ਸੰਤ ਦੇ ਚੋਲੇ ‘ਚ ਸ਼ਰਮਨਾਕ ਸੱਚ: ਆਸ਼ਰਮ ‘ਚ ਅਸ਼ਲੀਲਤਾ ਦੀ ਖੋਜ

2 October 2025 ਅੱਪਡੇਟ ਕੀਤਾ ਗਿਆ

ਨਵੀਂ ਦਿੱਲੀ : ਦਿੱਲੀ ਪੁਲਿਸ ਦੀ ਜਾਂਚ ਨੇ ਇੱਕ ਆਤਮ-ਘੋਸ਼ਿਤ ਸੰਤ ਚੈਤਨਿਆਨੰਦ ਸਰਸਵਤੀ ਦੀ ਹਕੀਕਤ ਨੂੰ ਹੌਲੀ-ਹੌਲੀ ਬੇਨਕਾਬ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਬੁੱਧਵਾਰ ਨੂੰ ਹੋਈ ਤਲਾਸ਼ੀ ‘ਚ ਉਨ੍ਹਾਂ ਦੇ ਆਸ਼ਰਮ ਤੋਂ ਅਜਿਹੀ ਸਮੱਗਰੀ ਮਿਲੀ ਜਿਸ ਨੇ ਸਾਰੇ ਦੇਸ਼ ਨੂੰ ਹੈਰਾਨ ਕਰ ਦਿੱਤਾ: ਸੈਕਸ ਖਿਡੌਣੇ, ਅਸ਼ਲੀਲ ਵੀਡੀਓ ਵਾਲੀਆਂ ਸੀਡੀਆਂ ਅਤੇ ਅੰਤਰਰਾਸ਼ਟਰੀ ਨੇਤਾਵਾਂ ਨਾਲ ਨਕਲੀ ਤਸਵੀਰਾਂ। ਇਹ ਤਸਵੀਰਾਂ, ਜਿਨ੍ਹਾਂ ‘ਚ ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਅਤੇ ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਡੇਵਿਡ ਕੈਮਰਨ ਵੀ ਸ਼ਾਮਲ ਹਨ, ਬਾਬਾ ਵੱਲੋਂ ਲੋਕਾਂ ਨੂੰ ਪ੍ਰਭਾਵਿਤ ਕਰਨ ਅਤੇ ਆਪਣੇ ਆਪ ਨੂੰ ਵਿਸ਼ਵ ਪੱਧਰ ‘ਤੇ ਮਹੱਤਵਪੂਰਨ ਦਰਸਾਉਣ ਲਈ ਵਰਤੀਆਂ ਗਈਆਂ।

ਸੰਗੀਤ ਦੀ ਰੂਹ ਚੁੱਪ ਹੋਈ: ਪੰਡਿਤ ਛੰਨੂਲਾਲ ਮਿਸ਼ਰਾ ਨਹੀਂ ਰਹੇ

ਫਰਾਰੀ, ਫੋਨ ‘ਚ ਅਸ਼ਲੀਲਤਾ ਅਤੇ ਤਸਕਰੀ ਦੇ ਇਸ਼ਾਰੇ

ਅਗਸਤ ‘ਚ ਕੇਸ ਦਰਜ ਹੋਣ ਤੋਂ ਬਾਅਦ, ਚੈਤਨਿਆਨੰਦ ਲਗਭਗ ਦੋ ਮਹੀਨੇ ਤੱਕ ਭੱਜਿਆ ਰਿਹਾ। ਜਾਂਚ ਦੌਰਾਨ ਇਹ ਵੀ ਸਾਹਮਣੇ ਆਇਆ ਕਿ ਉਹ ਉੱਤਰਾਖੰਡ ਦੇ ਬਾਗੇਸ਼ਵਰ ਅਤੇ ਅਲਮੋੜਾ ‘ਚ ਲੁਕਿਆ ਹੋਇਆ ਸੀ। ਪੁਲਿਸ ਹੁਣ ਉੱਥੇ ਵੀ ਜਾਂਚ ਕਰ ਰਹੀ ਹੈ। ਉਸਦੇ ਮੋਬਾਈਲ ‘ਚੋਂ ਨੌਜਵਾਨ ਕੁੜੀਆਂ ਨਾਲ ਅਸ਼ਲੀਲ ਚੈਟਾਂ, ਏਅਰ ਹੋਸਟੈੱਸਾਂ ਦੀਆਂ ਫੋਟੋਆਂ ਅਤੇ WhatsApp DP ਦੇ ਸਕ੍ਰੀਨਸ਼ਾਟ ਮਿਲੇ ਹਨ। ਕਈ ਸੁਨੇਹੇ ਬਾਅਦ ‘ਚ ਡਿਲੀਟ ਕਰ ਦਿੱਤੇ ਗਏ, ਪਰ ਪੁਲਿਸ ਹੁਣ ਉਹਨਾਂ ਨੂੰ ਮੁੜ ਹਾਸਲ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇੱਕ ਚੈਟ ‘ਚ, ਬਾਬਾ ਨੇ ਆਪਣੇ ਵਿਦਿਆਰਥੀ ਨੂੰ “ਦੁਬਈ ਦੇ ਸ਼ੇਖ ਲਈ ਸਾਥੀ ਭੇਜਣ” ਦੀ ਗੱਲ ਕਰਕੇ ਸੈਕਸ ਤਸਕਰੀ ਦੀ ਸੰਭਾਵਨਾ ਨੂੰ ਹੋਰ ਮਜ਼ਬੂਤ ਕੀਤਾ।

ਦਿੱਲੀ ‘ਚ ਤੜਕਸਾਰ ਗੋਲੀਬਾਰੀ: ਰੋਹਿਤ ਗੋਦਾਰਾ ਗੈਂਗ ਦੇ ਦੋ ਸ਼ੂਟਰ ਢੇਰ

ਪੁੱਛਗਿੱਛ ‘ਚ ਟਾਲ-ਮਟੋਲ, ਪਰ ਰੋਜ਼ ਨਵੇਂ ਖੁਲਾਸੇ

ਗ੍ਰਿਫ਼ਤਾਰੀ ਤੋਂ ਬਾਅਦ, ਚੈਤਨਿਆਨੰਦ ਪੁਲਿਸ ਦੇ ਸਵਾਲਾਂ ਤੋਂ ਬਚਦਾ ਰਿਹਾ। ਉਹ ਸਿਰਫ਼ ਦਬਾਅ ਪਾਉਣ ‘ਤੇ ਹੀ ਸੱਚਾਈ ਦੱਸਦਾ, ਨਹੀਂ ਤਾਂ ਗੁੰਝਲਦਾਰ ਜਵਾਬ ਦਿੰਦਾ। ਹਾਲਾਂਕਿ, ਪੁਲਿਸ ਹਰ ਰੋਜ਼ ਉਸ ਤੋਂ ਨਵੇਂ ਰਾਜ਼ ਅਤੇ ਸਬੂਤ ਕੱਢ ਰਹੀ ਹੈ। ਇਹ ਮਾਮਲਾ ਸਿਰਫ਼ ਇੱਕ ਠੱਗੀ ਨਹੀਂ, ਸਗੋਂ ਧਾਰਮਿਕ ਚੋਲੇ ‘ਚ ਛੁਪੇ ਅਪਰਾਧਿਕ ਜਾਲ ਦਾ ਖੁਲਾਸਾ ਹੈ, ਜਿਸ ਨੇ ਲੋਕਾਂ ਦੀ ਭਰੋਸੇ ਦੀ ਨੀਵ ਹਿਲਾ ਦਿੱਤੀ ਹੈ।