ਸੋਨਮ ਵਾਂਗਚੁਕ ਦੀ ਸਿਹਤ ‘ਤੇ ਨਜ਼ਰ, IV ਗਲੂਕੋਜ਼ ਲੈਣ ਤੋਂ ਇਨਕਾਰ; ਡਾਕਟਰ ਕਰ ਰਹੇ ਲਗਾਤਾਰ ਨਿਗਰਾਨੀ

21 July 2026 ਅੱਪਡੇਟ ਕੀਤਾ ਗਿਆ

ਨੈਸ਼ਨਲ ਡੈਸਕ: ਸਮਾਜਿਕ ਕਾਰਕੁਨ ਸੋਨਮ ਵਾਂਗਚੁਕ ਦੀ ਸਿਹਤ ਨੂੰ ਲੈ ਕੇ ਸਫਦਰਜੰਗ ਹਸਪਤਾਲ ਨੇ ਮੰਗਲਵਾਰ ਸਵੇਰੇ ਨਵਾਂ ਮੈਡੀਕਲ ਬੁਲੇਟਿਨ ਜਾਰੀ ਕੀਤਾ ਹੈ। ਹਸਪਤਾਲ ਮੁਤਾਬਕ ਵਾਂਗਚੁਕ ਦੇ ਸਾਰੇ ਮਹੱਤਵਪੂਰਨ ਸਿਹਤ ਮਾਪਦੰਡ ਇਸ ਵੇਲੇ ਸਥਿਰ ਹਨ, ਪਰ ਉਹ ਡਾਕਟਰਾਂ ਦੀ ਲਗਾਤਾਰ ਸਲਾਹ ਦੇ ਬਾਵਜੂਦ ਨਾੜੀ ਰਾਹੀਂ ਦਿੱਤੇ ਜਾਣ ਵਾਲੇ ਤਰਲ (IV Fluids) ਅਤੇ ਗਲੂਕੋਜ਼ ਲੈਣ ਤੋਂ ਇਨਕਾਰ ਕਰ ਰਹੇ ਹਨ।

ਬੁਲੇਟਿਨ ਅਨੁਸਾਰ, ਵਾਂਗਚੁਕ ਦਾ ਇਲਾਜ ਵਰਧਮਾਨ ਮਹਾਵੀਰ ਮੈਡੀਕਲ ਕਾਲਜ (VMMC) ਅਤੇ ਸਫਦਰਜੰਗ ਹਸਪਤਾਲ ਦੇ ਮਾਹਿਰ ਡਾਕਟਰਾਂ ਦੀ ਟੀਮ ਦੀ ਨਿਗਰਾਨੀ ਹੇਠ ਚੱਲ ਰਿਹਾ ਹੈ। ਜਾਂਚ ਵਿੱਚ ਉਨ੍ਹਾਂ ਦੇ ਖੂਨ ਵਿੱਚ ਸ਼ੂਗਰ ਦਾ ਪੱਧਰ ਆਮ ਨਾਲੋਂ ਘੱਟ ਅਤੇ ਪੋਟਾਸ਼ੀਅਮ ਦਾ ਪੱਧਰ 3.2 ਦਰਜ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਉਹ ਪੈਨਸੀਟੋਪੇਨੀਆ ਨਾਲ ਵੀ ਪੀੜਤ ਹਨ, ਜਿਸ ਕਾਰਨ ਸਰੀਰ ਵਿੱਚ ਖੂਨ ਦੇ ਸੈੱਲਾਂ ਦੀ ਗਿਣਤੀ ਘੱਟ ਹੋ ਗਈ ਹੈ।

ਦੋ ਮਹੀਨੇ ਬਾਅਦ ਚੜ੍ਹਣੀ ਸੀ ਬਰਾਤ, ਪਰ ਆਈ ਮੌਤ ਦੀ ਖ਼ਬਰ: ਰੂਸ-ਯੂਕਰੇਨ ਹਮਲੇ ‘ਚ ਅਖਿਲ ਦੀ ਗਈ ਜਾਨ

ਡਾਕਟਰਾਂ ਨੇ ਦੱਸਿਆ ਕਿ ਇਸ ਸਮੇਂ ਵਾਂਗਚੁਕ ਨੂੰ ORS ਅਤੇ ਪੋਟਾਸ਼ੀਅਮ ਸਪਲੀਮੈਂਟ ਦਿੱਤੇ ਜਾ ਰਹੇ ਹਨ, ਪਰ ਲੰਬੇ ਸਮੇਂ ਦੀ ਭੁੱਖ ਹੜਤਾਲ ਕਾਰਨ ਡੀਹਾਈਡਰੇਸ਼ਨ ਅਤੇ ਹੋਰ ਪੇਚੀਦਗੀਆਂ ਦਾ ਖਤਰਾ ਬਣਿਆ ਹੋਇਆ ਹੈ। ਇਸ ਲਈ ਉਨ੍ਹਾਂ ਦੀ ਲਗਾਤਾਰ ਡਾਕਟਰੀ ਨਿਗਰਾਨੀ ਅਤੇ ਵਾਰ-ਵਾਰ ਜਾਂਚ ਕੀਤੀ ਜਾ ਰਹੀ ਹੈ।

ਸੋਨਮ ਵਾਂਗਚੁਕ ਨੇ ਐਲਾਨ ਕੀਤਾ ਹੈ ਕਿ ਉਹ ਆਪਣੀ ਅਣਮਿੱਥੇ ਸਮੇਂ ਦੀ ਭੁੱਖ ਹੜਤਾਲ ਜਾਰੀ ਰੱਖਣਗੇ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਫੈਸਲਾ “ਚਲੋ ਸੰਸਦ” ਮਾਰਚ ਦੌਰਾਨ ਪ੍ਰਦਰਸ਼ਨਕਾਰੀਆਂ ਖ਼ਿਲਾਫ਼ ਹੋਈ ਪੁਲਿਸ ਕਾਰਵਾਈ ਦੇ ਵਿਰੋਧ ਵਿੱਚ ਲਿਆ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਤੱਕ ਨੌਜਵਾਨ ਪ੍ਰਦਰਸ਼ਨਕਾਰੀਆਂ ਨੂੰ ਸੰਸਦ ਮੈਂਬਰਾਂ ਨਾਲ ਮਿਲਣ ਦੀ ਇਜਾਜ਼ਤ ਨਹੀਂ ਮਿਲਦੀ ਜਾਂ ਉਨ੍ਹਾਂ ਨੂੰ ਖੁਦ ਹਸਪਤਾਲ ਤੋਂ ਬਾਹਰ ਜਾਣ ਦੀ ਆਗਿਆ ਨਹੀਂ ਦਿੱਤੀ ਜਾਂਦੀ, ਉਹ ਆਪਣਾ ਅਨਸ਼ਨ ਖਤਮ ਨਹੀਂ ਕਰਨਗੇ।

ਔਰਤ ਨੇ ਦਿੱਤਾ ਚਾਰ ਇੱਕੋ ਜਿਹੀਆਂ ਜੁੜਵਾਂ ਧੀਆਂ ਨੂੰ ਜਨਮ, ਹੁਣ 10 ਸੀਟਾਂ ਵਾਲੀ ਵੈਨ ਲਈ ਮੰਗੀ ਮਦਦ