ਆਈਟੀ ਸੈਕਟਰ ਡਿੱਗਿਆ, ਬਾਜ਼ਾਰ ਹਿੱਲਿਆ: ਸੈਂਸੈਕਸ 400 ਅੰਕ ‘ਚ ਲੁੜਕਿਆ

12 February 2026 ਅੱਪਡੇਟ ਕੀਤਾ ਗਿਆ

ਨੈਸ਼ਨਲ ਡੈਸਕ: ਅੱਜ ਭਾਰਤੀ ਸ਼ੇਅਰ ਬਾਜ਼ਾਰ ਨਰਮ ਰੁਝਾਨ ਨਾਲ ਸ਼ੁਰੂ ਹੋਇਆ। ਗਲੋਬਲ ਮਾਰਕੀਟਾਂ ਤੋਂ ਮਿਲ ਰਹੇ ਮਿਲੇ-ਜੁਲੇ ਸੰਕੇਤ ਅਤੇ ਆਈਟੀ ਸੈਕਟਰ ਵਿੱਚ ਦਬਾਅ ਨੇ ਨਿਵੇਸ਼ਕਾਂ ਦੀ ਭਾਵਨਾ ਨੂੰ ਕਮਜ਼ੋਰ ਕੀਤਾ। ਸ਼ੁਰੂਆਤੀ ਸੈਸ਼ਨ ਵਿੱਚ ਸੈਂਸੈਕਸ ਲਗਭਗ 400 ਅੰਕ ਡਿੱਗ ਕੇ 83,821.87 ‘ਤੇ ਆ ਗਿਆ, ਜਦਕਿ ਨਿਫਟੀ 122.50 ਅੰਕ ਘਟ ਕੇ 25,831.35 ‘ਤੇ ਪਹੁੰਚ ਗਿਆ।

ਬਾਜ਼ਾਰ ਦੀ ਚੌੜਾਈ ਵੀ ਕਮਜ਼ੋਰ ਰਹੀ। ਲਗਭਗ 1,658 ਸ਼ੇਅਰਾਂ ਵਿੱਚ ਗਿਰਾਵਟ, 1,105 ਵਿੱਚ ਤੇਜ਼ੀ ਅਤੇ 150 ਸ਼ੇਅਰ ਬਦਲਾਅ ਰਹਿਤ ਰਹੇ।

ਪੰਜਾਬ ਵਿੱਚ ਅੱਜ ਬੱਸਾਂ ਠੱਪ — PRTC ਠੇਕਾ ਕਰਮਚਾਰੀਆਂ ਦੀ ਹੜਤਾਲ ਨਾਲ ਯਾਤਰੀ ਫਸੇ

ਆਈਟੀ ਸੈਕਟਰ ਵਿੱਚ ਕਮਜ਼ੋਰੀ ਜਾਰੀ ਰਹੀ, ਜਿਸ ਨਾਲ ਨਿਫਟੀ ‘ਤੇ ਦਬਾਅ ਵਧਿਆ। ਇੰਫੋਸਿਸ, ਟੈਕ ਮਹਿੰਦਰਾ, ਟੀਸੀਐਸ, ਐਚਸੀਐਲ ਟੈਕ ਅਤੇ ਵਿਪ੍ਰੋ ਵਰਗੇ ਮੁੱਖ ਸ਼ੇਅਰ ਲਾਲ ਨਿਸ਼ਾਨ ਵਿੱਚ ਰਹੇ। ਗਲੋਬਲ ਟੈਕ ਮਾਹੌਲ ਦੀ ਕਮਜ਼ੋਰੀ ਅਤੇ ਡਾਲਰ ਦੀ ਮਜ਼ਬੂਤੀ ਨੇ ਇਸ ਖੇਤਰ ਨੂੰ ਹੋਰ ਪ੍ਰਭਾਵਿਤ ਕੀਤਾ।

ਇਸਦੇ ਉਲਟ, ਬੈਂਕਿੰਗ ਅਤੇ ਊਰਜਾ ਸੈਕਟਰ ਵਿੱਚ ਕੁਝ ਸੁਧਾਰ ਦੇ ਸੰਕੇਤ ਨਜ਼ਰ ਆਏ। ਓਐਨਜੀਸੀ, ਐਨਟੀਪੀਸੀ, ਆਈਸੀਆਈਸੀਆਈ ਬੈਂਕ, ਐਕਸਿਸ ਬੈਂਕ ਅਤੇ ਈ-ਚਾਰਜ ਮੋਟਰਜ਼ ਵਿੱਚ ਖਰੀਦਾਰੀ ਨੇ ਬਾਜ਼ਾਰ ਨੂੰ ਕੁਝ ਹੱਦ ਤੱਕ ਸੰਭਾਲਿਆ।

ਅੱਜ ਕਈ ਵੱਡੀਆਂ ਕੰਪਨੀਆਂ ਦੇ ਤਿਮਾਹੀ ਨਤੀਜੇ ਬਾਜ਼ਾਰ ਦੀ ਦਿਸ਼ਾ ਤੈਅ ਕਰਨ ਵਿੱਚ ਮਹੱਤਵਪੂਰਨ ਰਹਿਣਗੇ। ਹਿੰਦੂਸਤਾਨ ਯੂਨੀਲੀਵਰ, ਓਐਨਜੀਸੀ, ਕੋਲ ਇੰਡੀਆ, ਹਿੰਡਾਲਕੋ, ਬਾਇਕੋਨ, ਹਿੰਦੂਸਤਾਨ ਏਰੋਨੌਟਿਕਸ, ਆਈਆਰਸੀਟੀਸੀ, ਮੁਥੂਟ ਫਾਇਨੈਂਸ, ਪੇਟ੍ਰੋਨੇਟ ਐਲਐਨਜੀ ਅਤੇ ਸਪਾਈਸਜੈਟ ਦੇ ਨਤੀਜਿਆਂ ‘ਤੇ ਨਿਵੇਸ਼ਕਾਂ ਦੀ ਨਿਗਾਹ ਟਿਕੀ ਹੋਈ ਹੈ।

200 ਫ਼ਿਲਮਾਂ ਦੇ ਬਾਵਜੂਦ ਕਰਜ਼ਾ ਨਾ ਚੁਕਾ ਸਕੇ ਰਾਜਪਾਲ ਯਾਦਵ ₹5 ਕਰੋੜ ਤੋਂ ਵਧ ਕੇ ₹9 ਕਰੋੜ ਦੀ ਕਹਾਣੀ ਨੇ ਚੌਕਾਇਆ

ਫੈਡਰਲ ਬੈਂਕ ਨੂੰ ਆਰਬੀਆਈ ਵੱਲੋਂ ਆਈਸੀਆਈਸੀਆਈ ਪ੍ਰੂਡੈਂਸ਼ੀਅਲ ਏਐਮਸੀ ਅਤੇ ਆਈਸੀਆਈਸੀਆਈ ਬੈਂਕ ਸਮੂਹ ਨੂੰ 9.95% ਤੱਕ ਹਿੱਸੇਦਾਰੀ ਖਰੀਦਣ ਦੀ ਮਨਜ਼ੂਰੀ ਮਿਲੀ ਹੈ, ਜਿਸ ਨਾਲ ਸ਼ੇਅਰ ਵਿੱਚ ਹਲਚਲ ਦੇ ਸੰਕੇਤ ਹਨ।

ਨੈੱਟਵੇਬ ਟੈਕਨਾਲੋਜੀਜ਼ ਵਿੱਚ ਪ੍ਰਮੋਟਰਾਂ ਦੁਆਰਾ ਬਲਾਕ ਡੀਲ ਰਾਹੀਂ 3% ਹਿੱਸੇਦਾਰੀ ਵੇਚਣ ਦੀ ਖ਼ਬਰ ਕਾਰਨ ਧਿਆਨ ਕੇਂਦਰਿਤ ਹੈ। ਇਸ ਡੀਲ ਦੀ ਕੀਮਤ ਲਗਭਗ ₹514.5 ਕਰੋੜ ਹੈ।

ਕਰਨੈਕਸ ਮਾਈਕ੍ਰੋਸਿਸਟਮ ਨੂੰ ₹41.17 ਕਰੋੜ ਦਾ ਵੱਡਾ ਆਰਡਰ ਮਿਲਿਆ ਹੈ, ਜਿਸ ਵਿੱਚ ‘ਕਵਚ’ ਸਿਸਟਮ ਦੀਆਂ 505 ਯੂਨਿਟਾਂ ਦੀ ਸਪਲਾਈ ਸ਼ਾਮਲ ਹੈ।

ਬਾਜ਼ਾਰ ਵਿਸ਼ਲੇਸ਼ਕ ਮੰਨਦੇ ਹਨ ਕਿ ਗਲੋਬਲ ਸੰਕੇਤ, ਡਾਲਰ ਇੰਡੈਕਸ ਅਤੇ ਐਫਆਈਆਈ ਦੀ ਗਤੀਵਿਧੀ ਅਗਲੇ ਰੁਝਾਨਾਂ ਨੂੰ ਪ੍ਰਭਾਵਿਤ ਕਰਨਗੇ। ਜੇ ਆਈਟੀ ਸੈਕਟਰ ਵਿੱਚ ਕਮਜ਼ੋਰੀ ਜਾਰੀ ਰਹੀ ਤਾਂ ਸੈਂਸੈਕਸ ਅਤੇ ਨਿਫਟੀ ‘ਤੇ ਦਬਾਅ ਬਣਿਆ ਰਹਿ ਸਕਦਾ ਹੈ। ਹਾਲਾਂਕਿ, ਜੇ ਅੱਜ ਦੇ ਨਤੀਜੇ ਮਜ਼ਬੂਤ ਰਹੇ ਤਾਂ ਇਹ ਬਾਜ਼ਾਰ ਨੂੰ ਸਹਾਰਾ ਦੇ ਸਕਦੇ ਹਨ।

it-sector-falls-market-shaken