Viral Video: ਕਰਮਚਾਰੀ ਦੀ ਮਿਹਨਤ ਦਾ ਮਿਲਿਆ ਸ਼ਾਨਦਾਰ ਇਨਾਮ, ਬੌਸ ਨੇ ਤੋਹਫ਼ੇ ਵਿੱਚ ਦਿੱਤੀ 4 ਕਰੋੜ ਦੀ ਲਗਜ਼ਰੀ ਕਾਰ

30 October 2026 ਅੱਪਡੇਟ ਕੀਤਾ ਗਿਆ

Viral Video: ਦੁਬਈ ਦੀ ਇੱਕ ਕੰਪਨੀ ਇਨ੍ਹੀਂ ਦਿਨੀਂ ਆਪਣੇ ਕਰਮਚਾਰੀ ਨੂੰ ਦਿੱਤੇ ਗਏ ਸ਼ਾਨਦਾਰ ਤੋਹਫ਼ੇ ਕਾਰਨ ਚਰਚਾ ਵਿੱਚ ਹੈ। ਕੰਪਨੀ ਨੇ ਸਾਲ 2026 ਦੀ ਆਪਣੀ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕਰਨ ਵਾਲੀ ਕਰਮਚਾਰੀ ਨੂੰ ਲਗਜ਼ਰੀ Lamborghini ਕਾਰ ਗਿਫ਼ਟ ਕੀਤੀ ਹੈ। ਇਸ ਅਨੋਖੇ ਇਨਾਮ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।

ਦੁਬਈ ਦੀ ਮਸ਼ਹੂਰ ਰੀਅਲ ਅਸਟੇਟ ਕੰਪਨੀ ‘Richkey Properties’ ਨੇ ਆਪਣੀ ਤੀਜੀ ਵਰ੍ਹੇਗੰਢ ਅਤੇ ਸਾਲਾਨਾ ਐਵਾਰਡ ਸਮਾਰੋਹ ਕਰਵਾਇਆ। ਇਸ ਮੌਕੇ ਕੰਪਨੀ ਦੀ ਏਜੰਟ ਨਤਾਸ਼ਾ ਚਾਵੇਜ਼ ਨੂੰ ਸਾਲ 2026 ਦੀ ‘ਟਾਪ ਪਰਫਾਰਮਰ’ ਚੁਣਿਆ ਗਿਆ। ਦੱਸਿਆ ਗਿਆ ਹੈ ਕਿ ਉਨ੍ਹਾਂ ਨੇ ਪਿਛਲੇ ਦੋ ਸਾਲਾਂ ਦੌਰਾਨ 500 ਮਿਲੀਅਨ ਡਾਲਰ ਤੋਂ ਵੱਧ ਦੀਆਂ ਜਾਇਦਾਦਾਂ ਦੀ ਵਿਕਰੀ ਕੀਤੀ ਹੈ।

ਨਤਾਸ਼ਾ ਦੀ ਇਸ ਸ਼ਾਨਦਾਰ ਕਾਰਗੁਜ਼ਾਰੀ ਅਤੇ ਮਿਹਨਤ ਨੂੰ ਦੇਖਦਿਆਂ ਕੰਪਨੀ ਨੇ ਉਨ੍ਹਾਂ ਨੂੰ ਖਾਸ ਤੋਹਫ਼ਾ ਦੇਣ ਦਾ ਫੈਸਲਾ ਕੀਤਾ। ਐਵਾਰਡ ਸਮਾਰੋਹ ਦੌਰਾਨ ਜਦੋਂ ਉਨ੍ਹਾਂ ਨੂੰ ਸਟੇਜ ‘ਤੇ ਸਨਮਾਨਿਤ ਕੀਤਾ ਜਾ ਰਿਹਾ ਸੀ, ਤਾਂ ਉਨ੍ਹਾਂ ਨੂੰ ਲੱਗਿਆ ਕਿ ਪ੍ਰੋਗਰਾਮ ਦਾ ਇਹੀ ਮੁੱਖ ਹਿੱਸਾ ਹੈ। ਪਰ ਅਸਲ ਸਰਪ੍ਰਾਈਜ਼ ਅਜੇ ਬਾਕੀ ਸੀ।

ਕੰਪਨੀ ਦੇ ਸੀਈਓ ਨੇ ਨਤਾਸ਼ਾ ਨੂੰ ਕੁਝ ਸਮਾਂ ਹੋਰ ਰੁਕਣ ਲਈ ਕਿਹਾ ਅਤੇ ਇੱਕ ਹੋਰ ਤੋਹਫ਼ੇ ਦਾ ਐਲਾਨ ਕੀਤਾ। ਇਸ ਤੋਂ ਬਾਅਦ ਸਮਾਰੋਹ ਵਿੱਚ ਨੀਲੇ ਰੰਗ ਦੀ ਸ਼ਾਨਦਾਰ Lamborghini Urus ਤੋਂ ਪਰਦਾ ਹਟਾਇਆ ਗਿਆ। ਇਸ ਲਗਜ਼ਰੀ ਕਾਰ ਦੀ ਕੀਮਤ ਦੁਬਈ ਵਿੱਚ ਲਗਭਗ 2.3 ਕਰੋੜ ਤੋਂ 4 ਕਰੋੜ ਰੁਪਏ ਤੱਕ ਦੱਸੀ ਜਾ ਰਹੀ ਹੈ।

ਕਾਰ ਦੀਆਂ ਚਾਬੀਆਂ ਮਿਲਣ ‘ਤੇ ਨਤਾਸ਼ਾ ਦੀ ਖੁਸ਼ੀ ਦੇਖਣਯੋਗ ਸੀ। ਕੰਪਨੀ ਵੱਲੋਂ ਦਿੱਤੇ ਇਸ ਮਹਿੰਗੇ ਤੋਹਫ਼ੇ ਨੇ ਸਮਾਰੋਹ ਵਿੱਚ ਮੌਜੂਦ ਲੋਕਾਂ ਨੂੰ ਵੀ ਹੈਰਾਨ ਕਰ ਦਿੱਤਾ। ਕੰਪਨੀ ਨੇ ਇਸ ਪ੍ਰਾਪਤੀ ਨੂੰ ਵੱਡੀ ਜਿੱਤ ਅਤੇ ਵੱਡੇ ਸੁਪਨਿਆਂ ਨਾਲ ਜੋੜਦਿਆਂ ਸੋਸ਼ਲ ਮੀਡੀਆ ‘ਤੇ ਸਾਂਝਾ ਕੀਤਾ।

ਇਸ ਘਟਨਾ ਦੀ ਵੀਡੀਓ ਇੰਸਟਾਗ੍ਰਾਮ ਸਮੇਤ ਕਈ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ‘ਤੇ ਕਾਫ਼ੀ ਵਾਇਰਲ ਹੋ ਰਹੀ ਹੈ। ਲੋਕ ਕੰਪਨੀ ਦੇ ਇਸ ਕਦਮ ਦੀ ਤਾਰੀਫ਼ ਕਰ ਰਹੇ ਹਨ ਅਤੇ ਕਹਿ ਰਹੇ ਹਨ ਕਿ ਜੇਕਰ ਮਿਹਨਤ ਦਾ ਇਨਾਮ ਇੰਨਾ ਵੱਡਾ ਮਿਲੇ, ਤਾਂ ਕਰਮਚਾਰੀਆਂ ਦਾ ਹੌਸਲਾ ਹੋਰ ਵੀ ਵਧਦਾ ਹੈ।

https://www.instagram.com/reel/Deo80CQs6Mi/?utm_source=ig_web_button_share_sheet