ਨੋਇਡਾ ਅੰਤਰਰਾਸ਼ਟਰੀ ਹਵਾਈ ਅੱਡਾ 28 ਮਾਰਚ ਤੋਂ ਸ਼ੁਰੂ: ਜਾਣੋ ਕਿਹੜੀਆਂ ਏਅਰਲਾਈਨਾਂ ਭਰਨਗੀਆਂ ਉਡਾਣਾਂ

27 March 2026 ਅੱਪਡੇਟ ਕੀਤਾ ਗਿਆ

ਉੱਤਰ ਪ੍ਰਦੇਸ਼ ਦੇ ਜੇਵਰ ਵਿੱਚ ਬਣਿਆ ਨੋਇਡਾ ਅੰਤਰਰਾਸ਼ਟਰੀ ਹਵਾਈ ਅੱਡਾ ਹੁਣ ਸ਼ੁਰੂਆਤ ਲਈ ਤਿਆਰ ਹੈ। 28 ਮਾਰਚ 2026 ਨੂੰ ਇਸ ਮਹੱਤਵਪੂਰਨ ਗ੍ਰੀਨਫੀਲਡ ਪ੍ਰੋਜੈਕਟ ਦਾ ਉਦਘਾਟਨ ਕੀਤਾ ਜਾਵੇਗਾ, ਜਿਸ ਨਾਲ ਦੇਸ਼ ਦੀ ਹਵਾਈ ਯਾਤਰਾ ਸਹੂਲਤ ਵਿੱਚ ਵੱਡਾ ਵਾਧਾ ਹੋਵੇਗਾ। ਇਸ ਵੱਡੇ ਪ੍ਰੋਜੈਕਟ ਦਾ ਉਦਘਾਟਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਕਰਨਗੇ।

ਉਦਘਾਟਨ ਤੋਂ ਬਾਅਦ ਜਲਦ ਹੀ ਵਪਾਰਕ ਉਡਾਣਾਂ ਦੀ ਸ਼ੁਰੂਆਤ ਦੀ ਉਮੀਦ ਹੈ। ਵਿਸ਼ੇਸ਼ਗਿਆਨ ਦੇ ਅਨੁਸਾਰ, ਏਅਰੋਡ੍ਰੋਮ ਲਾਇਸੈਂਸ ਮਿਲਣ ਤੋਂ ਲਗਭਗ 45 ਦਿਨ ਤੋਂ 2 ਮਹੀਨੇ ਦੇ ਅੰਦਰ ਉਡਾਣਾਂ ਸ਼ੁਰੂ ਹੋ ਸਕਦੀਆਂ ਹਨ।

ਅਤਿ-ਆਧੁਨਿਕ ਤਕਨਾਲੋਜੀ ਨਾਲ ਲੈਸ ਹਵਾਈ ਅੱਡਾ
ਨੋਇਡਾ ਅੰਤਰਰਾਸ਼ਟਰੀ ਹਵਾਈ ਅੱਡਾ ਆਧੁਨਿਕ ਤਕਨਾਲੋਜੀ ਨਾਲ ਬਣਾਇਆ ਗਿਆ ਹੈ। ਇੱਥੇ ILS CAT-III ਸਿਸਟਮ ਲਗਾਇਆ ਗਿਆ ਹੈ, ਜਿਸ ਨਾਲ ਸੰਘਣੀ ਧੁੰਦ ਜਾਂ ਮਾੜੇ ਮੌਸਮ ਵਿੱਚ ਵੀ ਜਹਾਜ਼ ਸੁਰੱਖਿਅਤ ਢੰਗ ਨਾਲ ਲੈਂਡ ਕਰ ਸਕਦੇ ਹਨ। ਇਹ ਸਹੂਲਤ ਇਸ ਤੋਂ ਪਹਿਲਾਂ ਸਿਰਫ ਕੁਝ ਵੱਡੇ ਹਵਾਈ ਅੱਡਿਆਂ ‘ਤੇ ਹੀ ਉਪਲਬਧ ਸੀ।

ਕਿਹੜੀਆਂ ਏਅਰਲਾਈਨਾਂ ਸ਼ੁਰੂ ਕਰਨਗੀਆਂ ਸੇਵਾਵਾਂ?
ਮੀਡੀਆ ਰਿਪੋਰਟਾਂ ਦੇ ਮੁਤਾਬਕ, ਪਹਿਲੇ ਪੜਾਅ ਵਿੱਚ ਇਹ ਤਿੰਨ ਵੱਡੀਆਂ ਏਅਰਲਾਈਨਾਂ ਆਪਣੀਆਂ ਉਡਾਣਾਂ ਸ਼ੁਰੂ ਕਰ ਸਕਦੀਆਂ ਹਨ:

ਇੰਡੀਗੋ
ਅਕਾਸਾ ਏਅਰ
ਏਅਰ ਇੰਡੀਆ ਐਕਸਪ੍ਰੈਸ

ਇਸ ਨਾਲ ਯਾਤਰੀਆਂ ਨੂੰ ਦੇਸ਼ੀ ਅਤੇ ਅੰਤਰਰਾਸ਼ਟਰੀ ਦੋਵਾਂ ਰੂਟਾਂ ‘ਤੇ ਵਧੀਆ ਵਿਕਲਪ ਮਿਲਣਗੇ।

ਤੇਜ਼ ਅਤੇ ਸੁਵਿਧਾਜਨਕ ਹਵਾਈ ਸੇਵਾ
ਇਸ ਹਵਾਈ ਅੱਡੇ ਦੀ ਇੱਕ ਖਾਸ ਵਿਸ਼ੇਸ਼ਤਾ ਇਹ ਹੈ ਕਿ ਇੱਥੇ ਸਮਾਨਾਂਤਰ ਰਨਵੇ ਹੋਣਗੇ, ਜਿਸ ਨਾਲ ਹਵਾਈ ਟ੍ਰੈਫਿਕ ਨੂੰ ਤੇਜ਼ੀ ਨਾਲ ਸੰਭਾਲਿਆ ਜਾ ਸਕੇਗਾ। ਲਗਭਗ 30 ਉਡਾਣਾਂ ਪ੍ਰਤੀ ਘੰਟਾ ਚਲਾਉਣ ਦੀ ਸਮਰੱਥਾ ਹੋਵੇਗੀ, ਜੋ ਯਾਤਰਾ ਨੂੰ ਹੋਰ ਵੀ ਸੁਗਮ ਬਣਾਏਗੀ।

ਨੋਇਡਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦੀ ਸ਼ੁਰੂਆਤ ਨਾਲ ਦਿੱਲੀ-ਐਨਸੀਆਰ ਅਤੇ ਪੱਛਮੀ ਉੱਤਰ ਪ੍ਰਦੇਸ਼ ਦੇ ਲੋਕਾਂ ਨੂੰ ਵੱਡੀ ਰਾਹਤ ਮਿਲੇਗੀ। ਇਹ ਪ੍ਰੋਜੈਕਟ ਨਾ ਸਿਰਫ਼ ਯਾਤਰਾ ਨੂੰ ਆਸਾਨ ਬਣਾਏਗਾ, ਸਗੋਂ ਰੋਜ਼ਗਾਰ ਅਤੇ ਆਰਥਿਕ ਵਿਕਾਸ ਨੂੰ ਵੀ ਤੀਜ਼ੀ ਦੇਵੇਗਾ। ਇਹ ਹਵਾਈ ਅੱਡਾ ਭਾਰਤ ਦੇ ਹਵਾਈ ਢਾਂਚੇ ਵਿੱਚ ਇੱਕ ਨਵਾਂ ਮੀਲ ਪੱਥਰ ਸਾਬਤ ਹੋਵੇਗਾ।

ਬਠਿੰਡਾ AIIMS ਦੀ ਵੱਡੀ ਉਪਲਬਧੀ ਗੂੰਗੇ ਬੋਲੇ ਬੱਚਿਆਂ ਨੂੰ ਅਪਰੇਸ਼ਨ ਕਰਕੇ ਲਾਇਆ ਸੁਣਨ ਤੇ ਬੋਲਣ