ਬਰਨਾਲਾ ‘ਚ ₹1,400 ਕਰੋੜ ਦਾ ਨਵਾਂ API ਪਲਾਂਟ, 2,000 ਨਵੇਂ ਰੋਜ਼ਗਾਰ ਦੇ ਮੌਕੇ

11 months ਪਹਿਲਾ

ਚੰਡੀਗੜ੍ਹ: ਆਮ ਆਦਮੀ ਪਾਰਟੀ ਦੀ ਸਰਕਾਰ ਹੇਠ ਪੰਜਾਬ ਵਿੱਚ ਨਿਵੇਸ਼ ਅਤੇ ਰੋਜ਼ਗਾਰ ਦੇ ਮੌਕੇ ਵਧ ਰਹੇ ਹਨ। ਰਾਸ਼ਟਰੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਅਤੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਅਗਵਾਈ ਹੇਠ, ਕੈਬਨਿਟ ਮੰਤਰੀ ਸੰਜੀਵ ਅਰੋੜਾ ਨੇ ਐਲਾਨ ਕੀਤਾ ਕਿ IOL Chemicals & Pharmaceuticals Ltd. ਪੰਜਾਬ ਵਿੱਚ ₹1,400 ਕਰੋੜ ਦੀ ਨਵੀਂ ਨਿਵੇਸ਼ ਯੋਜਨਾ ਲੈ ਕੇ ਆ ਰਹੀ ਹੈ। ਇਹ ਨਿਵੇਸ਼ ਜ਼ਿਲ੍ਹਾ ਬਰਨਾਲਾ ਦੇ ਪਿੰਡ ਬਦਬੜ ਵਿੱਚ ਨਵੇਂ ਐਕਟਿਵ ਫਾਰਮਾਸਿਊਟੀਕਲ ਇੰਗ੍ਰੀਡੀਅਂਟ (API) ਮੈਨੂਫੈਕਚਰਿੰਗ ਪਲਾਂਟ ਦੀ ਸਥਾਪਨਾ ਲਈ ਕੀਤਾ ਜਾ ਰਿਹਾ ਹੈ, ਜਿਸ ਨਾਲ 2,000 ਲੋਕਾਂ ਨੂੰ ਰੋਜ਼ਗਾਰ ਦੇ ਮੌਕੇ ਮਿਲਣਗੇ। ਮੰਤਰੀ ਅਰੋੜਾ ਨੇ ਦੱਸਿਆ ਕਿ ਪ੍ਰੋਜੈਕਟ ਲਈ ਪਰਿਆਵਰਨਕ ਮਨਜ਼ੂਰੀ ਮਿਲ ਚੁੱਕੀ ਹੈ ਅਤੇ ਕੰਪਨੀ ਕੋਲ ਜ਼ਮੀਨ ਦੀ ਮਲਕੀਅਤ ਵੀ ਹੈ।

ਸੇਂਟ ਐਲਿਜ਼ਾਬੈਥ ‘ਚ ਹੜ੍ਹ ਨੇ ਲਿਆ ਪਰਿਵਾਰਾਂ ਨੂੰ, ਹੜ੍ਹਾਂ ‘ਚ ਵਹੀਆਂ ਲਾਸ਼ਾਂ

IOL Chemicals & Pharmaceuticals Ltd. ਦੇਸ਼ ਦੀ ਪ੍ਰਮੁੱਖ API ਨਿਰਮਾਤਾ ਹੈ ਅਤੇ ਦੁਨੀਆ ਦੀ ਸਭ ਤੋਂ ਵੱਡੀ Ibuprofen ਉਤਪਾਦਕ ਕੰਪਨੀ ਵੀ ਮੰਨੀ ਜਾਂਦੀ ਹੈ। ਕੰਪਨੀ ਦਾ ਪਹਿਲਾਂ ਤੋਂ ਹੀ ਫਤਿਹਗੜ੍ਹ ਚੰਨਾ (ਬਰਨਾਲਾ) ਵਿੱਚ ਯੂਨਿਟ ਚੱਲ ਰਿਹਾ ਹੈ। ਨਵੇਂ ਨਿਵੇਸ਼ ਨਾਲ ਪੰਜਾਬ ਵਿੱਚ ਕੰਪਨੀ ਦਾ ਕੁੱਲ ਨਿਵੇਸ਼ ₹2,533 ਕਰੋੜ ਹੋ ਜਾਵੇਗਾ ਅਤੇ 3,100 ਲੋਕ ਕੰਮ ਕਰ ਰਹੇ ਹੋਣਗੇ। ਇਹ ਗ੍ਰੀਨਫੀਲਡ ਪ੍ਰੋਜੈਕਟ ਪੰਜਾਬ ਵਿੱਚ ਫਾਰਮਾਸਿਊਟੀਕਲ ਅਤੇ ਰਸਾਇਣਕ ਉਦਯੋਗਾਂ ਨੂੰ ਹੋਰ ਮਜ਼ਬੂਤੀ ਦੇਵੇਗਾ। ਮੰਤਰੀ ਅਰੋੜਾ ਨੇ ਇਹ ਵੀ ਦੱਸਿਆ ਕਿ ਆਮ ਆਦਮੀ ਪਾਰਟੀ ਦੀ ਸਰਕਾਰ ਆਉਣ ਤੋਂ ਬਾਅਦ ਪੰਜਾਬ ਵਿੱਚ ₹1.30 ਲੱਖ ਕਰੋੜ ਦਾ ਨਿਵੇਸ਼ ਹੋ ਚੁੱਕਾ ਹੈ, ਜਿਸ ਨਾਲ 5 ਲੱਖ ਰੋਜ਼ਗਾਰ ਦੇ ਮੌਕੇ ਸਿਰਜੇ ਗਏ ਹਨ।

ਫਲਾਈਓਵਰ ‘ਤੇ ਵਾਪਰਿਆ ਹਾਦਸਾ, ਬਰੈੱਡ ਡਲਿਵਰੀ ਕਰਨ ਵਾਲੀ ਗੱਡੀ ਪਲਟੀ

ਇਸ ਮੌਕੇ IOL ਦੇ ਮੈਨੇਜਿੰਗ ਡਾਇਰੈਕਟਰ ਵਰਿੰਦਰ ਗੁਪਤਾ ਅਤੇ ਇਨਵੈਸਟ ਪ੍ਰੋਮੋਸ਼ਨ ਦੇ CEO ਅਮਿਤ ਢੱਕਾ ਵੀ ਮੌਜੂਦ ਸਨ, ਜਿਨ੍ਹਾਂ ਨੇ ਮੀਡੀਆ ਦੇ ਸਵਾਲਾਂ ਦੇ ਜਵਾਬ ਦਿੱਤੇ।