LPG ਸਸਤਾ, ਪਰ CNG-PNG ‘ਤੇ ਨਹੀਂ ਮਿਲੀ ਰਾਹਤ! ਜਾਣੋ 1 ਜੁਲਾਈ ਤੋਂ ਤੁਹਾਡੇ ਸ਼ਹਿਰ ਦੀਆਂ ਨਵੀਆਂ ਗੈਸ ਕੀਮਤਾਂ

2 July 2026 ਅੱਪਡੇਟ ਕੀਤਾ ਗਿਆ

1 ਜੁਲਾਈ ਤੋਂ ਸਰਕਾਰੀ ਤੇਲ ਮਾਰਕੀਟਿੰਗ ਕੰਪਨੀਆਂ ਨੇ 19 ਕਿਲੋਗ੍ਰਾਮ ਵਾਲੇ ਵਪਾਰਕ LPG ਸਿਲੰਡਰ ਦੀਆਂ ਕੀਮਤਾਂ ਵਿੱਚ 183 ਰੁਪਏ ਤੱਕ ਦੀ ਕਟੌਤੀ ਕਰਕੇ ਕਾਰੋਬਾਰੀਆਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਦਿੱਲੀ ਵਿੱਚ ਇਹ ਸਿਲੰਡਰ ਹੁਣ 2,930 ਰੁਪਏ ਵਿੱਚ ਮਿਲੇਗਾ, ਜੋ ਪਹਿਲਾਂ 3,113.50 ਰੁਪਏ ਦਾ ਸੀ। ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਆਈ ਗਿਰਾਵਟ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ ਹੈ।

ਹਾਲਾਂਕਿ, ਜਿਨ੍ਹਾਂ ਲੋਕਾਂ ਨੂੰ ਉਮੀਦ ਸੀ ਕਿ CNG ਅਤੇ PNG ਵੀ ਸਸਤੀਆਂ ਹੋਣਗੀਆਂ, ਉਨ੍ਹਾਂ ਲਈ ਫਿਲਹਾਲ ਕੋਈ ਰਾਹਤ ਨਹੀਂ ਹੈ। 1 ਜੁਲਾਈ ਤੋਂ CNG ਅਤੇ PNG ਦੀਆਂ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ।

CM ਭਗਵੰਤ ਮਾਨ ਇੱਕ ਹਫ਼ਤੇ ਲਈ ਵਿਪਾਸਨਾ ਰਿਟਰੀਟ ‘ਤੇ, ਸਿਹਤ ਸੁਧਾਰ ਲਈ ਬੰਗਲੁਰੂ ਰਵਾਨਾ

ਇੰਦਰਪ੍ਰਸਥ ਗੈਸ ਲਿਮਿਟੇਡ (IGL) ਮੁਤਾਬਕ ਦਿੱਲੀ ਵਿੱਚ CNG ਦੀ ਕੀਮਤ 83.09 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ, ਜਦਕਿ ਨੋਇਡਾ, ਗ੍ਰੇਟਰ ਨੋਇਡਾ ਅਤੇ ਗਾਜ਼ੀਆਬਾਦ ਵਿੱਚ ਇਹ 91.70 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ। ਗੁਰੂਗ੍ਰਾਮ ਵਿੱਚ CNG 88.12 ਰੁਪਏ ਅਤੇ ਕਾਨਪੁਰ ਵਿੱਚ 94.42 ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੇ ਹਿਸਾਬ ਨਾਲ ਵਿਕ ਰਹੀ ਹੈ।

PNG ਦੀ ਗੱਲ ਕਰੀਏ ਤਾਂ ਦਿੱਲੀ ਵਿੱਚ ਘਰੇਲੂ PNG ਦੀ ਕੀਮਤ 49.59 ਰੁਪਏ ਪ੍ਰਤੀ SCM ਹੈ। ਨੋਇਡਾ ਅਤੇ ਗਾਜ਼ੀਆਬਾਦ ਵਿੱਚ ਇਹ 49.46 ਰੁਪਏ, ਗੁਰੂਗ੍ਰਾਮ ਵਿੱਚ 48.40 ਰੁਪਏ, ਜਦਕਿ ਕਰਨਾਲ ਅਤੇ ਰੇਵਾੜੀ ਵਿੱਚ 46.40 ਰੁਪਏ ਪ੍ਰਤੀ SCM ਹੈ।

ਫਿਲਹਾਲ LPG ਦੀਆਂ ਕੀਮਤਾਂ ਵਿੱਚ ਕਟੌਤੀ ਹੋਈ ਹੈ, ਪਰ CNG ਅਤੇ PNG ਵਰਤਣ ਵਾਲੇ ਖਪਤਕਾਰਾਂ ਨੂੰ ਅਗਲੇ ਰੇਟ ਰਿਵਿਊ ਤੱਕ ਇੰਤਜ਼ਾਰ ਕਰਨਾ ਪਵੇਗਾ।

ਸਸਪੈਂਡ DIG H.S. ਭੁੱਲਰ ਦੀ CBI ਅਦਾਲਤ ‘ਚ ਨਵੀਂ ਚਾਲ, ਕੇਸ ‘ਚੋਂ ਬਰੀ ਕਰਨ ਦੀ ਕੀਤੀ ਮੰਗ