“ਸਾਈਲੈਂਟ ਕਾਲ” ਸਾਈਬਰ ਘੁਟਾਲਾ: ਕੀ ਹੈ ਅਤੇ ਕਿਵੇਂ ਬਚੀਏ? ਜਾਣੋ ਪੂਰੀ ਜਾਣਕਾਰੀ

10 June 2026 ਅੱਪਡੇਟ ਕੀਤਾ ਗਿਆ

ਅਣਜਾਣ ਨੰਬਰਾਂ ਤੋਂ ਆਉਣ ਵਾਲੀਆਂ ਛੋਟੀਆਂ ਕਾਲਾਂ, ਜਿਨ੍ਹਾਂ ਵਿੱਚ “ਹੈਲੋ” ਕਹਿੰਦੇ ਹੀ ਕਾਲ ਕੱਟ ਜਾਂਦੀ ਹੈ, ਹੁਣ ਇੱਕ ਨਵੇਂ ਸਾਈਬਰ ਘੁਟਾਲੇ ਵਜੋਂ ਸਾਹਮਣੇ ਆ ਰਹੀਆਂ ਹਨ। ਸਾਈਬਰ ਸੁਰੱਖਿਆ ਏਜੰਸੀਆਂ ਦੇ ਅਨੁਸਾਰ ਇਸਨੂੰ “ਸਾਈਲੈਂਟ ਕਾਲ ਸਕੈਮ” ਕਿਹਾ ਜਾਂਦਾ ਹੈ।

ਇਸ ਤਰੀਕੇ ਵਿੱਚ ਧੋਖੇਬਾਜ਼ ਆਟੋਮੈਟਿਕ ਸਿਸਟਮ ਰਾਹੀਂ ਹਜ਼ਾਰਾਂ ਨੰਬਰਾਂ ‘ਤੇ ਕਾਲ ਕਰਦੇ ਹਨ। ਜਿਵੇਂ ਹੀ ਕੋਈ ਵਿਅਕਤੀ ਕਾਲ ਚੁੱਕ ਕੇ ਜਵਾਬ ਦਿੰਦਾ ਹੈ, ਸਿਸਟਮ ਉਸ ਨੰਬਰ ਨੂੰ “ਐਕਟਿਵ” ਵਜੋਂ ਪਛਾਣ ਲੈਂਦਾ ਹੈ ਅਤੇ ਤੁਰੰਤ ਕਾਲ ਕੱਟ ਦਿੰਦਾ ਹੈ। ਇਸਦਾ ਮਕਸਦ ਇਹ ਜਾਣਨਾ ਹੁੰਦਾ ਹੈ ਕਿ ਕਿਹੜੇ ਨੰਬਰ ਸਰਗਰਮ ਹਨ ਤਾਂ ਜੋ ਉਨ੍ਹਾਂ ਨੂੰ ਅੱਗੇ ਸਪੈਮ ਜਾਂ ਧੋਖਾਧੜੀ ਲਈ ਵਰਤਿਆ ਜਾ ਸਕੇ।

12 ਕਰੋੜ ਦੀ ਵੱਡੀ ਚੋਰੀ: ਘਰੇਲੂ ਨੌਕਰ ਹੀ ਨਿਕਲੇ ਅਪਰਾਧੀ

ਸਾਈਬਰ ਸੁਰੱਖਿਆ ਨਾਲ ਜੁੜੀਆਂ ਏਜੰਸੀਆਂ, ਜਿਵੇਂ ਕਿ I4C ਨਾਲ ਸੰਬੰਧਿਤ ਪਲੇਟਫਾਰਮਾਂ ਨੇ ਲੋਕਾਂ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਇਹ ਨੰਬਰ ਬਾਅਦ ਵਿੱਚ ਬੈਂਕ ਫਰਾਡ, ਫਿਸ਼ਿੰਗ ਕਾਲਾਂ ਜਾਂ “ਡਿਜੀਟਲ ਅਰੇਸਟ” ਵਰਗੇ ਘੁਟਾਲਿਆਂ ਲਈ ਨਿਸ਼ਾਨਾ ਬਣ ਸਕਦੇ ਹਨ।

ਮਾਹਿਰਾਂ ਦੇ ਅਨੁਸਾਰ, ਜਦੋਂ ਕੋਈ ਨੰਬਰ ਐਕਟਿਵ ਮੰਨਿਆ ਜਾਂਦਾ ਹੈ ਤਾਂ ਉਸ ‘ਤੇ ਸਪੈਮ ਕਾਲਾਂ ਅਤੇ ਧੋਖਾਧੜੀ ਵਾਲੇ ਸੁਨੇਹਿਆਂ ਦੀ ਸੰਭਾਵਨਾ ਵਧ ਜਾਂਦੀ ਹੈ।

ਆਪਣੇ ਆਪ ਨੂੰ ਕਿਵੇਂ ਸੁਰੱਖਿਅਤ ਰੱਖਣਾ ਹੈ

ਅਜਿਹੀਆਂ ਕਾਲਾਂ ਤੋਂ ਬਚਣ ਲਈ ਕੁਝ ਸਾਵਧਾਨੀਆਂ ਜ਼ਰੂਰੀ ਹਨ:

ਅਣਜਾਣ ਨੰਬਰਾਂ ਤੋਂ ਆਉਣ ਵਾਲੀਆਂ ਕਾਲਾਂ ਨੂੰ ਜ਼ਿਆਦਾ ਤਰਜੀਹ ਨਾ ਦਿਓ
ਜੇ ਕਾਲ ਸ਼ੱਕੀ ਲੱਗੇ ਤਾਂ ਤੁਰੰਤ ਕੱਟ ਦਿਓ
ਅਣਜਾਣ ਨੰਬਰਾਂ ਨੂੰ ਵਾਪਸ ਕਾਲ ਨਾ ਕਰੋ
ਆਪਣੇ ਮੋਬਾਈਲ ਵਿੱਚ ਆਉਣ ਵਾਲੇ “ਸਪੈਮ ਅਲਰਟ” ਨੂੰ ਧਿਆਨ ਨਾਲ ਦੇਖੋ
ਸ਼ੱਕੀ ਨੰਬਰਾਂ ਨੂੰ ਬਲੌਕ ਕਰੋ
ਕਿਸੇ ਵੀ ਧੋਖਾਧੜੀ ਦੀ ਰਿਪੋਰਟ ਸਾਈਬਰ ਕ੍ਰਾਈਮ ਪੋਰਟਲ ‘ਤੇ ਕਰੋ
ਇਹ ਛੋਟੀ ਜਿਹੀ ਸਾਵਧਾਨੀ ਤੁਹਾਨੂੰ ਵੱਡੇ ਸਾਈਬਰ ਫ੍ਰੌਡ ਤੋਂ ਬਚਾ ਸਕਦੀ ਹੈ।

ਮਹਾਰਾਸ਼ਟਰ ਵਿੱਚ ਬੰਬ ਧਮਕੀ ਅਲਰਟ: RSS ਹੈੱਡਕੁਆਰਟਰ ਤੇ ਮੁੱਖ ਮੰਤਰੀ ਦਫ਼ਤਰ ਨਿਸ਼ਾਨੇ ‘ਤੇ