ਰੇਖਾ ਗੁਪਤਾ ਨੇ ਖੋਲੀ ਅਟਲ ਕੈਂਟੀਨ ਪੰਜ ਰੁਪਏ ‘ਚ ਭਰਪੂਰ ਖਾਣਾ

10 months ਪਹਿਲਾ

ਨਵੀਂ ਦਿਲੀ: ਦਿੱਲੀ ਵਿੱਚ ਪੂਰਵ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਵਾਜਪੇਈ ਦੀ 101ਵੀਂ ਜਨਮ ਜਯੰਤੀ ਦੇ ਮੌਕੇ ‘ਤੇ ਅਟਲ ਕੈਂਟੀਨ ਯੋਜਨਾ ਦੀ ਸ਼ੁਰੂਆਤ ਕੀਤੀ ਗਈ ਹੈ। ਵੀਰਵਾਰ ਨੂੰ ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ 100 ਪ੍ਰਸਤਾਵਿਤ ਕੈਂਟੀਨਾਂ ਵਿੱਚੋਂ 45 ਦਾ ਉਦਘਾਟਨ ਕੀਤਾ। ਇਸ ਮੌਕੇ ‘ਤੇ ਕੇਂਦਰੀ ਮੰਤਰੀ ਮਨੋਹਰ ਲਾਲ ਖੱਟਰ ਨੇ ਵਰਚੁਅਲ ਤੌਰ ‘ਤੇ ਸ਼ਮੂਲੀਅਤ ਕੀਤੀ ਜਦਕਿ ਭਾਜਪਾ ਨੇਤਾ ਆਸ਼ਿਸ਼ ਸੂਦ ਅਤੇ ਤਰਵਿੰਦਰ ਸਿੰਘ ਮਰਵਾਹ ਵੀ ਹਾਜ਼ਰ ਰਹੇ।

ਦਿੱਲੀ ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ ਸ਼ਹਿਰ ਵਿੱਚ ਕੁੱਲ 100 ਅਟਲ ਕੈਂਟੀਨ ਖੋਲ੍ਹੀਆਂ ਜਾਣਗੀਆਂ ਜਿੱਥੇ ਸਿਰਫ਼ ਪੰਜ ਰੁਪਏ ਵਿੱਚ ਭਰਪੂਰ ਖਾਣਾ ਉਪਲਬਧ ਹੋਵੇਗਾ। ਇਹ ਯੋਜਨਾ ਖਾਸ ਤੌਰ ‘ਤੇ ਦਿਨ-ਮਜ਼ਦੂਰਾਂ ਮਿਹਨਤੀ ਲੋਕਾਂ ਅਤੇ ਘੱਟ ਆਮਦਨ ਵਾਲੇ ਪਰਿਵਾਰਾਂ ਲਈ ਬਣਾਈ ਗਈ ਹੈ ਜੋ ਅਕਸਰ ਨਿਯਮਿਤ ਭੋਜਨ ਦਾ ਖਰਚਾ ਝੱਲਣ ਵਿੱਚ ਮੁਸ਼ਕਲ ਮਹਿਸੂਸ ਕਰਦੇ ਹਨ।

ਵੇਜ ਬਿਰਯਾਨੀ ਦੀ ਥਾਂ ਮਾਸ ਪਰੋਸਿਆ… ਧਰਮ ਬਦਲ ਕੇ ਦੁਕਾਨ ਚਲਾਉਣ ‘ਤੇ ਗਾਜ਼ੀਆਬਾਦ ‘ਚ ਹੰਗਾਮਾ!

ਮੁੱਖ ਮੰਤਰੀ ਰੇਖਾ ਗੁਪਤਾ ਨੇ ਦੱਸਿਆ ਕਿ ਹਰ ਭੋਜਨ ਦੀ ਅਸਲ ਲਾਗਤ ਤਕਰੀਬਨ ਤੀਹ ਰੁਪਏ ਹੈ ਪਰ ਸਰਕਾਰ ਵੱਲੋਂ ਪੱਚੀ ਰੁਪਏ ਦੀ ਸਬਸਿਡੀ ਦਿੱਤੀ ਜਾ ਰਹੀ ਹੈ ਜਿਸ ਨਾਲ ਲੋਕਾਂ ਨੂੰ ਸਿਰਫ਼ ਪੰਜ ਰੁਪਏ ਵਿੱਚ ਖਾਣਾ ਮਿਲੇਗਾ। ਹਰ ਕੈਂਟੀਨ ਵਿੱਚ ਦਿਨ ਵਿੱਚ ਦੋ ਵਾਰ ਭੋਜਨ ਮਿਲੇਗਾ ਜਿਸ ਵਿੱਚ ਦਾਲ ਚਾਵਲ ਰੋਟੀ ਸਬਜ਼ੀ ਅਤੇ ਅਚਾਰ ਸ਼ਾਮਲ ਹੋਵੇਗਾ। ਅਧਿਕਾਰੀਆਂ ਦੇ ਅਨੁਸਾਰ ਹਰ ਕੇਂਦਰ ਵਿੱਚ ਲਗਭਗ ਇੱਕ ਹਜ਼ਾਰ ਲੋਕਾਂ ਨੂੰ ਰੋਜ਼ਾਨਾ ਸੇਵਾ ਦਿੱਤੀ ਜਾਵੇਗੀ।

ਰੇਖਾ ਗੁਪਤਾ ਨੇ ਅਟਲ ਬਿਹਾਰੀ ਵਾਜਪੇਈ ਨੂੰ ਯੁਗ ਪੁਰਸ਼ ਕਰਾਰ ਦਿੰਦਿਆਂ ਕਿਹਾ ਕਿ ਉਨ੍ਹਾਂ ਦੀ ਜਨਮ ਜਯੰਤੀ ‘ਤੇ ਇਹ ਯੋਜਨਾ ਸ਼ੁਰੂ ਕਰਨਾ ਉਨ੍ਹਾਂ ਦੀ ਵਿਰਾਸਤ ਨੂੰ ਸਨਮਾਨ ਦੇਣ ਲਈ ਕੀਤਾ ਗਿਆ ਹੈ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਕੈਂਟੀਨਾਂ ਵਿੱਚ ਦਿੱਤਾ ਜਾਣ ਵਾਲਾ ਭੋਜਨ ਸਾਤਵਿਕ ਹੋਵੇਗਾ ਜੋ ਪੋਸ਼ਟਿਕ ਅਤੇ ਸਿਹਤਮੰਦ ਹੋਵੇਗਾ।

WATCH VIDEO: Gym ਵਿੱਚ ਮਹਿਲਾ-ਸ਼ਖਸ ਹੱਥੋਪਾਈ, CCTV ਕੈਦ ਕੀਤੀ ਤਸਵੀਰ

ਸਰਕਾਰ ਨੇ ਦੱਸਿਆ ਕਿ ਭੋਜਨ ਵੰਡਣ ਲਈ ਡਿਜ਼ਿਟਲ ਟੋਕਨ ਪ੍ਰਣਾਲੀ ਲਾਗੂ ਕੀਤੀ ਜਾਵੇਗੀ ਤਾਂ ਜੋ ਕਿਸੇ ਵੀ ਤਰ੍ਹਾਂ ਦੀ ਗੜਬੜ ਨਾ ਹੋਵੇ। ਸਾਰੇ ਕੈਂਟੀਨਾਂ ਵਿੱਚ ਸੀਸੀਟੀਵੀ ਕੈਮਰੇ ਲਗਾਏ ਗਏ ਹਨ ਅਤੇ ਨਿਗਰਾਨੀ ਰੀਅਲ ਟਾਈਮ ਵਿੱਚ ਕੀਤੀ ਜਾਵੇਗੀ। ਰਸੋਈਆਂ ਵਿੱਚ ਐਲਪੀਜੀ ਸਟੋਵ ਉਦਯੋਗਿਕ ਆਰਓ ਪਾਣੀ ਪ੍ਰਣਾਲੀ ਅਤੇ ਕੋਲਡ ਸਟੋਰੇਜ ਦੀ ਸਹੂਲਤ ਵੀ ਹੋਵੇਗੀ। ਖਾਣੇ ਦੇ ਨਮੂਨੇ ਨਿਯਮਿਤ ਤੌਰ ‘ਤੇ FSSAI ਅਤੇ NABL ਪ੍ਰਮਾਣਿਤ ਲੈਬੋਰਟਰੀਆਂ ਵੱਲੋਂ ਜਾਂਚੇ ਜਾਣਗੇ।

ਇਸ ਤੋਂ ਇਲਾਵਾ ਆਪਰੇਟਰਾਂ ਨੂੰ ਹਰ ਮਹੀਨੇ ਸਫਾਈ ਕਰਮਚਾਰੀਆਂ ਦੀ ਸਿਹਤ ਅਤੇ ਸੁਰੱਖਿਆ ਸੰਬੰਧੀ ਰਿਪੋਰਟ ਵੀ ਪੇਸ਼ ਕਰਨੀ ਹੋਵੇਗੀ। ਸਰਕਾਰ ਨੇ ਕਿਹਾ ਹੈ ਕਿ ਪਹਿਲੇ ਪੜਾਅ ਦੀ ਸਫਲਤਾ ਤੋਂ ਬਾਅਦ ਲੋਕਾਂ ਦੀ ਪ੍ਰਤੀਕਿਰਿਆ ਅਤੇ ਫੀਡਬੈਕ ਦੇ ਆਧਾਰ ‘ਤੇ ਅਟਲ ਕੈਂਟੀਨ ਨੈੱਟਵਰਕ ਨੂੰ ਹੋਰ ਵਧਾਇਆ ਜਾਵੇਗਾ।