Coffee With Karan Show : ਪ੍ਰੈਗਨੈਂਸੀ ਦੇ ਪਹਿਲੇ 3 ਮਹੀਨੇ ਬਹੁਤ ਔਖੇ ; ਔਰਤਾਂ ਦਾ ਸਾਥ ਜ਼ਰੂਰੀ : ਕਿਆਰਾ ਅਡਵਾਨੀ

14 November 2026 ਅੱਪਡੇਟ ਕੀਤਾ ਗਿਆ

Kiara Advani Pregnancy Journey : ਅਭਿਨੇਤਰੀ ਕਿਆਰਾ ਅਡਵਾਨੀ ਨੇ ਆਪਣੇ ਗਰਭ ਅਵਸਥਾ ਦੇ ਤਜਰਬੇ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਕਿਵੇਂ ਉਨ੍ਹਾਂ ਔਖੇ ਸ਼ੁਰੂਆਤੀ ਮਹੀਨਿਆਂ ਦੌਰਾਨ ਉਨ੍ਹਾਂ ਨੂੰ ਆਪਣੀ ਜ਼ਿੰਦਗੀ ਦੀਆਂ ਔਰਤਾਂ ਤੋਂ ਸਹਿਯੋਗ ਅਤੇ ਹਮਦਰਦੀ ਮਿਲੀ। ਕਿਆਰਾ ਇੱਕ ਮਾਂ ਹੈ। ਉਨ੍ਹਾਂ ਨੇ ਫਿਲਮ ਨਿਰਮਾਤਾ ਕਰਨ ਜੌਹਰ ਦੇ ਚੈਟ ਸ਼ੋਅ ‘ਕੌਫੀ ਵਿਦ ਕਰਨ’ (Koffee with Karan) ‘ਤੇ ਆਪਣੇ ਗਰਭ ਅਵਸਥਾ ਦੇ ਸਫ਼ਰ ਬਾਰੇ ਚਰਚਾ ਕੀਤੀ। ਉਨ੍ਹਾਂ ਦੱਸਿਆ ਕਿ ਸ਼ੁਰੂਆਤੀ ਮਹੀਨੇ ਕਾਫ਼ੀ ਚੁਣੌਤੀਪੂਰਨ ਸਨ, ਕਿਉਂਕਿ ਉਨ੍ਹਾਂ ਨੂੰ ਜੀਅ ਕੱਚਾ ਹੋਣ (nausea) ਅਤੇ ਸਰੀਰ ਵਿੱਚ ਕਈ ਤਰ੍ਹਾਂ ਦੇ ਹਾਰਮੋਨਲ ਬਦਲਾਅ ਦਾ ਸਾਹਮਣਾ ਕਰਨਾ ਪਿਆ।

ਸ਼ੋਅ ਦੌਰਾਨ ਕਿਆਰਾ ਨੇ ਕਿਹਾ, “ਪਹਿਲੇ ਤਿੰਨ ਮਹੀਨੇ ਬਹੁਤ ਮੁਸ਼ਕਲ ਸਨ। ਤੁਹਾਨੂੰ ਜੀਅ ਕੱਚਾ ਹੋਣ ਅਤੇ ਕਈ ਤਰ੍ਹਾਂ ਦੇ ਹਾਰਮੋਨਲ ਬਦਲਾਅ ਵਰਗੀਆਂ ਸਮੱਸਿਆਵਾਂ ਵਿੱਚੋਂ ਲੰਘਣਾ ਪੈਂਦਾ ਹੈ।” ਇਹ ਯਾਦ ਕਰਦਿਆਂ ਕਿ ਕਿਵੇਂ ਉਨ੍ਹਾਂ ਨੇ ਅਤੇ ਉਨ੍ਹਾਂ ਦੇ ਪਤੀ ਸਿਧਾਰਥ ਮਲਹੋਤਰਾ ਨੇ ਸ਼ੁਰੂ ਵਿੱਚ ਗਰਭ ਅਵਸਥਾ ਬਾਰੇ ਕਿਸੇ ਨੂੰ ਨਾ ਦੱਸਣ ਦਾ ਫੈਸਲਾ ਕੀਤਾ ਸੀ, ਕਿਆਰਾ ਨੇ ਦੱਸਿਆ ਕਿ ਜਲਦੀ ਹੀ ਉਨ੍ਹਾਂ ਨੂੰ ਅਹਿਸਾਸ ਹੋਇਆ ਕਿ ਉਨ੍ਹਾਂ ਨੂੰ ਆਪਣੇ ਆਲੇ-ਦੁਆਲੇ ਦੀਆਂ ਔਰਤਾਂ ਦੇ ਸਹਿਯੋਗ ਦੀ ਲੋੜ ਹੈ।

ਉਨ੍ਹਾਂ ਕਿਹਾ, “ਉਸ ਸਮੇਂ, ਅਸੀਂ ਸੋਚਿਆ ਸੀ ਕਿ ਅਸੀਂ ਕਿਸੇ ਨੂੰ ਨਹੀਂ ਦੱਸਾਂਗੇ। ਪਰ ਫਿਰ ਮੈਂ ਕਿਹਾ, ‘ਨਹੀਂ, ਸਿਧ, ਮੈਨੂੰ ਆਪਣੀ ਮਾਂ ਨਾਲ ਗੱਲ ਕਰਨ ਦੀ ਲੋੜ ਹੈ ; ਮੈਨੂੰ ਆਪਣੀ ਸੱਸ ਦੀ ਲੋੜ ਹੈ। ਮੈਨੂੰ ਔਰਤਾਂ ਦੀ ਲੋੜ ਹੈ—ਮੈਨੂੰ ਆਪਣੀ ਜ਼ਿੰਦਗੀ ਵਿੱਚ ਅਜਿਹੀਆਂ ਔਰਤਾਂ ਚਾਹੀਦੀਆਂ ਹਨ ਜੋ ਮੈਨੂੰ ਸਮਝ ਸਕਣ।'” ਅਭਿਨੇਤਰੀ ਨੇ ਦੱਸਿਆ ਕਿ ਹੋਰ ਔਰਤਾਂ ਨਾਲ ਅਜਿਹੇ ਤਜਰਬੇ ਸਾਂਝੇ ਕਰਨ ਨਾਲ ਉਨ੍ਹਾਂ ਨੂੰ ਇਸ ਨਾਜ਼ੁਕ ਦੌਰ ਵਿੱਚ ਬਹੁਤ ਸਕੂਨ ਮਿਲਿਆ। ਉਨ੍ਹਾਂ ਅੱਗੇ ਕਿਹਾ, “ਮੈਨੂੰ ਯਾਦ ਹੈ ਕਿ ਕਈ ਵਾਰ ਮੈਂ ਆਪਣੀਆਂ ਸਹੇਲੀਆਂ ਨਾਲ ਬੈਠ ਕੇ ਰੋਂਦੀ ਸੀ, ਅਤੇ ਉਹ ਬਸ ਮੇਰੇ ਨਾਲ ਮੌਜੂਦ ਰਹਿੰਦੀਆਂ ਸਨ (ਬਿਨਾਂ ਕੁਝ ਕਹੇ ਹੀ ਮੈਨੂੰ ਸਹਾਰਾ ਦਿੰਦੀਆਂ ਸਨ)। ਅਤੇ ਫਿਰ, ਜ਼ਿੰਦਗੀ ਖੂਬਸੂਰਤ ਹੋ ਜਾਂਦੀ ਹੈ।”

ਕਿਆਰਾ ਨੇ 7 ਅਕਤੂਬਰ ਨੂੰ ਸੋਸ਼ਲ ਮੀਡੀਆ ‘ਤੇ ਇੱਕ ਪੋਸਟ ਰਾਹੀਂ ਆਪਣੀ ਦੂਜੀ ਗਰਭ ਅਵਸਥਾ ਬਾਰੇ ਵੀ ਜਾਣਕਾਰੀ ਦਿੱਤੀ। ਆਪਣੀ ਧੀ ਸਰਾਇਆ ਦੇ ਛੋਟੇ ਜਿਹੇ ਹੱਥ ਦੀ ਤਸਵੀਰ ਸਾਂਝੀ ਕਰਦੇ ਹੋਏ, ਜਿਸ ਵਿੱਚ ਉਸਨੇ ਬੱਚਿਆਂ ਦੇ ਜੁਰਾਬਾਂ ਦੀ ਇੱਕ ਜੋੜੀ ਫੜੀ ਹੋਈ ਹੈ, ਉਨ੍ਹਾਂ ਲਿਖਿਆ, “ਸਾਨੂੰ ਇੱਕ ਵਾਰ ਫਿਰ ਸਭ ਤੋਂ ਵੱਡਾ ਤੋਹਫ਼ਾ ਮਿਲਿਆ ਹੈ। ਸਾਡੇ ਦਿਲ ਪਿਆਰ ਅਤੇ ਸ਼ੁਕਰਾਨੇ ਨਾਲ ਭਰੇ ਹੋਏ ਹਨ।”