ਸੋਸ਼ਲ ਮੀਡੀਆ ਲਈ ਖਤਰਨਾਕ ਸਟੰਟ: ਪਾਣੀਪਤ ‘ਚ ਨੌਜਵਾਨ ਗ੍ਰਿਫ਼ਤਾਰ

5 months ਪਹਿਲਾ

ਹਰਿਆਣਾ ਦੇ Panipat ਜ਼ਿਲ੍ਹੇ ਵਿੱਚ ਸੋਸ਼ਲ ਮੀਡੀਆ ‘ਤੇ ਫੇਮਸ ਹੋਣ ਦੀ ਚਾਹ ਵਿੱਚ ਦੋ ਨੌਜਵਾਨਾਂ ਨੇ ਆਪਣੀ ਅਤੇ ਦੂਜਿਆਂ ਦੀ ਜਾਨ ਨੂੰ ਖਤਰੇ ਵਿੱਚ ਪਾ ਦਿੱਤਾ। ਉਨ੍ਹਾਂ ਨੇ ਬਾਈਕ ਸਟੰਟ ਦੇ ਨਾਂ ‘ਤੇ ਇੱਕ ਖਤਰਨਾਕ ਕਾਰਨਾਮਾ ਕੀਤਾ, ਜਿਸਦਾ ਵੀਡੀਓ ਹੁਣ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।

ਬੁਲੇਟ ਬਾਈਕ ਨਾਲ ਖਤਰਨਾਕ ਸਟੰਟ ਦੀ ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਨੌਜਵਾਨਾਂ ਨੇ Royal Enfield Bullet ਦੇ ਸਾਈਲੈਂਸਰ ਵਿੱਚ ਪੈਟਰੋਲ ਪਾ ਕੇ ਅੱਗ ਲਗਾਈ।

ਇੱਕ ਨੌਜਵਾਨ ਪੈਟਰੋਲ ਪਾਉਂਦਾ ਹੈ । ਦੂਜਾ ਬਲਦੀ ਹੋਈ ਸੋਟੀ ਨਾਲ ਅੱਗ ਲਗਾਉਂਦਾ ਹੈ । ਕੁਝ ਹੀ ਸੈਕਿੰਡਾਂ ਵਿੱਚ ਭਿਆਨਕ ਅੱਗ ਦੀਆਂ ਲਪਟਾਂ ਨਿਕਲਦੀਆਂ ਹਨ । ਇਹ ਸਟੰਟ ਨਾ ਸਿਰਫ ਗੈਰਕਾਨੂੰਨੀ ਸੀ, ਸਗੋਂ ਕਿਸੇ ਵੱਡੇ ਹਾਦਸੇ ਦਾ ਕਾਰਨ ਵੀ ਬਣ ਸਕਦਾ ਸੀ।

ਪੁਲਿਸ ਵਾਹਨ ਦੇ ਸਾਹਮਣੇ ਬਣਾਇਆ ਵੀਡੀਓ
ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਇਹ ਸਾਰਾ ਸਟੰਟ Dial 112 ਦੀ ਪੁਲਿਸ ਗੱਡੀ ਦੇ ਸਾਹਮਣੇ ਕੀਤਾ ਗਿਆ।
ਵੀਡੀਓ ਵਿੱਚ ਪਿੱਛੇ ਇੱਕ ਪੁਲਿਸ ਕਰਮੀ ਵੀ ਦਿਖਾਈ ਦੇ ਰਿਹਾ ਹੈ, ਜੋ ਨੌਜਵਾਨਾਂ ਦੀ ਨਿਡਰਤਾ ਅਤੇ ਲਾਪਰਵਾਹੀ ਨੂੰ ਦਰਸਾਉਂਦਾ ਹੈ।

ਪੁਲਿਸ ਦੀ ਤੁਰੰਤ ਕਾਰਵਾਈ
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ ਤੁਰੰਤ ਐਕਸ਼ਨ ਲਿਆ,ਦੋਵਾਂ ਨੌਜਵਾਨਾਂ ਵਿਰੁੱਧ ਮਾਮਲਾ ਦਰਜ ਕਰ ਗ੍ਰਿਫ਼ਤਾਰ ਕਰ ਲਿਆ ਗਿਆ । ਇਸ ਤੋਂ ਇਲਾਵਾ ਇੱਕ ਮੋਟਰਜ਼ ਵਰਕਸ਼ਾਪ ਦਾ ਮਾਲਕ ਅਤੇ ਵੀਡੀਓ ਬਣਾਉਣ ਵਾਲਾ ਕੈਮਰਾਮੈਨ ਸ਼ਾਮਲ ਦੋਵਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ । ਪੁਲਿਸ ਨੇ ਸਪੱਸ਼ਟ ਕੀਤਾ ਹੈ ਕਿ “ਰੀਲਾਂ” ਅਤੇ “ਲਾਈਕਸ” ਲਈ ਜਨਤਕ ਸੁਰੱਖਿਆ ਨਾਲ ਖਿਲਵਾਰ ਕਰਨ ਵਾਲਿਆਂ ਨੂੰ ਬਖਸ਼ਿਆ ਨਹੀਂ ਜਾਵੇਗਾ।

ਅਧਿਕਾਰੀ ਦੀ ਚੇਤਾਵਨੀ
ਪਾਣੀਪਤ ਦੇ ਏਐਸਪੀ Harshit Goel ਨੇ ਕਿਹਾ ਅਜਿਹੇ ਖਤਰਨਾਕ ਸਟੰਟ ਬਰਦਾਸ਼ਤ ਨਹੀਂ ਕੀਤੇ ਜਾਣਗੇ >ਨੌਜਵਾਨ ਆਪਣੀ ਅਤੇ ਦੂਜਿਆਂ ਦੀ ਜਾਨ ਨੂੰ ਜੋਖਮ ਵਿੱਚ ਨਾ ਪਾਉਣ ਭਵਿੱਖ ਵਿੱਚ ਵੀ ਇਸ ਤਰ੍ਹਾਂ ਦੇ ਕੇਸਾਂ ‘ਚ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ ।

ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਦੀ ਲਾਲਚ ਕਈ ਵਾਰ ਜਾਨਲੇਵਾ ਸਾਬਤ ਹੋ ਸਕਦੀ ਹੈ। ਥੋੜ੍ਹੀ ਜਿਹੀ ਲਾਪਰਵਾਹੀ ਨਾਲ ਵੱਡਾ ਹਾਦਸਾ ਹੋ ਸਕਦਾ ਹੈ। ਇਸ ਲਈ ਜ਼ਰੂਰੀ ਹੈ ਕਿ ਨੌਜਵਾਨ ਸਮਝਦਾਰੀ ਨਾਲ ਕੰਮ ਲੈਣ ਅਤੇ ਕਾਨੂੰਨ ਦੀ ਪਾਲਣਾ ਕਰਨ।