ਬਿਨਾਂ ਅਨੁਮਤੀ ਪੰਛੀਆਂ ਨੂੰ ਦਾਣਾ ਦੇਣ ‘ਤੇ ਭਾਰਤੀ ਮੂਲ ਮਹਿਲਾ ਨੂੰ ਲੱਗਾ 3200 ਡਾਲਰ ਜੁਰਮਾਨਾ

8 months ਪਹਿਲਾ

ਅੰਤਰਰਾਸ਼ਟਰੀ ਡੈਕਸ: ਸਿੰਗਾਪੁਰ ਵਿੱਚ ਇੱਕ 71 ਸਾਲਾ ਭਾਰਤੀ ਮੂਲ ਦੀ ਵਧੀਕ ਉਮਰ ਦੀ ਮਹਿਲਾ ਨੂੰ ਜੰਗਲੀ ਪੰਛੀਆਂ ਨੂੰ ਬਿਨਾਂ ਅਨੁਮਤੀ ਖੁਰਾਕ ਦੇਣ ਦੇ ਦੋਸ਼ ‘ਚ ਭਾਰੀ ਜੁਰਮਾਨਾ ਭਰਨਾ ਪਿਆ ਹੈ। ਇਹ ਘਟਨਾ ਸ਼ਹਿਰ ਦੇ ਸਭ ਤੋਂ ਪੁਰਾਣੇ ਰਹਾਇਸ਼ੀ ਇਲਾਕੇ ਟੋਆ ਪੇਓਹ ਵਿੱਚ ਵਾਪਰੀ ਜਿੱਥੇ ਮਹਿਲਾ ਨੇ ਲਗਾਤਾਰ ਛੇ ਮਹੀਨਿਆਂ ਦੌਰਾਨ ਕਈ ਵਾਰ ਕਬੂਤਰਾਂ ਨੂੰ ਦਾਣਾ ਅਤੇ ਬਰੇਡ ਖਿਲਾਈ।

ਸਥਾਨਕ ਅਧਿਕਾਰੀਆਂ ਅਨੁਸਾਰ ਮਹਿਲਾ ਨੇ ਇਹ ਕੰਮ ਨੌ ਵਾਰ ਕੀਤਾ ਸੀ ਜਿਸ ਦੀ ਪੁਸ਼ਟੀ ਹੋਣ ‘ਤੇ ਉਸ ਉੱਤੇ 3200 ਸਿੰਗਾਪੁਰ ਡਾਲਰ ਦਾ ਜੁਰਮਾਨਾ ਲਾਇਆ ਗਿਆ ਜੋ ਕਿ ਭਾਰਤੀ ਰੁਪਏ ਵਿੱਚ ਲਗਭਗ ਦੋ ਲੱਖ ਰੁਪਏ ਦੇ ਬਰਾਬਰ ਹੈ। ਇਹ ਜੁਰਮਾਨਾ ਬੁੱਧਵਾਰ ਨੂੰ ਲਾਇਆ ਗਿਆ ਜਦੋਂ ਅਧਿਕਾਰੀਆਂ ਨੇ ਮਹਿਲਾ ਵਿਰੁੱਧ ਸਬੂਤ ਇਕੱਠੇ ਕਰਕੇ ਉਸਨੂੰ ਨੋਟਿਸ ਜਾਰੀ ਕੀਤਾ।

ਚੀਨੀ ਮਾਂਝਾ ਬਣਿਆ ਜਾਨਲੇਵਾ: ਯੋਗੀ ਨੇ ਦਿੱਤੇ ਕਤਲ ਵਜੋਂ ਮਾਮਲਾ ਦਰਜ ਕਰਨ ਦੇ ਹੁਕਮ

ਸਿੰਗਾਪੁਰ ਵਿੱਚ ਜੰਗਲੀ ਪੰਛੀਆਂ ਨੂੰ ਖੁਰਾਕ ਦੇਣ ਲਈ ਸਰਕਾਰੀ ਅਨੁਮਤੀ ਲੈਣੀ ਲਾਜ਼ਮੀ ਹੈ। ਇਹ ਨਿਯਮ ਇਸ ਲਈ ਬਣਾਇਆ ਗਿਆ ਹੈ ਤਾਂ ਜੋ ਪੰਛੀਆਂ ਦੀ ਆਬਾਦੀ ਨੂੰ ਸੰਤੁਲਿਤ ਰੱਖਿਆ ਜਾ ਸਕੇ ਅਤੇ ਸਿਹਤ ਸੰਬੰਧੀ ਸਮੱਸਿਆਵਾਂ ਤੋਂ ਬਚਿਆ ਜਾ ਸਕੇ। ਕਈ ਵਾਰੀ ਜਦੋਂ ਲੋਕ ਜੰਗਲੀ ਪੰਛੀਆਂ ਨੂੰ ਖਾਣਾ ਪਾਉਂਦੇ ਹਨ ਤਾਂ ਇਹ ਪੰਛੀ ਆਦਤ ਪਾ ਲੈਂਦੇ ਹਨ ਅਤੇ ਇਲਾਕੇ ਵਿੱਚ ਗੰਦਗੀ ਫੈਲਾਉਂਦੇ ਹਨ ਜਿਸ ਨਾਲ ਸਿਹਤ ਸੰਬੰਧੀ ਖਤਰੇ ਵਧ ਜਾਂਦੇ ਹਨ।

ਓਡੀਸ਼ਾ ਟ੍ਰੈਕ ਮੁਰੰਮਤ ਦੌਰਾਨ: ਚੇਨਈ-ਐਕਸਪ੍ਰੈਸ ਹਾਦਸੇ ਦਾ ਸ਼ਿਕਾਰ

ਟੋਆ ਪੇਓਹ ਇਲਾਕਾ ਸਿੰਗਾਪੁਰ ਦੇ ਸਭ ਤੋਂ ਪੁਰਾਣੇ ਅਤੇ ਵਸਿਆ ਹੋਇਆ ਹਾਊਸਿੰਗ ਏਸਟੇਟ ਹੈ ਜਿੱਥੇ ਵੱਡੀ ਗਿਣਤੀ ਵਿੱਚ ਬਜ਼ੁਰਗ ਨਿਵਾਸੀ ਰਹਿੰਦੇ ਹਨ। ਇਥੇ ਕਬੂਤਰਾਂ ਦੀ ਸੰਖਿਆ ਵੀ ਕਾਫੀ ਵੱਧ ਗਈ ਹੈ ਜਿਸ ਕਾਰਨ ਸਥਾਨਕ ਪ੍ਰਸ਼ਾਸਨ ਨੇ ਇਨ੍ਹਾਂ ਨੂੰ ਖੁਰਾਕ ਦੇਣ ‘ਤੇ ਰੋਕ ਲਾਈ ਹੋਈ ਹੈ। ਇਸ ਮਹਿਲਾ ਵੱਲੋਂ ਨਿਯਮ ਦੀ ਉਲੰਘਣਾ ਕਰਦੇ ਹੋਏ ਕਈ ਵਾਰ ਕਬੂਤਰਾਂ ਨੂੰ ਦਾਣਾ ਪਾਇਆ ਗਿਆ ਜਿਸ ਦੀ ਸ਼ਿਕਾਇਤ ਮਿਲਣ ‘ਤੇ ਜਾਂਚ ਕੀਤੀ ਗਈ।

indian-origin-woman-fined