15 ਸਾਲਾ ਵੈਭਵ ਸੂਰਿਆਵੰਸ਼ੀ ਨੇ ਰਚਿਆ ਇਤਿਹਾਸ, ਸਚਿਨ ਦਾ 37 ਸਾਲ ਪੁਰਾਣਾ ਰਿਕਾਰਡ ਟੁੱਟਿਆ

6 June 2026 ਅੱਪਡੇਟ ਕੀਤਾ ਗਿਆ

ਭਾਰਤੀ ਕ੍ਰਿਕਟ ਨੂੰ ਇੱਕ ਨਵਾਂ ਸੁਪਰਸਟਾਰ ਮਿਲ ਗਿਆ ਹੈ। 15 ਸਾਲਾ Vaibhav Suryavanshi ਨੇ ਉਹ ਕਾਰਨਾਮਾ ਕਰ ਦਿਖਾਇਆ ਹੈ ਜਿਸਦੀ ਕਿਸੇ ਨੇ ਕਲਪਨਾ ਵੀ ਨਹੀਂ ਕੀਤੀ ਸੀ। ਨੌਜਵਾਨ ਬੱਲੇਬਾਜ਼ ਨੂੰ ਆਇਰਲੈਂਡ, ਇੰਗਲੈਂਡ ਦੌਰੇ ਅਤੇ ਏਸ਼ੀਅਨ ਗੇਮਜ਼ ਲਈ ਭਾਰਤੀ ਟੀ-20 ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ, ਜਿਸ ਨਾਲ ਉਹ ਭਾਰਤ ਲਈ ਚੁਣਿਆ ਜਾਣ ਵਾਲਾ ਸਭ ਤੋਂ ਘੱਟ ਉਮਰ ਦਾ ਖਿਡਾਰੀ ਬਣ ਗਿਆ ਹੈ।

ਵੈਭਵ ਨੇ 15 ਸਾਲ 71 ਦਿਨ ਦੀ ਉਮਰ ਵਿੱਚ ਟੀਮ ਇੰਡੀਆ ਵਿੱਚ ਜਗ੍ਹਾ ਬਣਾਕੇ ‘ਕ੍ਰਿਕਟ ਦੇ ਭਗਵਾਨ’ Sachin Tendulkar ਦਾ 37 ਸਾਲ ਪੁਰਾਣਾ ਰਿਕਾਰਡ ਤੋੜ ਦਿੱਤਾ। ਸਚਿਨ ਨੂੰ 1989 ਵਿੱਚ 16 ਸਾਲ ਦੀ ਉਮਰ ਵਿੱਚ ਭਾਰਤੀ ਟੀਮ ਲਈ ਚੁਣਿਆ ਗਿਆ ਸੀ।

ਆਪਣੀ ਧਮਾਕੇਦਾਰ ਬੱਲੇਬਾਜ਼ੀ ਨਾਲ ਵੈਭਵ ਪਹਿਲਾਂ ਹੀ ਕ੍ਰਿਕਟ ਜਗਤ ਵਿੱਚ ਚਰਚਾ ਦਾ ਕੇਂਦਰ ਬਣ ਚੁੱਕੇ ਹਨ। Rajasthan Royals ਵੱਲੋਂ ਖੇਡਦੇ ਹੋਏ ਉਨ੍ਹਾਂ ਨੇ IPL 2026 ਵਿੱਚ 16 ਮੈਚਾਂ ‘ਚ 776 ਦੌੜਾਂ ਬਣਾਕੇ ਔਰੇਂਜ ਕੈਪ ਜਿੱਤੀ ਅਤੇ MVP ਤੇ Emerging Player ਦੋਵੇਂ ਐਵਾਰਡ ਆਪਣੇ ਨਾਮ ਕੀਤੇ।

ਭਾਰਤੀ ਟੀਮ ਹੁਣ 26 ਅਤੇ 28 ਜੂਨ ਨੂੰ ਆਇਰਲੈਂਡ ਖ਼ਿਲਾਫ਼ ਟੀ-20 ਮੈਚ ਖੇਡੇਗੀ, ਜਿਸ ਤੋਂ ਬਾਅਦ ਇੰਗਲੈਂਡ ਦੌਰਾ ਅਤੇ ਏਸ਼ੀਅਨ ਗੇਮਜ਼ ਦੀ ਚੁਣੌਤੀ ਹੋਵੇਗੀ। ਟੀਮ ਦੀ ਕਮਾਨ ਨਵੇਂ ਕਪਤਾਨ Shreyas Iyer ਦੇ ਹੱਥਾਂ ਵਿੱਚ ਹੋਵੇਗੀ, ਜਦਕਿ Jasprit Bumrah, Sanju Samson, Abhishek Sharma ਅਤੇ Arshdeep Singh ਵਰਗੇ ਸਿਤਾਰੇ ਵੀ ਟੀਮ ਦਾ ਹਿੱਸਾ ਹਨ।