ਓਡੀਸ਼ਾ ਟ੍ਰੈਕ ਮੁਰੰਮਤ ਦੌਰਾਨ: ਚੇਨਈ-ਐਕਸਪ੍ਰੈਸ ਹਾਦਸੇ ਦਾ ਸ਼ਿਕਾਰ

3 months पहले

ਨੈਸ਼ਨਲ ਡੈਸਕ: ਭੁਵਨੇਸ਼ਵਰ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਚੇਨਈ ਤੋਂ ਨਿਊ ਜਲਪਾਈਗੁੜੀ ਜਾ ਰਹੀ ਚੇਨਈ ਸੈਂਟਰਲ ਐਕਸਪ੍ਰੈਸ ਟ੍ਰੇਨ ਦੇ ਤਿੰਨ ਡਿੱਬੇ ਜਾਜਪੁਰ ਰੋਡ ਸਟੇਸ਼ਨ ਨੇੜੇ ਜਖਪੁਰਾ ਖੇਤਰ ਵਿੱਚ ਪਟੜੀ ਤੋਂ ਉਤਰ ਗਏ। ਇਹ ਘਟਨਾ ਅੱਜ ਸਵੇਰੇ ਲਗਭਗ 8 ਵਜੇ 50 ਮਿੰਟ ਉਤੇ ਵਾਪਰੀ ਜਦੋਂ ਟ੍ਰੇਨ ਟਰੈਕ ਬਦਲ ਰਹੀ ਸੀ। ਉਸ ਸਮੇਂ ਟਰੈਕ ਦੀ ਮੁਰੰਮਤ ਚੱਲ ਰਹੀ ਸੀ ਜਿਸ ਕਾਰਨ ਟ੍ਰੇਨ ਦੀ ਰਫ਼ਤਾਰ ਘੱਟ ਸੀ। ਇਸੇ ਕਰਕੇ ਕਿਸੇ ਵੀ ਯਾਤਰੀ ਦੇ ਜ਼ਖਮੀ ਹੋਣ ਦੀ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ ਜੋ ਕਿ ਇੱਕ ਵੱਡੀ ਰਾਹਤ ਦੀ ਗੱਲ ਹੈ।

ਇੰਸਟਾਗ੍ਰਾਮ ਰਿਸ਼ਤੇ ਨੇ ਤਬਾਹ ਕੀਤਾ ਪਰਿਵਾਰ ਪਤਨੀ ਨੇ ਕਰਵਾਇਆ ਕਤਲ

ਦੁਰਘਟਨਾ ਵਿੱਚ ਇੱਕ ਏਸੀ ਕੋਚ ਅਤੇ ਦੋ ਆਮ ਡਿੱਬੇ ਪਟੜੀ ਤੋਂ ਉਤਰ ਗਏ। ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਰਾਹਤ ਅਤੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤਾ ਗਿਆ। ਭਦਰਕ ਤੋਂ ਇੱਕ ਵਿਸ਼ੇਸ਼ ਟੀਮ ਨੂੰ ਮੌਕੇ ‘ਤੇ ਭੇਜਿਆ ਗਿਆ ਹੈ ਜੋ ਕਿ ਰਾਹਤ ਕਾਰਜ ਵਿੱਚ ਲੱਗੀ ਹੋਈ ਹੈ। ਤਿੰਨੋਂ ਡਿੱਬਿਆਂ ਨੂੰ ਮੁੜ ਪਟੜੀ ‘ਤੇ ਲਿਆਉਣ ਲਈ ਰੇਲਵੇ ਵਿਭਾਗ ਵੱਲੋਂ ਕੋਸ਼ਿਸ਼ਾਂ ਜਾਰੀ ਹਨ।

ਮੁੰਬਈ ਲਿਫਟ ‘ਚ ਗੈਸ ਗੁਬਾਰਿਆਂ ਦਾ ਧਮਾਕਾ 2 ਜ਼ਖਮੀ cctv ‘ਚ ਕੈਦ ਹੋਈ ਦਹਿਸ਼ਤ

ਇਸ ਦੌਰਾਨ ਜਾਜਪੁਰ ਰੋਡ ਰੇਲਵੇ ਪੁਲਿਸ ਮੌਕੇ ‘ਤੇ ਮੌਜੂਦ ਹੈ ਅਤੇ ਸਥਿਤੀ ‘ਤੇ ਨਜ਼ਰ ਰੱਖੀ ਜਾ ਰਹੀ ਹੈ। ਰੇਲਵੇ ਪ੍ਰਸ਼ਾਸਨ ਵੱਲੋਂ ਦੱਸਿਆ ਗਿਆ ਹੈ ਕਿ ਹਾਦਸੇ ਦੇ ਤੁਰੰਤ ਬਾਅਦ ਸਾਰੇ ਯਾਤਰੀਆਂ ਨੂੰ ਸੁਰੱਖਿਅਤ ਢੰਗ ਨਾਲ ਟ੍ਰੇਨ ਤੋਂ ਬਾਹਰ ਕੱਢ ਲਿਆ ਗਿਆ ਸੀ ਅਤੇ ਕਿਸੇ ਵੀ ਤਰ੍ਹਾਂ ਦੀ ਜਾਨੀ ਨੁਕਸਾਨ ਦੀ ਪੁਸ਼ਟੀ ਨਹੀਂ ਹੋਈ।ਇਸ ਹਾਦਸੇ ਕਾਰਨ ਕੁਝ ਰੇਲ ਸੇਵਾਵਾਂ ਪ੍ਰਭਾਵਿਤ ਹੋਈਆਂ ਹਨ ਅਤੇ ਕਈ ਟ੍ਰੇਨਾਂ ਨੂੰ ਰੱਦ ਜਾਂ ਮੋੜਿਆ ਗਿਆ ਹੈ। ਰੇਲਵੇ ਵੱਲੋਂ ਯਾਤਰੀਆਂ ਨੂੰ ਹੋ ਰਹੀ ਅਸੁਵਿਧਾ ਲਈ ਅਫ਼ਸੋਸ ਜਤਾਇਆ ਗਿਆ ਹੈ ਅਤੇ ਕਿਹਾ ਗਿਆ ਹੈ ਕਿ ਜਲਦੀ ਹੀ ਟ੍ਰੈਕ ਦੀ ਮੁਰੰਮਤ ਕਰਕੇ ਆਮ ਸੇਵਾ ਬਹਾਲ ਕਰ ਦਿੱਤੀ ਜਾਵੇਗੀ।

repair-chennai-express-accident