ਅੱਜ ਕੀ ਪਕਾਉਣਾ ਹੈ? ਸਿਰਫ਼ 1 ਕਟੋਰੀ ਪੋਹਾ ਅਤੇ ਆਟੇ ਨਾਲ 5 ਮਿੰਟਾਂ ਵਿੱਚ ਬਣਾਓ ਸੁਆਦੀ ਤੇ ਕਰਿਸਪੀ ਨਾਸ਼ਤਾ

16 June 2026 ਅੱਪਡੇਟ ਕੀਤਾ ਗਿਆ

ਕਈ ਵਾਰ ਘਰ ਵਿੱਚ ਮਹਿਮਾਨ ਅਚਾਨਕ ਆ ਜਾਂਦੇ ਹਨ ਅਤੇ ਸਮਝ ਨਹੀਂ ਆਉਂਦੀ ਕਿ ਝੱਟ-ਪੱਟ ਕੀ ਬਣਾਇਆ ਜਾਵੇ ਜੋ ਸੁਆਦੀ ਵੀ ਹੋਵੇ ਅਤੇ ਘੱਟ ਸਮੇਂ ਵਿੱਚ ਤਿਆਰ ਵੀ ਹੋ ਜਾਵੇ। ਅਜਿਹੇ ਮੌਕਿਆਂ ਲਈ ਪੋਹਾ ਅਤੇ ਕਣਕ ਦੇ ਆਟੇ ਨਾਲ ਬਣਿਆ ਇਹ ਕਰਿਸਪੀ ਨਾਸ਼ਤਾ ਇੱਕ ਸ਼ਾਨਦਾਰ ਵਿਕਲਪ ਹੈ। ਇਹ ਰੈਸਪੀ ਨਾ ਸਿਰਫ਼ ਆਸਾਨ ਹੈ, ਸਗੋਂ ਘਰ ਵਿੱਚ ਮੌਜੂਦ ਆਮ ਸਮੱਗਰੀ ਨਾਲ ਹੀ ਤਿਆਰ ਹੋ ਜਾਂਦੀ ਹੈ। ਬਾਹਰੋਂ ਕਰਿਸਪੀ ਅਤੇ ਅੰਦਰੋਂ ਨਰਮ ਇਹ ਸਨੈਕ ਬੱਚਿਆਂ ਤੋਂ ਲੈ ਕੇ ਵੱਡਿਆਂ ਤੱਕ ਸਭ ਨੂੰ ਪਸੰਦ ਆਉਂਦਾ ਹੈ।

ਲੋੜੀਂਦੀ ਸਮੱਗਰੀ
1/2 ਕੱਪ ਪੋਹਾ
1/2 ਕੱਪ ਕਣਕ ਦਾ ਆਟਾ
1/2 ਕੱਪ ਦਹੀਂ
1/4 ਕੱਪ ਪਾਣੀ
1 ਬਾਰੀਕ ਕੱਟਿਆ ਪਿਆਜ਼
4 ਬਾਰੀਕ ਕੱਟੀਆਂ ਹਰੀਆਂ ਮਿਰਚਾਂ
ਕੁਝ ਕੜੀ ਪੱਤੇ
1 ਇੰਚ ਕੱਦੂਕਸ ਕੀਤਾ ਅਦਰਕ
1 ਚਮਚ ਨਮਕ
ਇੱਕ ਚੁਟਕੀ ਹਿੰਗ
1 ਚਮਚ ਜੀਰਾ
ਬਾਰੀਕ ਕੱਟਿਆ ਹਰਾ ਧਨੀਆ
1 ਚਮਚ ਮੋਟੀ ਪੀਸੀ ਕਾਲੀ ਮਿਰਚ
1/4 ਚਮਚ ਬੇਕਿੰਗ ਸੋਡਾ
ਤਲਣ ਲਈ ਤੇਲ

ਸ਼ੰਭੂ-ਰਾਜਪੁਰਾ ਮਾਲ ਰੇਲਵੇ ਕਾਰੀਡੋਰ ਬੰਬ ਧਮਾਕਾ: NIA ਦੀ ਵੱਡੀ ਕਾਰਵਾਈ, ਮੁੱਖ ਸਾਜ਼ਿਸ਼ਕਾਰ ਗ੍ਰਿਫ਼ਤਾਰ

ਬਣਾਉਣ ਦੀ ਵਿਧੀ

ਸਭ ਤੋਂ ਪਹਿਲਾਂ ਪੋਹੇ ਨੂੰ ਦੋ ਤੋਂ ਤਿੰਨ ਵਾਰ ਪਾਣੀ ਨਾਲ ਧੋ ਲਓ ਅਤੇ ਇੱਕ ਮਿੰਟ ਲਈ ਪਾਣੀ ਵਿੱਚ ਭਿੱਜ ਕੇ ਰੱਖੋ। ਜਦੋਂ ਪੋਹਾ ਨਰਮ ਹੋ ਜਾਵੇ ਤਾਂ ਇਸ ਦਾ ਪਾਣੀ ਕੱਢ ਕੇ ਹੱਥਾਂ ਨਾਲ ਚੰਗੀ ਤਰ੍ਹਾਂ ਮੈਸ਼ ਕਰ ਲਓ।

ਹੁਣ ਮਿਕਸਰ ਜਾਰ ਵਿੱਚ ਭਿੱਜਿਆ ਪੋਹਾ, ਕਣਕ ਦਾ ਆਟਾ, ਦਹੀਂ ਅਤੇ ਪਾਣੀ ਪਾ ਕੇ ਹੌਲੀ-ਹੌਲੀ ਪੀਸ ਲਓ। ਤਿਆਰ ਘੋਲ ਨੂੰ ਇੱਕ ਬਰਤਨ ਵਿੱਚ ਕੱਢੋ ਅਤੇ ਲਗਭਗ 30 ਸਕਿੰਟ ਤੱਕ ਚੰਗੀ ਤਰ੍ਹਾਂ ਫੈਂਟੋ।

ਇਸ ਵਿੱਚ ਪਿਆਜ਼, ਹਰੀ ਮਿਰਚ, ਕੜੀ ਪੱਤੇ, ਅਦਰਕ, ਧਨੀਆ, ਨਮਕ, ਹਿੰਗ, ਜੀਰਾ ਅਤੇ ਕਾਲੀ ਮਿਰਚ ਮਿਲਾਓ। ਤਲਣ ਤੋਂ ਠੀਕ ਪਹਿਲਾਂ ਬੇਕਿੰਗ ਸੋਡਾ ਅਤੇ ਥੋੜ੍ਹਾ ਜਿਹਾ ਪਾਣੀ ਮਿਲਾ ਕੇ ਘੋਲ ਨੂੰ ਹਲਕਾ ਬਣਾਓ।

ਇੱਕ ਕੜਾਹੀ ਵਿੱਚ ਤੇਲ ਗਰਮ ਕਰੋ ਅਤੇ ਘੋਲ ਦੇ ਛੋਟੇ-ਛੋਟੇ ਵੜੇ ਬਣਾਕੇ ਦਰਮਿਆਨੀ ਅੱਗ ‘ਤੇ ਸੁਨਹਿਰੀ ਹੋਣ ਤੱਕ ਤਲੋ। ਗਰਮਾ-ਗਰਮ ਵੜਿਆਂ ਨੂੰ ਹਰੀ ਚਟਨੀ ਜਾਂ ਟਮਾਟਰ ਸਾਸ ਨਾਲ ਪਰੋਸੋ।

ਖਾਸ ਸੁਝਾਅ

ਪੋਹੇ ਨੂੰ ਚੰਗੀ ਤਰ੍ਹਾਂ ਨਰਮ ਕਰਨਾ ਬਹੁਤ ਜ਼ਰੂਰੀ ਹੈ ਤਾਂ ਜੋ ਵੜੇ ਕਰਿਸਪੀ ਬਣ ਸਕਣ। ਕਾਲੀ ਮਿਰਚ ਨੂੰ ਮੋਟਾ ਪੀਸਣ ਨਾਲ ਸੁਆਦ ਹੋਰ ਵਧ ਜਾਂਦਾ ਹੈ। ਘੋਲ ਨੂੰ ਫੈਂਟਣ ਨਾਲ ਨਾਸ਼ਤਾ ਹੋਰ ਵੀ ਨਰਮ ਅਤੇ ਸਪੰਜੀ ਬਣਦਾ ਹੈ। ਤਲਣ ਸਮੇਂ ਅੱਗ ਨੂੰ ਹਮੇਸ਼ਾ ਦਰਮਿਆਨਾ ਰੱਖੋ ਤਾਂ ਜੋ ਵੜੇ ਅੰਦਰੋਂ ਵੀ ਪੂਰੀ ਤਰ੍ਹਾਂ ਪੱਕ ਜਾਣ।

ਇਹ ਆਸਾਨ ਅਤੇ ਸੁਆਦੀ ਪੋਹਾ-ਆਟਾ ਨਾਸ਼ਤਾ ਘੱਟ ਸਮੇਂ ਵਿੱਚ ਤਿਆਰ ਹੋ ਜਾਂਦਾ ਹੈ ਅਤੇ ਚਾਹ ਦੇ ਨਾਲ ਸ਼ਾਮ ਦੀ ਭੁੱਖ ਮਿਟਾਉਣ ਲਈ ਬਿਲਕੁਲ ਪਰਫੈਕਟ ਹੈ।

ਸੋਨਾ ਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਜਾਣੋ ਅੱਜ਼ ਦੇ ਤਾਜ਼ਾ ਰੇਟ