਵਾਂ ਮੈਕਬੁੱਕ ਵੀ ਲਿਆ ਸਕਦੀ ਹੈ ਜਿਸ ਵਿੱਚ OLED ਟਚਸਕ੍ਰੀਨ ਹੋਵੇਗੀ। ਮੈਕਬੁੱਕ ‘ਤੇ ਟਚਸਕ੍ਰੀਨ ਪਹਿਲੀ ਵਾਰ ਆਵੇਗੀ, ਜੋ ਐਪਲ ਲਈ ਵੱਡਾ ਬਦਲਾਅ ਹੋਵੇਗਾ। OLED ਡਿਸਪਲੇ ਰੰਗਾਂ ਅਤੇ ਚਮਕ ਨੂੰ ਹੋਰ ਬਿਹਤਰ ਕਰੇਗਾ। ਇਹ ਮਾਡਲ MacBook Ultra ਨਾਮ ਨਾਲ ਆ ਸਕਦਾ ਹੈ ਅਤੇ ਮੌਜੂਦਾ ਮੈਕਬੁੱਕ ਨਾਲੋਂ ਜ਼ਿਆਦਾ ਮਹਿੰਗਾ ਹੋਵੇਗਾ।

apple-set-to-shake-premium-market-three-new