ਇੰਗਲੈਂਡ ਖ਼ਿਲਾਫ਼ ਵਨਡੇ ਸੀਰੀਜ਼ ‘ਚ ਵਿਰਾਟ ਕੋਹਲੀ ਅਤੇ ਰੋਹਿਤ ਸ਼ਰਮਾ ਦੀ ਨਜ਼ਰ ਵੱਡੇ ਰਿਕਾਰਡਾਂ ‘ਤੇ

14 July 2026 ਅੱਪਡੇਟ ਕੀਤਾ ਗਿਆ

ਨਵੀਂ ਦਿੱਲੀ: ਇੰਗਲੈਂਡ ਖ਼ਿਲਾਫ਼ ਟੀ-20 ਸੀਰੀਜ਼ ਦੀ ਨਿਰਾਸ਼ਾਜਨਕ ਹਾਰ ਨੂੰ ਪਿੱਛੇ ਛੱਡ ਕੇ ਭਾਰਤੀ ਟੀਮ ਹੁਣ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਲਈ ਤਿਆਰ ਹੈ। ਇਸ ਸੀਰੀਜ਼ ਵਿੱਚ ਸੀਨੀਅਰ ਬੱਲੇਬਾਜ਼ ਵਿਰਾਟ ਕੋਹਲੀ ਅਤੇ ਰੋਹਿਤ ਸ਼ਰਮਾ ਦੀ ਵਾਪਸੀ ਨਾਲ ਟੀਮ ਨੂੰ ਵੱਡਾ ਬਲ ਮਿਲੇਗਾ। ਦੋਵੇਂ ਦਿੱਗਜ ਨਾ ਸਿਰਫ਼ ਭਾਰਤ ਨੂੰ ਸੀਰੀਜ਼ ਜਿਤਾਉਣ ਦੇ ਇਰਾਦੇ ਨਾਲ ਉਤਰਣਗੇ, ਸਗੋਂ ਇੱਕ ਖਾਸ ਰਿਕਾਰਡ ਵੀ ਉਨ੍ਹਾਂ ਦੇ ਨਿਸ਼ਾਨੇ ‘ਤੇ ਹੋਵੇਗਾ।

ਦ੍ਰਾਵਿੜ ਦਾ ਰਿਕਾਰਡ ਤੋੜਨ ਦੇ ਨੇੜੇ ਕੋਹਲੀ

ਇੰਗਲੈਂਡ ਵਿਰੁੱਧ ਵਨਡੇ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਭਾਰਤੀ ਬੱਲੇਬਾਜ਼ਾਂ ਦੀ ਸੂਚੀ ਵਿੱਚ ਇਸ ਸਮੇਂ ਰਾਹੁਲ ਦ੍ਰਾਵਿੜ ਸਿਖਰ ‘ਤੇ ਹਨ। ਦ੍ਰਾਵਿੜ ਨੇ 20 ਪਾਰੀਆਂ ਵਿੱਚ 648 ਦੌੜਾਂ ਬਣਾਈਆਂ ਹਨ।

ਵਿਰਾਟ ਕੋਹਲੀ 16 ਪਾਰੀਆਂ ਵਿੱਚ 581 ਦੌੜਾਂ ਨਾਲ ਚੌਥੇ ਸਥਾਨ ‘ਤੇ ਹਨ। ਉਨ੍ਹਾਂ ਨੂੰ ਦ੍ਰਾਵਿੜ ਦਾ ਰਿਕਾਰਡ ਤੋੜਨ ਲਈ ਸਿਰਫ਼ 68 ਦੌੜਾਂ ਦੀ ਲੋੜ ਹੈ। ਤਿੰਨ ਮੈਚਾਂ ਦੀ ਇਸ ਸੀਰੀਜ਼ ਵਿੱਚ ਕੋਹਲੀ ਕੋਲ ਸੂਚੀ ਵਿੱਚ ਸਿਖਰ ‘ਤੇ ਪਹੁੰਚਣ ਦਾ ਸੁਨਹਿਰੀ ਮੌਕਾ ਹੈ।

Lord’s ਫਤਿਹ ਤੋਂ ਬਾਅਦ ਦੀਪਤੀ ਸ਼ਰਮਾ ਦੇ ਪਰਿਵਾਰ ‘ਚ ਜਸ਼ਨ, ਮਾਪਿਆਂ ਨੇ ਏਸ਼ੀਆਈ ਖੇਡਾਂ ਲਈ ਦਿੱਤਾ ਖ਼ਾਸ ਸੰਦੇਸ਼

ਰੋਹਿਤ ਸ਼ਰਮਾ ਦੀ ਵੀ ਵੱਡੀ ਛਾਲ ਦੀ ਉਮੀਦ

ਰੋਹਿਤ ਸ਼ਰਮਾ ਇਸ ਸੂਚੀ ਵਿੱਚ ਸੱਤਵੇਂ ਸਥਾਨ ‘ਤੇ ਹਨ। ਉਨ੍ਹਾਂ ਨੇ ਇੰਗਲੈਂਡ ਖ਼ਿਲਾਫ਼ 10 ਪਾਰੀਆਂ ਵਿੱਚ 410 ਦੌੜਾਂ ਬਣਾਈਆਂ ਹਨ। ਖਾਸ ਗੱਲ ਇਹ ਹੈ ਕਿ ਸੂਚੀ ਵਿੱਚ ਮੌਜੂਦ ਸਾਰੇ ਬੱਲੇਬਾਜ਼ਾਂ ਵਿੱਚ ਰੋਹਿਤ ਦੀ ਔਸਤ ਸਭ ਤੋਂ ਵੱਧ 58.57 ਹੈ।

ਜੇਕਰ ਰੋਹਿਤ ਇਸ ਸੀਰੀਜ਼ ਵਿੱਚ ਵੱਡੀਆਂ ਪਾਰੀਆਂ ਖੇਡਦੇ ਹਨ ਤਾਂ ਉਹ ਵੀ ਇਸ ਸੂਚੀ ਵਿੱਚ ਕਈ ਸਥਾਨ ਉੱਪਰ ਚੜ੍ਹ ਸਕਦੇ ਹਨ।

ਵੈਭਵ ਸੂਰਿਆਵੰਸ਼ੀ ਦੇ ਮਾਮਲੇ ‘ਤੇ ਭੜਕੇ ਕ੍ਰਿਸ ਸ਼੍ਰੀਕਾਂਤ, ਟੀਮ ਮੈਨੇਜਮੈਂਟ ਅਤੇ ਸ਼੍ਰੇਅਸ ਅਈਅਰ ‘ਤੇ ਚੁੱਕੇ ਸਵਾਲ

ਇੰਗਲੈਂਡ ਖ਼ਿਲਾਫ਼ ਵਨਡੇ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਭਾਰਤੀ ਬੱਲੇਬਾਜ਼

1. ਰਾਹੁਲ ਦ੍ਰਾਵਿੜ – 20 ਮੈਚ, 648 ਦੌੜਾਂ, ਔਸਤ 38.11
2. ਸਚਿਨ ਤੇਂਦੁਲਕਰ – 17 ਮੈਚ, 639 ਦੌੜਾਂ, ਔਸਤ 39.93
3. ਐਮ.ਐਸ. ਧੋਨੀ – 21 ਮੈਚ, 613 ਦੌੜਾਂ, ਔਸਤ 40.86
4. ਵਿਰਾਟ ਕੋਹਲੀ – 16 ਮੈਚ, 581 ਦੌੜਾਂ, ਔਸਤ 38.73
5. ਸੌਰਵ ਗਾਂਗੁਲੀ – 16 ਮੈਚ, 565 ਦੌੜਾਂ, ਔਸਤ 35.31
6. ਯੁਵਰਾਜ ਸਿੰਘ – 14 ਮੈਚ, 498 ਦੌੜਾਂ, ਔਸਤ 41.50
7. ਰੋਹਿਤ ਸ਼ਰਮਾ – 10 ਮੈਚ, 410 ਦੌੜਾਂ, ਔਸਤ 58.57

ODI series against England