ਔਰਤ ਨੇ ਦਿੱਤਾ ਚਾਰ ਇੱਕੋ ਜਿਹੀਆਂ ਜੁੜਵਾਂ ਧੀਆਂ ਨੂੰ ਜਨਮ, ਹੁਣ 10 ਸੀਟਾਂ ਵਾਲੀ ਵੈਨ ਲਈ ਮੰਗੀ ਮਦਦ

21 July 2026 ਅੱਪਡੇਟ ਕੀਤਾ ਗਿਆ

ਇੰਟਰਨੈਸ਼ਨਲ ਡੈਸਕ: ਆਸਟ੍ਰੇਲੀਆ ਵਿੱਚ ਇੱਕ ਬਹੁਤ ਹੀ ਦੁਰਲੱਭ ਅਤੇ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ 34 ਸਾਲਾ ਜੇਨੀਤਾਰ ਨਾਮੋਆਨਾ ਨੇ ਇੱਕੋ ਸਮੇਂ ਚਾਰ ਇੱਕੋ ਜਿਹੀਆਂ ਜੁੜਵਾਂ ਧੀਆਂ ਨੂੰ ਜਨਮ ਦਿੱਤਾ ਹੈ। ਡਾਕਟਰਾਂ ਮੁਤਾਬਕ ਇਹ ਘਟਨਾ ਕਰੀਬ 1.5 ਕਰੋੜ ਗਰਭ-ਅਵਸਥਾਵਾਂ ਵਿੱਚੋਂ ਸਿਰਫ਼ ਇੱਕ ਵਾਰ ਵਾਪਰਦੀ ਹੈ, ਜਿਸ ਕਾਰਨ ਇਹ ਮਾਮਲਾ ਦੁਨੀਆ ਭਰ ਵਿੱਚ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।

14 ਜੁਲਾਈ ਨੂੰ ਸਿਰਫ਼ 7 ਮਹੀਨੇ ਅਤੇ 4 ਦਿਨ ਦੀ ਗਰਭ ਅਵਸਥਾ ਦੌਰਾਨ ਸੀ-ਸੈਕਸ਼ਨ ਰਾਹੀਂ ਚਾਰੋਂ ਬੱਚੀਆਂ ਦਾ ਸੁਰੱਖਿਅਤ ਜਨਮ ਕਰਵਾਇਆ ਗਿਆ। ਡਾਕਟਰਾਂ ਨੇ ਦੱਸਿਆ ਕਿ ਇੱਕ ਹੀ ਅੰਡਾ ਚਾਰ ਹਿੱਸਿਆਂ ਵਿੱਚ ਵੰਡ ਗਿਆ, ਜਿਸ ਨਾਲ ਮੋਨੋਜ਼ਾਈਗੋਟਿਕ ਕਵਾਡ੍ਰਪਲੈਟਸ ਦਾ ਜਨਮ ਹੋਇਆ। ਇਹ ਚਾਰੋਂ ਬੱਚੀਆਂ ਇੱਕੋ ਪਲੈਸੈਂਟਾ ਨਾਲ ਜੁੜੀਆਂ ਹੋਈਆਂ ਸਨ, ਜੋ ਡਾਕਟਰੀ ਵਿਗਿਆਨ ਵਿੱਚ ਬਹੁਤ ਹੀ ਦੁਰਲੱਭ ਸਥਿਤੀ ਮੰਨੀ ਜਾਂਦੀ ਹੈ।

ਸੰਸਦ ਮਾਰਚ ਦੌਰਾਨ ਟਕਰਾਅ: CJP ਨੇ ਦਿੱਲੀ ਪੁਲਿਸ ‘ਤੇ ਲਾਏ ਗੰਭੀਰ ਦੋਸ਼, ਪੁਲਿਸ ਨੇ ਟਰੱਕ ‘ਤੇ ਕੀਤਾ ਹਮਲਾ ,ਪ੍ਰਦਰਸ਼ਨਕਾਰੀਆਂ ਨਾਲ ਕੁੱਟਮਾਰ ਦੇ ਦੋਸ਼

ਡਾਕਟਰ ਅਲੈਕਸਾ ਬੈਂਡਲ ਦੀ ਨਿਗਰਾਨੀ ਹੇਠ ਪੂਰੀ ਗਰਭ ਅਵਸਥਾ ਦੌਰਾਨ ਖ਼ਾਸ ਦੇਖਭਾਲ ਕੀਤੀ ਗਈ। ਨਵਜੰਮੀਆਂ ਧੀਆਂ ਦੇ ਨਾਮ ਐਮਿਲੀ, ਹੈਰੀਏਟ, ਕੈਥਰੀਨ ਅਤੇ ਅਲੈਕਸਾ ਰੱਖੇ ਗਏ ਹਨ, ਜਿਨ੍ਹਾਂ ਵਿੱਚੋਂ ਇੱਕ ਦਾ ਨਾਮ ਇਲਾਜ ਕਰਨ ਵਾਲੀ ਡਾਕਟਰ ਦੇ ਸਨਮਾਨ ਵਿੱਚ ਰੱਖਿਆ ਗਿਆ।

ਜੇਨੀਤਾਰ ਅਤੇ ਉਸਦੇ ਪਤੀ ਦੇ ਪਹਿਲਾਂ ਹੀ ਚਾਰ ਬੱਚੇ ਹਨ। ਹੁਣ ਪਰਿਵਾਰ ਵਿੱਚ ਕੁੱਲ ਅੱਠ ਬੱਚੇ ਹੋਣ ਕਾਰਨ ਉਨ੍ਹਾਂ ਨੂੰ ਰੋਜ਼ਾਨਾ ਜੀਵਨ ਵਿੱਚ ਕਈ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਲਈ ਉਨ੍ਹਾਂ ਨੇ GoFundMe ਰਾਹੀਂ 10 ਸੀਟਾਂ ਵਾਲੀ ਵੱਡੀ ਵੈਨ ਖਰੀਦਣ ਲਈ ਲੋਕਾਂ ਤੋਂ ਆਰਥਿਕ ਸਹਾਇਤਾ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਦੀ ਭਾਵੁਕ ਅਪੀਲ ਨੂੰ ਲੋਕਾਂ ਵੱਲੋਂ ਵੱਡਾ ਸਮਰਥਨ ਮਿਲ ਰਿਹਾ ਹੈ ਅਤੇ ਹੁਣ ਤੱਕ ਹਜ਼ਾਰਾਂ ਆਸਟ੍ਰੇਲੀਆਈ ਡਾਲਰ ਦਾਨ ਵਜੋਂ ਇਕੱਠੇ ਹੋ ਚੁੱਕੇ ਹਨ।

ਨੀਟ ਵਿਵਾਦ ‘ਤੇ ਪ੍ਰਿਯੰਕਾ ਗਾਂਧੀ ਦਾ ਕੇਂਦਰ ‘ਤੇ ਨਿਸ਼ਾਨਾ, ਕਿਹਾ, ‘ਨੌਜਵਾਨਾਂ ਦੀ ਆਵਾਜ਼ ਦਬਾਉਣ ਨਾਲ ਸੱਚ ਨਹੀਂ ਬਦਲੇਗਾ’