ਦਿੱਲੀ ਦਾ 5 ਪੈਸਿਆਂ ਵਾਲਾ ਕੇਸ 40 ਸਾਲ ਚੱਲਿਆ, ਕੰਡਕਟਰ ਨੂੰ ਆਖ਼ਿਰ ਮਿਲਿਆ ਇਨਸਾਫ਼

30 March 2026 ਅੱਪਡੇਟ ਕੀਤਾ ਗਿਆ

PUNJAB DESK: ਦਿੱਲੀ ਤੋਂ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜੋ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਹ ਕਹਾਣੀ ਇੱਕ ਬੱਸ ਕੰਡਕਟਰ ਰਣਵੀਰ ਸਿੰਘ ਯਾਦਵ ਦੀ ਹੈ, ਜੋ ਸਿਰਫ਼ 5 ਪੈਸੇ ਦੇ ਦੋਸ਼ ਕਾਰਨ ਲਗਭਗ 40 ਸਾਲ ਤੱਕ ਅਦਾਲਤਾਂ ਦੇ ਚੱਕਰ ਕੱਟਣ ਲਈ ਮਜਬੂਰ ਹੋਇਆ।

ਇਹ ਮਾਮਲਾ 1973 ਦਾ ਹੈ, ਜਦੋਂ ਰਣਵੀਰ ਦਿੱਲੀ ਟਰਾਂਸਪੋਰਟ ਕਾਰਪੋਰੇਸ਼ਨ (DTC) ਵਿੱਚ ਕੰਡਕਟਰ ਸੀ। ਉਸ ‘ਤੇ ਦੋਸ਼ ਲੱਗਾ ਕਿ ਉਸ ਨੇ ਇੱਕ ਮਹਿਲਾ ਯਾਤਰੀ ਤੋਂ 10 ਪੈਸੇ ਦੀ ਟਿਕਟ ਲਈ 15 ਪੈਸੇ ਲਏ ਅਤੇ 5 ਪੈਸੇ ਆਪਣੀ ਜੇਬ ਵਿੱਚ ਪਾ ਲਏ। ਜਾਂਚ ਤੋਂ ਬਾਅਦ ਉਸ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ।

ਜਲੰਧਰ: ਸ਼ਰਾਬ ਦੇ ਠੇਕੇ ‘ਤੇ ਵਧੇਰੇ ਰੇਟ ਦਾ ਵਿਰੋਧ, ਗਾਹਕਾਂ ‘ਤੇ ਲਾਠੀਆਂ ਨਾਲ ਹਮਲਾ

ਨੌਕਰੀ ਗੁਆਉਣ ਤੋਂ ਬਾਅਦ ਰਣਵੀਰ ਨੇ ਇਨਸਾਫ਼ ਲਈ ਕਾਨੂੰਨੀ ਲੜਾਈ ਸ਼ੁਰੂ ਕੀਤੀ। ਇਹ ਲੜਾਈ ਇੰਨੀ ਲੰਮੀ ਚੱਲੀ ਕਿ ਉਸਦੀ ਜ਼ਿੰਦਗੀ ਦਾ ਵੱਡਾ ਹਿੱਸਾ ਅਦਾਲਤਾਂ ਵਿੱਚ ਹੀ ਬੀਤ ਗਿਆ। 1990 ਵਿੱਚ ਲੇਬਰ ਕੋਰਟ ਨੇ ਉਸਦੇ ਹੱਕ ਵਿੱਚ ਫੈਸਲਾ ਦਿੱਤਾ ਅਤੇ ਕਿਹਾ ਕਿ ਬਰਖਾਸਤਗੀ ਗਲਤ ਸੀ। ਪਰ DTC ਨੇ ਇਹ ਫੈਸਲਾ ਹਾਈ ਕੋਰਟ ਵਿੱਚ ਚੁਣੌਤੀ ਦੇ ਦਿੱਤਾ, ਜਿਸ ਨਾਲ ਕੇਸ ਹੋਰ ਲੰਮਾ ਖਿੱਚ ਗਿਆ।

ਇਸ ਦੌਰਾਨ ਇੱਕ ਚੌਕਾਉਣ ਵਾਲੀ ਗੱਲ ਸਾਹਮਣੇ ਆਈ—5 ਪੈਸੇ ਦੇ ਦੋਸ਼ ਲਈ DTC ਨੇ ਲਗਭਗ 47 ਹਜ਼ਾਰ ਰੁਪਏ ਕਾਨੂੰਨੀ ਖਰਚੇ ‘ਤੇ ਲਗਾ ਦਿੱਤੇ, ਜਦਕਿ ਰਣਵੀਰ ਨੇ ਆਪਣੀ ਲੜਾਈ ਵਿੱਚ 4 ਲੱਖ ਰੁਪਏ ਖਰਚ ਕਰ ਦਿੱਤੇ।

ਪੰਜਾਬ ਵਿੱਚ ਸਿਲੈਂਡਰ ਕ੍ਰਾਈਸਿਸ? ਸਰਕਾਰ ਦਾ ਵੱਡਾ ਕਦਮ: ਲੁਧਿਆਣਾ‑ਜਲੰਧਰ ਤੱਕ ਗੈਸ ਪਾਈਪਲਾਈਨ

ਰਣਵੀਰ ਲਈ ਇਹ ਸਿਰਫ਼ ਪੈਸਿਆਂ ਦਾ ਮਾਮਲਾ ਨਹੀਂ ਸੀ, ਇਹ ਉਸਦੀ ਇੱਜ਼ਤ ਅਤੇ ਸੱਚਾਈ ਦੀ ਲੜਾਈ ਸੀ। ਉਸ ਨੇ ਕਈ ਵਾਰ ਦੱਸਿਆ ਕਿ ਉਸਦੇ ਬੱਚੇ ਵੀ ਉਸ ਤੋਂ ਪੁੱਛਦੇ ਸਨ ਕਿ ਕੀ ਉਸ ਨੇ ਸੱਚਮੁੱਚ ਕਿਸੇ ਦੇ ਪੈਸੇ ਖਾਧੇ ਹਨ। ਇਹ ਸਵਾਲ ਉਸ ਲਈ ਬਹੁਤ ਦੁਖਦਾਈ ਸਨ।

ਅੰਤ ਵਿੱਚ, ਲੰਬੀ ਕਾਨੂੰਨੀ ਲੜਾਈ ਤੋਂ ਬਾਅਦ ਅਦਾਲਤ ਨੇ ਰਣਵੀਰ ਨੂੰ ਇਨਸਾਫ਼ ਦਿੱਤਾ। ਕੋਰਟ ਨੇ DTC ਨੂੰ ਹੁਕਮ ਦਿੱਤਾ ਕਿ ਉਹ ਰਣਵੀਰ ਨੂੰ 30 ਹਜ਼ਾਰ ਰੁਪਏ ਮੁਆਵਜ਼ਾ ਦੇਵੇ ਅਤੇ ਉਸਦੀ ਗ੍ਰੈਚੁਟੀ ਅਤੇ ਹੋਰ ਬਕਾਇਆ ਰਕਮ ਵੀ ਜਾਰੀ ਕੀਤੀ ਜਾਵੇ।

jalandhar-liquor-shop-protest-high-prices