ਵਾਇਰਲ ਵੀਡੀਓ ਨੇ ਖੋਲ੍ਹੀ ਹੋਟਲ ਦੀ ਕਾਲੀ ਕਰਤੂਤ, ਤੰਦੂਰ ‘ਚ ਲਾਉਂਣ ਤੋਂ ਪਹਿਲਾਂ ਰੋਟੀ ‘ਤੇ ਥੁੱਕਦਾ ਦਿਖਿਆ ਕਰਮਚਾਰੀ

4 months ਪਹਿਲਾ

ਮੁੰਬਈ ਨਿਊਜ਼ : ਮਹਾਰਾਸ਼ਟਰ ਦੀ ਰਾਜਧਾਨੀ Mumbai ਦੇ ਗੋਰੇਗਾਓਂ ਇਲਾਕੇ ਵਿੱਚ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਫਿਸ਼ ਕੋਲੀਵਾੜਾ ਹੋਟਲ ਵਿੱਚ ਰੋਟੀ ਬਣਾਉਣ ਵਾਲੇ ਕਾਰੀਗਰ ‘ਤੇ ਰੋਟੀਆਂ ‘ਤੇ ਥੁੱਕ ਕੇ ਉਨ੍ਹਾਂ ਨੂੰ ਤੰਦੂਰ ਵਿੱਚ ਪਕਾਉਣ ਦੇ ਦੋਸ਼ ਲੱਗੇ ਹਨ।

ਵਾਇਰਲ ਹੋਈ ਵੀਡੀਓ ਵਿੱਚ ਕਾਰੀਗਰ ਕੌਸ਼ਰ ਸ਼ੇਖ ਰੋਟੀ ਬਣਾਉਂਦੇ ਸਮੇਂ ਉਸ ‘ਤੇ ਥੁੱਕਦਾ ਅਤੇ ਫਿਰ ਤੰਦੂਰ ਵਿੱਚ ਪਕਾਉਂਦਾ ਦਿਖਾਈ ਦੇ ਰਿਹਾ ਹੈ। ਇਹ ਪੂਰੀ ਘਟਨਾ ਹੋਟਲ ਵਿੱਚ ਮੌਜੂਦ ਇੱਕ ਗਾਹਕ ਨੇ ਆਪਣੇ ਮੋਬਾਈਲ ਫੋਨ ਵਿੱਚ ਕੈਦ ਕਰ ਲਈ।

ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਪੁਲਿਸ ਨੇ ਹੋਟਲ ਮਾਲਕ ਫਯਾਜ਼ ਸ਼ੇਖ ਅਤੇ ਕਰਮਚਾਰੀ ਕੌਸ਼ਰ ਸ਼ੇਖ ਵਿਰੁੱਧ ਮਾਮਲਾ ਦਰਜ ਕਰ ਲਿਆ ਹੈ। ਸਥਾਨਕ ਲੋਕਾਂ ਵਿੱਚ ਇਸ ਘਟਨਾ ਨੂੰ ਲੈ ਕੇ ਕਾਫ਼ੀ ਗੁੱਸਾ ਦੇਖਿਆ ਗਿਆ।

ਦੀਪਕ ਦੱਤਾਰਾਮ ਪਵਾਰ ਨਾਮਕ ਵਿਅਕਤੀ ਨੇ ਪੁਲਿਸ ਨੂੰ ਦੱਸਿਆ ਕਿ 23 ਮਈ ਦੀ ਰਾਤ ਉਹ ਖਾਣਾ ਖਾਣ ਲਈ ਹੋਟਲ ਗਿਆ ਸੀ। ਉੱਥੇ ਉਸਨੇ ਦੇਖਿਆ ਕਿ ਰੋਟੀ ਬਣਾਉਣ ਵਾਲਾ ਹਰ ਰੋਟੀ ‘ਤੇ ਥੁੱਕ ਰਿਹਾ ਸੀ। ਉਸਨੇ ਤੁਰੰਤ ਇਸ ਘਟਨਾ ਦੀ ਵੀਡੀਓ ਬਣਾ ਲਈ ਅਤੇ ਬਾਅਦ ਵਿੱਚ ਸਥਾਨਕ ਲੋਕਾਂ ਨੂੰ ਵੀ ਦਿਖਾਈ।

25 ਮਈ ਨੂੰ ਸਥਾਨਕ ਲੋਕਾਂ ਦੀ ਸ਼ਿਕਾਇਤ ਤੋਂ ਬਾਅਦ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਦੋਸ਼ੀ ਕਾਰੀਗਰ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਮਾਮਲੇ ਦੀ ਜਾਂਚ ਜਾਰੀ ਹੈ।