ਭਾਰਤ ਦੇ ਪਹਿਲੇ Private Orbital Rocket ‘ਵਿਕਰਮ-1’ ਦੀ ਉਡਾਣ ਲਈ ਕਾਊਂਟਡਾਊਨ, Space Sector ਲਈ ਇਤਿਹਾਸਕ ਪਲ

2 July 2026 ਅੱਪਡੇਟ ਕੀਤਾ ਗਿਆ

ਭਾਰਤ ਦਾ ਨਿੱਜੀ ਪੁਲਾੜ ਖੇਤਰ ਇੱਕ ਨਵੇਂ ਯੁੱਗ ਵਿੱਚ ਦਾਖਲ ਹੋਣ ਜਾ ਰਿਹਾ ਹੈ। ਦੇਸ਼ ਦੇ ਪਹਿਲੇ ਸਪੇਸ-ਟੈਕ ਯੂਨੀਕੋਰਨ Skyroot Aerospace ਨੇ ਆਪਣੇ ਪਹਿਲੇ ਨਿੱਜੀ ਔਰਬਿਟਲ ਰਾਕੇਟ ਵਿਕਰਮ-1 ਦਾ ਉਦਘਾਟਨ ਕਰ ਦਿੱਤਾ ਹੈ। ਲਗਭਗ ਸੱਤ ਮੰਜ਼ਿਲਾ ਉੱਚਾ ਇਹ ਰਾਕੇਟ ਸ਼੍ਰੀਹਰੀਕੋਟਾ ਦੇ ਸਤੀਸ਼ ਧਵਨ ਸਪੇਸ ਸੈਂਟਰ ਤੋਂ 12 ਜੁਲਾਈ ਤੋਂ 4 ਅਗਸਤ ਦੇ ਵਿਚਕਾਰ ਲਾਂਚ ਕੀਤਾ ਜਾ ਸਕਦਾ ਹੈ। ਇਸ ਮਿਸ਼ਨ ਨੂੰ “ਆਗਮਨ” ਨਾਮ ਦਿੱਤਾ ਗਿਆ ਹੈ, ਜੋ ਭਾਰਤ ਦੀ ਨਿੱਜੀ ਲਾਂਚ ਸਮਰੱਥਾ ਦੇ ਨਵੇਂ ਦੌਰ ਦੀ ਸ਼ੁਰੂਆਤ ਦਾ ਪ੍ਰਤੀਕ ਹੈ।

ਸਾਬਕਾ ISRO ਵਿਗਿਆਨੀਆਂ ਪਵਨ ਕੁਮਾਰ ਚੰਦਨਾ ਅਤੇ ਨਾਗਾ ਭਾਰਤ ਡਾਕਾ ਵੱਲੋਂ ਸਥਾਪਿਤ Skyroot Aerospace ਅੱਜ ਭਾਰਤ ਦੀ ਪਹਿਲੀ ਸਪੇਸ-ਟੈਕ ਯੂਨੀਕੋਰਨ ਕੰਪਨੀ ਬਣ ਚੁੱਕੀ ਹੈ। ਵਿਕਰਮ-1 ਨੂੰ 350 ਕਿਲੋਗ੍ਰਾਮ ਤੱਕ ਦੇ ਸੈਟੇਲਾਈਟ ਧਰਤੀ ਦੇ ਹੇਠਲੇ ਔਰਬਿਟ ਵਿੱਚ ਪਹੁੰਚਾਉਣ ਲਈ ਡਿਜ਼ਾਇਨ ਕੀਤਾ ਗਿਆ ਹੈ। ਇਸ ਵਿੱਚ ਕਾਰਬਨ ਕੰਪੋਜ਼ਿਟ ਢਾਂਚਾ, 3D ਪ੍ਰਿੰਟਿਡ ਰਾਕੇਟ ਇੰਜਣ ਅਤੇ ਆਧੁਨਿਕ ਗਾਈਡੈਂਸ ਸਿਸਟਮ ਵਰਗੀਆਂ ਅਤਿ-ਆਧੁਨਿਕ ਤਕਨੀਕਾਂ ਵਰਤੀਆਂ ਗਈਆਂ ਹਨ।

LPG ਸਸਤਾ, ਪਰ CNG-PNG ‘ਤੇ ਨਹੀਂ ਮਿਲੀ ਰਾਹਤ! ਜਾਣੋ 1 ਜੁਲਾਈ ਤੋਂ ਤੁਹਾਡੇ ਸ਼ਹਿਰ ਦੀਆਂ ਨਵੀਆਂ ਗੈਸ ਕੀਮਤਾਂ

ਇਸ ਮਿਸ਼ਨ ਦਾ ਮੁੱਖ ਮਕਸਦ ਅਸਲ ਉਡਾਣ ਦੌਰਾਨ ਰਾਕੇਟ ਦੇ ਹਰ ਸਿਸਟਮ ਦਾ ਡਾਟਾ ਇਕੱਠਾ ਕਰਨਾ ਹੈ, ਤਾਂ ਜੋ ਭਵਿੱਖ ਦੇ ਵਪਾਰਕ ਲਾਂਚ ਹੋਰ ਭਰੋਸੇਯੋਗ ਅਤੇ ਕਿਫਾਇਤੀ ਬਣ ਸਕਣ। ਇਹ ਮਿਸ਼ਨ ਸਿਰਫ਼ Skyroot ਲਈ ਨਹੀਂ, ਸਗੋਂ ਭਾਰਤ ਦੇ ਪੂਰੇ ਨਿੱਜੀ ਪੁਲਾੜ ਉਦਯੋਗ ਲਈ ਇੱਕ ਇਤਿਹਾਸਕ ਮੀਲ ਪੱਥਰ ਮੰਨਿਆ ਜਾ ਰਿਹਾ ਹੈ।

ਜੇਕਰ ਵਿਕਰਮ-1 ਸਫਲਤਾਪੂਰਵਕ ਆਪਣੇ ਪੇਲੋਡ ਨੂੰ ਨਿਰਧਾਰਤ ਔਰਬਿਟ ਵਿੱਚ ਸਥਾਪਿਤ ਕਰ ਦਿੰਦਾ ਹੈ, ਤਾਂ ਭਾਰਤ ਦੁਨੀਆ ਦੇ ਉਹਨਾਂ ਦੇਸ਼ਾਂ ਦੀ ਕਤਾਰ ਵਿੱਚ ਹੋਰ ਮਜ਼ਬੂਤੀ ਨਾਲ ਖੜ੍ਹਾ ਹੋਵੇਗਾ ਜਿੱਥੇ ਨਿੱਜੀ ਕੰਪਨੀਆਂ ਵੀ ਸੁਤੰਤਰ ਤੌਰ ‘ਤੇ ਸੈਟੇਲਾਈਟ ਲਾਂਚ ਕਰਨ ਦੀ ਸਮਰੱਥਾ ਰੱਖਦੀਆਂ ਹਨ। ਇਹ ਉਡਾਣ ਭਾਰਤ ਦੀ ਸਪੇਸ ਇਕਾਨਮੀ ਲਈ ਇੱਕ ਨਵਾਂ ਅਧਿਆਇ ਲਿਖ ਸਕਦੀ ਹੈ।

ਗੁਹਾਟੀ ਹਾਈ ਕੋਰਟ ਦਾ ਵੱਡਾ ਫੈਸਲਾ: PAN ਤੇ Voter ID ਇਕੱਲੇ ਨਹੀਂ ਸਾਬਤ ਕਰ ਸਕਦੇ ਨਾਗਰਿਕਤਾ