USA ਦੇ ਵ੍ਹਾਈਟ ਹਾਊਸ ‘ਚ ਵੀ ਦੀਵਾਲੀ ਦਾ ਜਸ਼ਨ ; ਭਾਰਤੀ ਮੂਲ ਦੇ ਲੋਕਾਂ ਨੇ ਟਰੰਪ ਨੂੰ ਭੇਟ ਕੀਤੀ ‘ਹਨੁਮਾਨ ਚਾਲੀਸਾ’

7 November 2026 ਅੱਪਡੇਟ ਕੀਤਾ ਗਿਆ

Diwali celebration at White House : ਅਮਰੀਕਾ ਦੇ ਵ੍ਹਾਈਟ ਹਾਊਸ ਵਿੱਚ ਦੀਵਾਲੀ ਮਨਾਈ ਗਈ। ਭਾਰਤੀ ਮੂਲ ਦੇ ਲੋਕਾਂ ਨੇ ਡੋਨਾਲਡ ਟਰੰਪ ਨਾਲ ‘ਓਵਲ ਆਫਿਸ’ (ਰਾਸ਼ਟਰਪਤੀ ਦੇ ਦਫ਼ਤਰ) ਵਿੱਚ ਇਹ ਤਿਉਹਾਰ ਮਨਾਇਆ। ਇਸ ਖਾਸ ਮੌਕੇ ‘ਤੇ, ਰਾਸ਼ਟਰਪਤੀ ਟਰੰਪ ਨੂੰ ‘ਹਨੁਮਾਨ ਚਾਲੀਸਾ’ ਭੇਟ ਕੀਤੀ ਗਈ। ਤਿਉਹਾਰ ਦੇ ਸਨਮਾਨ ਵਿੱਚ ਓਵਲ ਆਫਿਸ ਵਿੱਚ ਰਵਾਇਤੀ ਦੀਵੇ ਵੀ ਜਗਾਏ ਗਏ।

ਭਾਰਤੀ ਤਕਨੀਕੀ ਉਦਯੋਗਪਤੀ ਵਿਸ਼ਾਲ ਗੋਂਡਲ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਐਕਸ’ (X) ‘ਤੇ ਇਸ ਸਮਾਗਮ ਦੇ ਵੇਰਵੇ ਅਤੇ ਤਸਵੀਰਾਂ ਸਾਂਝੀਆਂ ਕੀਤੀਆਂ। ਉਨ੍ਹਾਂ ਕਿਹਾ ਕਿ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨਾਲ ਦੀਵਾਲੀ ਮਨਾਉਣਾ ਉਨ੍ਹਾਂ ਲਈ ਮਾਣ ਵਾਲੀ ਗੱਲ ਸੀ। ਉਨ੍ਹਾਂ ਨੇ ਟਰੰਪ ਨੂੰ ‘ਹਨੁਮਾਨ ਚਾਲੀਸਾ’ ਭੇਟ ਕੀਤੀ—ਇੱਕ ਅਜਿਹੀ ਰਚਨਾ ਜਿਸਦਾ ਪਾਠ ਲੱਖਾਂ ਲੋਕ ਹਿੰਮਤ, ਸ਼ਰਧਾ ਅਤੇ ਸ਼ਕਤੀ ਪ੍ਰਾਪਤ ਕਰਨ ਲਈ ਕਰਦੇ ਹਨ।

🇺🇸🇮🇳⚡️- President Trump celebrated Diwali in the Oval Office today. https://t.co/TsqI5XVKEg— Rerum Novarum // Intel, Breaking News, and Alerts (@officialrnintel) November 6, 2026

ਭਾਰਤ-ਅਮਰੀਕਾ ਦੋਸਤੀ ਲਈ ਅਰਦਾਸਾਂ
ਗੋਂਡਲ ਨੇ ਦੱਸਿਆ ਕਿ ਜਦੋਂ ਓਵਲ ਆਫਿਸ ਵਿੱਚ ਦੀਵੇ ਜਗਾਏ ਜਾ ਰਹੇ ਸਨ, ਤਾਂ ਉਨ੍ਹਾਂ ਨੇ ਭਾਰਤ ਅਤੇ ਅਮਰੀਕਾ ਵਿਚਕਾਰ ਦੋਸਤੀ ਹੋਰ ਮਜ਼ਬੂਤ ​​ਹੋਣ ਲਈ ਅਰਦਾਸ ਕੀਤੀ। ਉਨ੍ਹਾਂ ਨੇ ਹਨੇਰੇ ‘ਤੇ ਚਾਨਣ ਦੀ ਜਿੱਤ ਦੀ ਕਾਮਨਾ ਕੀਤੀ ਅਤੇ ਦੁਨੀਆ ਲਈ ਸ਼ਾਂਤੀ, ਖੁਸ਼ਹਾਲੀ, ਚੰਗੀ ਸਿਹਤ ਅਤੇ ਲੰਬੀ ਉਮਰ ਦੀ ਅਰਦਾਸ ਕੀਤੀ। ਉਨ੍ਹਾਂ ਨੇ ਭਾਰਤੀ ਸੱਭਿਆਚਾਰ ਦੀ ਇੱਕ ਰਵਾਇਤੀ ਅਸੀਸ “ਜੁਗ ਜੁਗ ਜੀਓ” ਦਾ ਵੀ ਜ਼ਿਕਰ ਕੀਤਾ, ਜਿਸਦਾ ਅਰਥ ਹੈ “ਤੁਹਾਡੀ ਉਮਰ ਲੰਬੀ ਹੋਵੇ।” ਉਨ੍ਹਾਂ ਨੇ ਦੀਵਾਲੀ ਦੇ ਮੌਕੇ ‘ਤੇ ਦੁਨੀਆ ਭਰ ਦੇ ਲੋਕਾਂ ਲਈ ਇਹੀ ਸ਼ੁਭਕਾਮਨਾਵਾਂ ਦਿੱਤੀਆਂ।

ਵਿਕਾਸ ਖੰਨਾ ਸਮੇਤ ਕਈ ਉੱਘੀਆਂ ਸ਼ਖਸੀਅਤਾਂ ਦੀ ਮੌਜੂਦਗੀ
ਵ੍ਹਾਈਟ ਹਾਊਸ ਵਿੱਚ ਹੋਏ ਇਸ ਦੀਵਾਲੀ ਸਮਾਗਮ ਵਿੱਚ ਭਾਰਤੀ ਮੂਲ ਦੀਆਂ ਕਈ ਪ੍ਰਮੁੱਖ ਸ਼ਖਸੀਅਤਾਂ ਸ਼ਾਮਲ ਹੋਈਆਂ, ਜਿਨ੍ਹਾਂ ਵਿੱਚ ਮਸ਼ਹੂਰ ‘ਮਿਸ਼ੇਲਿਨ-ਸਟਾਰਡ’ ਸ਼ੈੱਫ ਵਿਕਾਸ ਖੰਨਾ ਅਤੇ ਕੈਨੇਡਾ ਦੀ ਸੰਸਦ ਦੀ ਸਾਬਕਾ ਮੈਂਬਰ ਰੂਬੀ ਢੱਲਾ ਸ਼ਾਮਲ ਸਨ। ਇਸ ਸਮਾਗਮ ਨੇ ਅਮਰੀਕੀ ਰਾਸ਼ਟਰਪਤੀ ਨਿਵਾਸ ਦੇ ਅੰਦਰ ਭਾਰਤੀ ਸੱਭਿਆਚਾਰ ਅਤੇ ਪਰੰਪਰਾਵਾਂ ਦੀ ਝਲਕ ਪੇਸ਼ ਕੀਤੀ।