“ਜਸ਼ਨ ਤੋਂ ਜਨਾਜ਼ੇ ਤੱਕ”: ਜਲਗਾਓਂ ਸੜਕ ਹਾਦਸੇ ਵਿੱਚ 3 ਵਾਹਨਾਂ ਦੀ ਟੱਕਰ, 6 ਮੌਤਾਂ

9 June 2026 ਅੱਪਡੇਟ ਕੀਤਾ ਗਿਆ

ਮਹਾਰਾਸ਼ਟਰ ਦੇ ਜਲਗਾਓਂ ਜ਼ਿਲ੍ਹੇ ਵਿੱਚ ਮੰਗਲਵਾਰ ਸਵੇਰੇ ਇੱਕ ਭਿਆਨਕ ਤਿੰਨ ਵਾਹਨਾਂ ਦੀ ਟੱਕਰ ਨੇ ਖੁਸ਼ੀ ਦੇ ਮੌਕੇ ਨੂੰ ਸੋਗ ਵਿੱਚ ਬਦਲ ਦਿੱਤਾ। ਅਮਲਨੇਰ ਦੇ ਲੋਂਡੇ ਫਾਟਾ ਨੇੜੇ ਕਾਰ, ਮੋਟਰਸਾਈਕਲ ਅਤੇ ਬੱਸ ਵਿਚਕਾਰ ਹੋਏ ਹਾਦਸੇ ਵਿੱਚ 6 ਲੋਕਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦਕਿ ਇੱਕ ਵਿਅਕਤੀ ਗੰਭੀਰ ਜ਼ਖਮੀ ਹੋ ਗਿਆ।

ਜਾਣਕਾਰੀ ਮੁਤਾਬਕ, ਕਾਰ ਵਿੱਚ ਸਵਾਰ ਪਰਿਵਾਰ ਗੁਜਰਾਤ ਵਿੱਚ ਇੱਕ ਮੰਗਣੀ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਜਾ ਰਿਹਾ ਸੀ। ਰਸਤੇ ਵਿੱਚ ਕਾਰ ਪਹਿਲਾਂ ਮੋਟਰਸਾਈਕਲ ਨਾਲ ਟਕਰਾਈ ਅਤੇ ਫਿਰ ਮੋਟਰਸਾਈਕਲ ਉਲਟੀ ਦਿਸ਼ਾ ਤੋਂ ਆ ਰਹੀ ਬੱਸ ਨਾਲ ਜਾ ਟਕਰਾਈ, ਜਿਸ ਨਾਲ ਹਾਦਸਾ ਹੋਰ ਵੀ ਭਿਆਨਕ ਹੋ ਗਿਆ।

ਕਸ਼ਮੀਰ ਸੈਲਾਨੀਆਂ ਦੀ ਬਣਿਆ ਪਹਿਲੀ ਪਸੰਦ , ਜੂਨ ਦੇ ਅੰਕੜਿਆਂ ਨੇ ਤੋੜੇ ਰਿਕਾਰਡ

ਮ੍ਰਿਤਕਾਂ ਵਿੱਚ ਨੰਦਲਾਲ ਮਹਾਜਨ, ਅਨੀਤਾ ਮਹਾਜਨ, ਸੁਰੇਸ਼ ਮਹਾਜਨ ਅਤੇ ਨਿਰਮਲਾ ਮਹਾਜਨ ਸਮੇਤ ਦੋ ਮੋਟਰਸਾਈਕਲ ਸਵਾਰ ਨੀਲੇਸ਼ ਤਾਵੜੇ ਅਤੇ ਫਾਲਗੁਨੀ ਭੋਈ ਸ਼ਾਮਲ ਹਨ। ਕਾਰ ਚਾਲਕ ਆਦਿੱਤਿਆ ਮਹਾਜਨ ਗੰਭੀਰ ਜ਼ਖਮੀ ਹੋਇਆ ਹੈ ਅਤੇ ਉਸਦਾ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ।

ਸਥਾਨਕ ਲੋਕਾਂ ਨੇ ਤੁਰੰਤ ਮੌਕੇ ‘ਤੇ ਪਹੁੰਚ ਕੇ ਬਚਾਅ ਕਾਰਜ ਵਿੱਚ ਮਦਦ ਕੀਤੀ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਹਾਦਸੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੁਖਦਾਈ ਘਟਨਾ ਨੇ ਪੂਰੇ ਇਲਾਕੇ ਨੂੰ ਸ਼ੋਕ ਵਿੱਚ ਡੁੱਬੋ ਦਿੱਤਾ ਹੈ।

ਕੱਚੇ ਤੇਲ ਦੀਆਂ ਕੀਮਤਾਂ ਡਿੱਗੀਆਂ, ਪਰ ਕੀ ਭਾਰਤ ਵਿੱਚ ਊਰਜਾ ਸੰਕਟ ਖਤਮ ਹੋ ਗਿਆ?