ਵੇਜ ਬਿਰਯਾਨੀ ਦੀ ਥਾਂ ਮਾਸ ਪਰੋਸਿਆ… ਧਰਮ ਬਦਲ ਕੇ ਦੁਕਾਨ ਚਲਾਉਣ ‘ਤੇ ਗਾਜ਼ੀਆਬਾਦ ‘ਚ ਹੰਗਾਮਾ!

10 months ਪਹਿਲਾ

ਨਵੀਂ ਦਿਲੀ: ਗਾਜ਼ੀਆਬਾਦ ਦੇ ਲੋਨੀ ਖੇਤਰ ਵਿੱਚ ਉਸ ਸਮੇਂ ਹੰਗਾਮਾ ਹੋ ਗਿਆ ਜਦੋਂ ਇੱਕ ਪਰਿਵਾਰ ਵੱਲੋਂ ਖਰੀਦੀ ਗਈ ਵੇਜ ਬਿਰਯਾਨੀ ਵਿੱਚ ਹੱਡੀ ਦੇ ਟੁਕੜੇ ਮਿਲੇ। ਇਹ ਘਟਨਾ ਸਾਹਮਣੇ ਆਉਂਦੇ ਹੀ ਲੋਕਾਂ ਵਿੱਚ ਗੁੱਸਾ ਫੈਲ ਗਿਆ ਅਤੇ ਦੁਕਾਨ ਦੇ ਬਾਹਰ ਭਾਰੀ ਭੀੜ ਇਕੱਠੀ ਹੋ ਗਈ। ਹਾਲਾਤ ਬਿਗੜਦੇ ਦੇਖ ਕਿਸੇ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ ਜਿਸ ਤੋਂ ਬਾਅਦ ਲੋਨੀ ਥਾਣੇ ਵਿੱਚ ਮਾਮਲਾ ਦਰਜ ਕੀਤਾ ਗਿਆ।

ਪੀੜਤ ਪਰਿਵਾਰ ਦਾ ਦੋਸ਼ ਹੈ ਕਿ ਉਨ੍ਹਾਂ ਨਾਲ ਧੋਖਾਧੜੀ ਕੀਤੀ ਗਈ ਹੈ। ਉਹਨਾਂ ਨੇ ਵੇਜ ਸਮਝ ਕੇ ਬਿਰਯਾਨੀ ਖਰੀਦੀ ਸੀ ਪਰ ਉਸ ਵਿੱਚ ਹੱਡੀ ਮਿਲਣ ਕਾਰਨ ਉਨ੍ਹਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚੀ ਹੈ। ਜਦੋਂ ਇਹ ਖ਼ਬਰ ਆਸ ਪਾਸ ਦੇ ਲੋਕਾਂ ਤੱਕ ਪਹੁੰਚੀ ਤਾਂ ਉਹ ਵੀ ਗੁੱਸੇ ਵਿੱਚ ਆ ਗਏ ਅਤੇ ਦੁਕਾਨ ਦੇ ਨੇੜੇ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋ ਗਏ।

ਭਾਰਤੀ ਦੂਤਾਵਾਸ ’ਤੇ ਹਮਲੇ ਦੀ ਯੋਜਨਾ ਅਤੇ ਹਿੰਦੂ ਵਿਅਕਤੀ ਦੀ ਹੱਤਿਆ ਨਾਲ ਬੰਗਲਾਦੇਸ਼ ਵਿੱਚ ਹਲਚਲ ਦਾ ਖੁਲਾਸਾ

ਜਾਣਕਾਰੀ ਮੁਤਾਬਕ ਅਨਿਲ ਸ਼ਰਮਾ ਨੇ ਨੀਲਮ ਫੈਕਟਰੀ ਦੇ ਕੋਲ ਆਰ ਵੇਜ ਬਿਰਯਾਨੀ ਨਾਮ ਦੀ ਦੁਕਾਨ ਤੋਂ ਬਿਰਯਾਨੀ ਪੈਕ ਕਰਵਾਈ ਸੀ। ਪਰਿਵਾਰ ਵੱਲੋਂ ਖਾਣੇ ਦੌਰਾਨ ਹੱਡੀ ਦੇ ਟੁਕੜੇ ਮਿਲਣ ’ਤੇ ਉਹਨਾਂ ਨੇ ਤੁਰੰਤ ਸ਼ਿਕਾਇਤ ਕੀਤੀ। ਪਹਿਲਾਂ ਦੁਕਾਨਦਾਰ ਨੇ ਟਾਲਮਟੋਲ ਕੀਤੀ ਪਰ ਬਾਅਦ ਵਿੱਚ ਮੰਨ ਲਿਆ ਕਿ ਗਲਤੀ ਹੋਈ ਹੈ। ਇਸ ਘਟਨਾ ਦੀ ਵੀਡੀਓ ਵੀ ਪਰਿਵਾਰ ਨੇ ਸਬੂਤ ਵਜੋਂ ਰਿਕਾਰਡ ਕੀਤੀ।

ਸਥਾਨਕ ਲੋਕਾਂ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਦੁਕਾਨਦਾਰ ਨੇ ਆਪਣੀ ਅਸਲੀ ਪਹਿਚਾਣ ਛੁਪਾ ਕੇ ਵੇਜ ਬਿਰਯਾਨੀ ਦੇ ਨਾਮ ਨਾਲ ਦੁਕਾਨ ਚਲਾਈ ਹੈ। ਉਸ ਦਾ ਅਸਲੀ ਨਾਮ ਰਾਸ਼ਿਦ ਹੈ ਪਰ ਆਨਲਾਈਨ ਭੁਗਤਾਨ ਲਈ ਕਿਊਆਰ ਕੋਡ ’ਤੇ ਰਾਹੁਲ ਵੇਜ ਬਿਰਯਾਨੀ ਲਿਖਿਆ ਆਉਂਦਾ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਨਾਮ ਬਦਲ ਕੇ ਗਾਹਕਾਂ ਨੂੰ ਭਰਮਿਤ ਕੀਤਾ ਜਾ ਰਿਹਾ ਹੈ ਅਤੇ ਇਹ ਧਾਰਮਿਕ ਭਾਵਨਾਵਾਂ ਨਾਲ ਖਿਲਵਾ਼ੜ ਹੈ।

WATCH VIDEO: ਪੰਜਾਬ ਵਿੱਚ ਸ਼ੀਤ ਲਹਿਰ, ਧੁੰਦ ਦਾ ਕਹਿਰ, ਨੈਸ਼ਨਲ ਹਾਈਵੇ ਦੇ ਦਰਸ਼ਨ

ਇਲਾਕੇ ਦੇ ਲੋਕਾਂ ਨੇ ਕਿਹਾ ਕਿ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਖਾਣ ਪੀਣ ਦੀਆਂ ਚੀਜ਼ਾਂ ਵਿੱਚ ਗੜਬੜੀ ਸਾਹਮਣੇ ਆਈ ਹੈ। ਇਸ ਤੋਂ ਪਹਿਲਾਂ ਵੀ ਜੂਸ ਵਿੱਚ ਗੰਦੀ ਮਿਲਾਵਟ ਦੀਆਂ ਖ਼ਬਰਾਂ ਆਈਆਂ ਸਨ। ਲੋਕਾਂ ਦਾ ਮੰਨਣਾ ਹੈ ਕਿ ਪ੍ਰਸ਼ਾਸਨ ਨੂੰ ਅਜਿਹੇ ਮਾਮਲਿਆਂ ’ਤੇ ਸਖ਼ਤ ਕਾਰਵਾਈ ਕਰਨੀ ਚਾਹੀਦੀ ਹੈ ਤਾਂ ਜੋ ਭਵਿੱਖ ਵਿੱਚ ਅਜਿਹੀਆਂ ਘਟਨਾਵਾਂ ਨਾ ਹੋਣ।

ਪੁਲਿਸ ਨੇ ਇਸ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦੇ ਹੋਏ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਦੋਸ਼ੀ ਦੀ ਪਛਾਣ ਹੋਣ ’ਤੇ ਉਸ ਦੇ ਖ਼ਿਲਾਫ਼ ਕੜੀ ਕਾਰਵਾਈ ਕੀਤੀ ਜਾਵੇਗੀ। ਫਿਲਹਾਲ ਦੁਕਾਨਦਾਰ ਨੂੰ ਪੁੱਛਗਿੱਛ ਲਈ ਹਿਰਾਸਤ ਵਿੱਚ ਲਿਆ ਗਿਆ ਹੈ ਅਤੇ ਆਸ ਪਾਸ ਦੇ ਲੋਕਾਂ ਤੋਂ ਵੀ ਜਾਣਕਾਰੀ ਇਕੱਠੀ ਕੀਤੀ ਜਾ ਰਹੀ ਹੈ।