IPL 2028: 74 ਤੋਂ 94 ਮੈਚ, ਕ੍ਰਿਕਟ ਦਾ ਮਜ਼ਾ ਹੋਵੇਗਾ ਦੁੱਗਣਾ! ਅਰੁਣ ਸਿੰਘ ਧੂਮਲ ਨੇ ਦਿੱਤੀ ਸਫਾਈ

9 May 2026 ਅੱਪਡੇਟ ਕੀਤਾ ਗਿਆ

ਨਵੀਂ ਦਿੱਲੀ (ਦੈਨਿਕ ਸਵੇਰਾ): ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਸੰਕੇਤ ਦਿੱਤਾ ਹੈ ਕਿ IPL 2028 ਤੱਕ ਮੈਚਾਂ ਦੀ ਗਿਣਤੀ 74 ਤੋਂ ਵਧਾ ਕੇ 94 ਕੀਤੀ ਜਾ ਸਕਦੀ ਹੈ। IPL ਚੇਅਰਮੈਨ ਅਰੁਣ ਧੂਮਲ ਨੇ ਕਿਹਾ ਹੈ ਕਿ ਲੀਗ ਨੂੰ ਪੂਰੀ ਤਰ੍ਹਾਂ ਘਰੇਲੂ ਅਤੇ ਬਾਹਰੀ ਫਾਰਮੈਟ ਵਿੱਚ ਖੇਡਣ ਦੀ ਯੋਜਨਾ ਹੈ, ਬਿਲਕੁਲ ਯੂਰਪ ਦੀਆਂ ਵੱਡੀਆਂ ਫੁੱਟਬਾਲ ਲੀਗਾਂ ਵਾਂਗ। ਇਸਦਾ ਮਤਲਬ ਹੈ ਕਿ ਹਰ ਟੀਮ ਦੂਜੀ ਟੀਮ ਨਾਲ ਦੋ ਵਾਰ ਮੁਕਾਬਲਾ ਕਰੇਗੀ, ਇੱਕ ਆਪਣੇ ਮੈਦਾਨ ‘ਤੇ ਅਤੇ ਇੱਕ ਵਿਰੋਧੀ ਦੇ ਮੈਦਾਨ ‘ਤੇ।

ਟੀਮਾਂ ਉਹੀ, ਐਕਸ਼ਨ ਵੱਧ

ਮੌਜੂਦਾ 10 ਟੀਮਾਂ ਹੀ ਰਹਿਣਗੀਆਂ, ਪਰ ਮੈਚਾਂ ਦੀ ਗਿਣਤੀ ਵਧੇਗੀ। ਧੂਮਲ ਨੇ ਸਪੱਸ਼ਟ ਕੀਤਾ ਕਿ ਨਵੀਆਂ ਟੀਮਾਂ ਜੋੜਨ ਦਾ ਹਜੇ ਕੋਈ ਯੋਜਨਾ ਨਹੀਂ ਹੈ।

ਸਮਾਂ ਸਭ ਤੋਂ ਵੱਡੀ ਚੁਣੌਤੀ

74 ਮੈਚਾਂ ਵਾਲਾ IPL ਲਗਭਗ ਦੋ ਮਹੀਨੇ ਚੱਲਦਾ ਹੈ। ਜੇ ਮੈਚ 94 ਹੋ ਗਏ ਤਾਂ ਘੱਟੋ-ਘੱਟ ਢਾਈ ਮਹੀਨਿਆਂ ਦੀ ਵਿੰਡੋ ਦੀ ਲੋੜ ਹੋਵੇਗੀ। BCCI 2027 ਤੋਂ ਬਾਅਦ ਅੰਤਰਰਾਸ਼ਟਰੀ ਕ੍ਰਿਕਟ ਕੈਲੰਡਰ ਵਿੱਚ ਵੱਡੀ ਵਿੰਡੋ ਬਣਾਉਣ ਦੀ ਕੋਸ਼ਿਸ਼ ਕਰੇਗਾ ਤਾਂ ਜੋ IPL ਦੌਰਾਨ ਹੋਰ ਸੀਰੀਜ਼ਾਂ ਨੂੰ ਰੋਕਿਆ ਜਾ ਸਕੇ।

ਪ੍ਰਸਾਰਕਾਂ ਦੀ ਚਿੰਤਾ

ਮੈਚ ਵਧਣ ਨਾਲ ਹੋਰ ਡਬਲਹੈਡਰ (ਇੱਕ ਦਿਨ ਵਿੱਚ ਦੋ ਮੈਚ) ਖੇਡੇ ਜਾਣਗੇ। ਪਰ ਟੀਵੀ ਅਤੇ ਡਿਜੀਟਲ ਪ੍ਰਸਾਰਕ ਦੁਪਹਿਰ ਦੇ ਮੈਚਾਂ ਨੂੰ ਪਸੰਦ ਨਹੀਂ ਕਰਦੇ ਕਿਉਂਕਿ ਉਹ ਦਰਸ਼ਕਾਂ ਨੂੰ ਵੰਡਦੇ ਹਨ ਅਤੇ ਇਸ਼ਤਿਹਾਰਬਾਜ਼ੀ ਦੀ ਆਮਦਨ ਘਟਾਉਂਦੇ ਹਨ। BCCI ਨੂੰ ਇਸ ਮੁੱਦੇ ਦਾ ਹੱਲ ਵੀ ਲੱਭਣਾ ਪਵੇਗਾ।

ipl-2028-to-expand