IND vs SA: ਧਰਮਸ਼ਾਲਾ ਦੇ ਪਹਾੜਾਂ ‘ਚ ਗੁਆਚੇ ਖਿਡਾਰੀ, ਕਰਨੀ ਪਈ ਮੀਟਿੰਗ ਰੱਦ

14 December 2025 ਅੱਪਡੇਟ ਕੀਤਾ ਗਿਆ

Sports News : ਭਾਰਤ ਅਤੇ ਸਾਊਥ ਅਫ਼ਰੀਕਾ ਵਿਚਾਲੇ ਤੀਜਾ ਟੀ-20 ਮੈਚ ਅੱਜ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ ਦੀ ਮਹੱਤਤਾ ਕਾਫ਼ੀ ਵੱਧ ਹੈ ਕਿਉਂਕਿ ਜਿੱਤਣ ਵਾਲੀ ਟੀਮ ਸੀਰੀਜ਼ ‘ਚ ਅੱਗੇ ਵੱਧੇਗੀ, ਜਦਕਿ ਹਾਰਨ ਵਾਲੀ ਟੀਮ ਨੂੰ ਸੀਰੀਜ਼ ‘ਤੇ ਫਿਰ ਕਬਜ਼ਾ ਕਰਨ ਲਈ ਲਗਾਤਾਰ ਦੋ ਮੈਚ ਜਿੱਤਣੇ ਪੈਣਗੇ।

ਇਸ ਦੌਰਾਨ ਸਾਊਥ ਅਫ਼ਰੀਕਾ ਦੇ ਕੋਚ ਸ਼ੁਕਰੀ ਕੋਨਰਾਡ (Shukri Conrad) ਨੂੰ ਅਣਚਾਹੀ ਪ੍ਰੇਸ਼ਾਨੀ ਹੋ ਗਈ। ਜਦੋਂ ਉਹ ਟੀਮ ਮੀਟਿੰਗ ਕਰਨ ਬੈਠੇ, ਤਾਂ ਪਤਾ ਲੱਗਾ ਕਿ ਟੀਮ ਦੇ ਕਈ ਖਿਡਾਰੀ ਧਰਮਸ਼ਾਲਾ ਦੇ ਖੂਬਸੂਰਤ ਪਹਾੜਾਂ ਵਿੱਚ ਹਾਈਕਿੰਗ ‘ਤੇ ਗਏ ਹਨ। ਇਸ ਕਾਰਨ ਕੋਚ ਨੂੰ ਮੀਟਿੰਗ ਰੱਦ ਕਰਨੀ ਪਈ।

ਪਹਾੜਾਂ ਦੀ ਖੂਬਸੂਰਤੀ ਨੇ ਖਿਡਾਰੀਆਂ ਨੂੰ ਮੋਹਿਆ
ਐੱਚ.ਪੀ.ਸੀ.ਏ. ਸਟੇਡੀਅਮ, ਜੋ ਧੌਲਾਧਾਰ ਦੀਆਂ ਪਹਾੜੀਆਂ ਨਾਲ ਘਿਰਿਆ ਹੋਇਆ ਹੈ, ਦੁਨੀਆ ਦੇ ਸਭ ਤੋਂ ਖੂਬਸੂਰਤ ਸਟੇਡੀਅਮਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਸਾਊਥ ਅਫ਼ਰੀਕੀ ਕੋਚ ਨੇ ਕਿਹਾ, “ਇੱਥੇ ਕਾਫ਼ੀ ਠੰਢ ਹੈ ਅਤੇ ਇਹ ਜਗ੍ਹਾ ਬਹੁਤ ਖੂਬਸੂਰਤ ਹੈ। ਸਵੇਰੇ ਜਦੋਂ ਮੈਂ ਉੱਠਿਆ ਤਾਂ ਟੀਮ ਦੇ ਕਈ ਖਿਡਾਰੀ ਪਹਾੜਾਂ ‘ਤੇ ਘੁੰਮਣ ਗਏ ਹੋਏ ਸਨ, ਇਸ ਕਾਰਨ ਮੀਟਿੰਗ ਰੱਦ करनी ਪਈ।”

READ ALSO : ਪਟਿਆਲਾ ਦੇ ਛੇ ਪਿੰਡਾਂ ਨੇ ਚੋਣਾਂ ਦਾ ਕੀਤਾ ਮੁਕੰਮਲ ਬਾਈਕਾਟ

ਤ੍ਰਿਊਂਡ ਟ੍ਰੈਕ ਦਾ ਨਜ਼ਾਰਾ ਖਿਡਾਰੀਆਂ ਨੂੰ ਭਾਇਆ
ਧਰਮਸ਼ਾਲਾ ਤੋਂ ਕੁਝ ਦੂਰੀ ‘ਤੇ ਮੈਕਲੋਡਗੰਜ ਅਤੇ ਧਰਮਕੋਟ ਖੂਬਸੂਰਤੀ ਅਤੇ ਸ਼ਾਂਤ ਵਾਤਾਵਰਣ ਲਈ ਮਸ਼ਹੂਰ ਹਨ। ਇਥੋਂ ਇੱਕ ਟ੍ਰੈਕ ਸ਼ੁਰੂ ਹੁੰਦਾ ਹੈ ਜੋ ਤ੍ਰਿਊਂਡ ਟ੍ਰੈਕ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਖਿਡਾਰੀ ਇੱਥੇ ਹਾਈਕਿੰਗ ਕਰਨਾ ਪਸੰਦ ਕਰਦੇ ਹਨ ਕਿਉਂਕਿ ਟ੍ਰੈਕ ਦੇ ਅੰਤ ‘ਤੇ ਮਿਲਣ ਵਾਲਾ ਨਜ਼ਾਰਾ ਬੇਹੱਦ ਸੁਹਾਵਣਾ ਹੁੰਦਾ ਹੈ। ਅੰਦਾਜ਼ਾ ਹੈ ਕਿ ਸਾਊਥ ਅਫ਼ਰੀਕਾ ਦੀ ਟੀਮ ਦੇ ਕੁਝ ਖਿਡਾਰੀ ਵੀ ਇਸ ਟ੍ਰੈਕ ਤੇ ਗਏ ਹੋਣ।

ਇਸ ਘਟਨਾ ਨੇ ਧਰਮਸ਼ਾਲਾ ਦੇ ਮੈਚ ਤੋਂ ਪਹਿਲਾਂ ਹਲਕਾ-ਫੁਲਕਾ ਹਾਸਾ ਮਾਹੌਲ ਬਣਾਇਆ, ਜਿੱਥੇ ਖਿਡਾਰੀਆਂ ਨੂੰ ਪ੍ਰਕ੍ਰਿਤੀ ਦੇ ਸੁੰਦਰ ਦ੍ਰਿਸ਼ਾਂ ਦਾ ਪੂਰਾ ਆਨੰਦ ਮਾਣਣ ਦਾ ਮੌਕਾ ਮਿਲਿਆ।

VD: Chandigarh ‘ਚ ਆਸਥਾ ਦੀ ਮਿਸਾਲ ਬਣਦਾ ਜਾ ਰਿਹਾ ਸਾਈਕਲ ਤੇ ਜੈ ਸ਼੍ਰੀ ਰਾਮ ਜੈ ਸ਼੍ਰੀ ਰਾਮ ਦੇ ਜੈਕਾਰੇ ਲਗਾਉਂਦਾ ਇਹ ਸਨਾਤਨੀ