ਹਾਈ ਯੂਰੀਕ ਐਸਿਡ ਜਾਂ ਗਾਊਟ ਦੀ ਸਮੱਸਿਆ ਵਿੱਚ ਦਾਲਾਂ ਖਾਣੀ ਚੰਗੀ ਜਾਂ ਮਾੜੀ? ਜਾਣੋ ਸੱਚਾਈ

1 February 2026 ਅੱਪਡੇਟ ਕੀਤਾ ਗਿਆ

ਨੈਸ਼ਨਲ ਡੈਸਕ: ਅਕਸਰ ਲੋਕਾਂ ਨੂੰ ਹਾਈ ਯੂਰੀਕ ਐਸਿਡ ਜਾਂ ਗਾਊਟ ਹੋਣ ‘ਤੇ ਦਾਲਾਂ ਨਾ ਖਾਣ ਦੀ ਸਲਾਹ ਦਿੱਤੀ ਜਾਂਦੀ ਹੈ ਪਰ ਇਹ ਗੱਲ ਪੂਰੀ ਤਰ੍ਹਾਂ ਸਹੀ ਨਹੀਂ ਹੈ। ਅਸਲ ਵਿੱਚ ਹਰ ਦਾਲ ਵਿੱਚ ਪਾਈ ਜਾਂਦੀ ਪਿਊਰੀਨ ਦੀ ਮਾਤਰਾ ਵੱਖ ਵੱਖ ਹੁੰਦੀ ਹੈ ਇਸ ਲਈ ਇਹ ਜਾਣਨਾ ਜ਼ਰੂਰੀ ਹੈ ਕਿ ਕਿਹੜੀ ਦਾਲ ਕਿੰਨੀ ਸੁਰੱਖਿਅਤ ਹੈ।

ਪਿਊਰੀਨ ਕੀ ਹੈ?
ਪਿਊਰੀਨ ਇੱਕ ਕੁਦਰਤੀ ਯੋਗਿਕ ਹੈ ਜੋ ਕੁਝ ਖਾਣ ਪੀਣ ਦੀਆਂ ਚੀਜ਼ਾਂ ਵਿੱਚ ਪਾਇਆ ਜਾਂਦਾ ਹੈ। ਇਹ ਸਰੀਰ ਵਿੱਚ ਜਾ ਕੇ ਯੂਰੀਕ ਐਸਿਡ ਵਿੱਚ ਤਬਦੀਲ ਹੋ ਜਾਂਦਾ ਹੈ। ਜੇਕਰ ਯੂਰੀਕ ਐਸਿਡ ਦੀ ਮਾਤਰਾ ਵਧ ਜਾਂਦੀ ਹੈ ਜਾਂ ਸਰੀਰ ਤੋਂ ਬਾਹਰ ਨਹੀਂ ਨਿਕਲਦੀ ਤਾਂ ਜੋੜਾਂ ਵਿੱਚ ਦਰਦ, ਸੋਜ ਅਤੇ ਗਾਊਟ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।

ਬਜਟ ਪੇਸ਼ੀ ਤੋਂ ਬਾਅਦ ਸ਼ੇਅਰ ਬਾਜ਼ਾਰ ਹਿਲਿਆ: ਸੈਂਸੈਕਸ ਅਤੇ ਨਿਫਟੀ ਨੇ ਗਵਾਏ ਹਜ਼ਾਰਾਂ ਅੰਕ

ਕੀ ਹਾਈ ਯੂਰੀਕ ਐਸਿਡ ਵਿੱਚ ਸਾਰੀਆਂ ਦਾਲਾਂ ਨੁਕਸਾਨਦਾਇਕ ਹਨ?
ਡਾਇਟੀਸ਼ੀਅਨ ਅਨੁਸਾਰ ਪੌਧਿਆਂ ਤੋਂ ਮਿਲਣ ਵਾਲੀ ਪਿਊਰੀਨ (ਜਿਵੇਂ ਦਾਲਾਂ ਅਤੇ ਸਬਜ਼ੀਆਂ) ਜਾਨਵਰਾਂ ਤੋਂ ਮਿਲਣ ਵਾਲੀ ਪਿਊਰੀਨ (ਜਿਵੇਂ ਲਾਲ ਮਾਸ, ਕਲੇਜੀ ਆਦਿ) ਦੀ ਤੁਲਨਾ ਵਿੱਚ ਘੱਟ ਨੁਕਸਾਨਦਾਇਕ ਹੁੰਦੀ ਹੈ। ਇਸਦਾ ਅਰਥ ਇਹ ਹੈ ਕਿ ਜੇਕਰ ਸਹੀ ਦਾਲ, ਢੰਗ ਨਾਲ ਪਕਾ ਕੇ ਅਤੇ ਠੀਕ ਮਾਤਰਾ ਵਿੱਚ ਖਾਈ ਜਾਵੇ ਤਾਂ ਹਾਈ ਯੂਰੀਕ ਐਸਿਡ ਵਾਲੇ ਲੋਕ ਵੀ ਦਾਲਾਂ ਖਾ ਸਕਦੇ ਹਨ।

ਉੱਚ ਪਿਊਰੀਨ ਵਾਲੀਆਂ ਦਾਲਾਂ

• ਕਾਲਾ ਜਾਂ ਸਫੈਦ ਚਣਾ
• ਰਾਜਮਾ
• ਮਸੂਰ ਦਾਲ
• ਅਰਹਰ (ਤੂਰ) ਦਾਲ
  ਇਨ੍ਹਾਂ ਨੂੰ ਹਫ਼ਤੇ ਵਿੱਚ 1 ਤੋਂ 2 ਵਾਰੀ ਘੱਟ ਮਾਤਰਾ ਵਿੱਚ ਖਾਣਾ ਚੰਗਾ ਰਹੇਗਾ।

ਮੱਧਮ ਪਿਊਰੀਨ ਵਾਲੀਆਂ ਦਾਲਾਂ

• ਮੂੰਗ ਦਾਲ
• ਉੜਦ ਦਾਲ
  ਇਨ੍ਹਾਂ ਨੂੰ ਹਫ਼ਤੇ ਵਿੱਚ 2 ਤੋਂ 3 ਵਾਰੀ ਖਾਧਾ ਜਾ ਸਕਦਾ ਹੈ।

ਸਭ ਤੋਂ ਸੁਰੱਖਿਅਤ ਵਿਕਲਪ

• ਛਿਲਕਾ ਉਤਰੀ ਮੂੰਗ ਦਾਲ
• ਮੂੰਗ ਦਾਲ ਦਾ ਪਾਣੀ ਜਾਂ ਪਤਲੀ ਦਾਲ
• ਦਾਲ ਦਾ ਸੂਪ

ਕਾਜੂ ਤੇ ਕੋਕੋ ਬਣਣਗੇ ਭਾਰਤ ਦੇ ਨਵੇਂ ਐਕਸਪੋਰਟ ਸਟਾਰ: ਬਜਟ 2026 ਵਿੱਚ ਵੱਡਾ ਐਲਾਨ

ਦਾਲ ਖਾਣ ਦੇ ਟਿਪਸ (ਹਾਈ ਯੂਰੀਕ ਐਸਿਡ ਵਿੱਚ)

• ਦਾਲ ਨੂੰ ਪਕਾਉਣ ਤੋਂ ਪਹਿਲਾਂ ਭਿੱਜੋਣਾ ਚੰਗਾ ਰਹਿੰਦਾ ਹੈ
• ਗਾੜੀ ਦਾਲ ਦੀ ਥਾਂ ਪਤਲੀ ਦਾਲ ਵਰਤੋ
• ਇੱਕ ਸਮੇਂ ਵਿੱਚ ਇੱਕ ਹੀ ਕਿਸਮ ਦੀ ਦਾਲ ਖਾਓ
• ਦਾਲ ਦੇ ਨਾਲ ਵਧੀਆ ਮਾਤਰਾ ਵਿੱਚ ਪਾਣੀ ਪੀਓ
• ਦਾਲ ਅਤੇ ਚੌਲ ਦੀ ਮਾਤਰਾ ਨੂੰ ਸੰਤੁਲਿਤ ਰੱਖੋ

ਕਿਹੜੀਆਂ ਚੀਜ਼ਾਂ ਨਾਲ ਯੂਰੀਕ ਐਸਿਡ ਵਧਦਾ ਹੈ

• ਲਾਲ ਮਾਸ, ਮਟਨ, ਕਲੇਜੀ ਆਦਿ
• ਬੀਅਰ ਅਤੇ ਸ਼ਰਾਬ
• ਵੱਧ ਮਾਤਰਾ ਵਿੱਚ ਚੀਨੀ ਅਤੇ ਫਰਕਟੋਜ਼
• ਤਲੇ ਹੋਏ ਅਤੇ ਪ੍ਰੋਸੈਸਡ ਖਾਣੇ