ਬੈਂਗਲੁਰੂ ਸਕੂਲ ਵਿੱਚ ਭਿਆਨਕ ਅੱਗ: ਚੌਥੀ ਮੰਜ਼ਿਲ ਤੋਂ ਧੂੰਆਂ, ਕੋਈ ਜਾਨੀ -ਮਾਲੀ ਨੁਕਸਾਨ ਨਹੀਂ

4 months ਪਹਿਲਾ

ਬੈਂਗਲੁਰੂ ਦੇ ਨਾਗਦੇਵਨਹੱਲੀ ਇਲਾਕੇ ਵਿੱਚ ਇੱਕ ਨਿੱਜੀ ਸਕੂਲ ਦੀ ਇਮਾਰਤ ਵਿੱਚ ਸ਼ਨੀਵਾਰ ਸਵੇਰੇ ਅੱਗ ਲੱਗਣ ਨਾਲ ਹੜਕੰਪ ਮਚ ਗਿਆ। ਅੱਗ ਚੌਥੀ ਮੰਜ਼ਿਲ ਦੇ ਆਡੀਟੋਰੀਅਮ ਵਿੱਚ ਲੱਗੀ, ਜਿਸ ਕਾਰਨ ਇਮਾਰਤ ਵਿੱਚ ਸੰਘਣਾ ਧੂੰਆਂ ਫੈਲ ਗਿਆ ਅਤੇ ਦਹਿਸ਼ਤ ਦਾ ਮਾਹੌਲ ਬਣ ਗਿਆ।

ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਤਿੰਨ ਫਾਇਰ ਇੰਜਣ ਮੌਕੇ ‘ਤੇ ਪਹੁੰਚੇ ਅਤੇ ਤੇਜ਼ ਕਾਰਵਾਈ ਕਰਦਿਆਂ ਅੱਗ ‘ਤੇ ਕਾਬੂ ਪਾ ਲਿਆ ਗਿਆ। ਸਮੇਂ ਸਿਰ ਰਾਹਤ ਕਾਰਜ ਹੋਣ ਕਰਕੇ ਇੱਕ ਵੱਡਾ ਹਾਦਸਾ ਟਲ ਗਿਆ।

ਸਕੂਲ ਪ੍ਰਸ਼ਾਸਨ ਨੇ ਤੁਰੰਤ ਐਕਸ਼ਨ ਲੈਂਦੇ ਹੋਏ ਸਾਰੇ ਵਿਦਿਆਰਥੀਆਂ ਅਤੇ ਸਟਾਫ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ। ਸ਼ਨੀਵਾਰ ਹੋਣ ਕਾਰਨ ਨਿਯਮਤ ਕਲਾਸਾਂ ਨਹੀਂ ਸਨ, ਪਰ ਕੁਝ ਵਿਦਿਆਰਥੀ ਇੰਡਕਸ਼ਨ ਸੈਸ਼ਨ ਲਈ ਮੌਜੂਦ ਸਨ। ਮੁੱਢਲੀ ਜਾਂਚ ਵਿੱਚ ਅੱਗ ਦਾ ਕਾਰਨ ਸ਼ਾਰਟ ਸਰਕਟ ਮੰਨਿਆ ਜਾ ਰਿਹਾ ਹੈ, ਹਾਲਾਂਕਿ ਅਸਲੀ ਕਾਰਨ ਦੀ ਪੁਸ਼ਟੀ ਲਈ ਜਾਂਚ ਜਾਰੀ ਹੈ।