Ebola Virus: ਕੀਨੀਆ ਦੀ ਮਦਦ ਲਈ ਭਾਰਤ ਨੇ ਭੇਜੀਆਂ 6 ਹਜ਼ਾਰ PPE ਕਿੱਟਾਂ

3 minutes ਪਹਿਲਾ

Ebola Virus:ਭਾਰਤ ਨੇ ਕੀਨੀਆ ਵਿੱਚ Ebola Virus ਖ਼ਿਲਾਫ਼ ਚਲਾਏ ਜਾ ਰਹੇ ਯਤਨਾਂ ਪ੍ਰਤੀ ਸਮਰਥਨ ਜਤਾਉਂਦਿਆਂ ਕਿਹਾ ਹੈ ਕਿ ਉਹ ਇਸ ਚੁਣੌਤੀ ਨਾਲ ਨਜਿੱਠਣ ਵਿੱਚ ਕੀਨੀਆ ਦੇ ਨਾਲ ਮਜ਼ਬੂਤੀ ਨਾਲ ਖੜ੍ਹਾ ਹੈ। ਭਾਰਤ ਨੇ ਜਨਤਕ ਸਿਹਤ ਤਿਆਰੀਆਂ ਅਤੇ ਐਮਰਜੈਂਸੀ ਪ੍ਰਤੀਕਿਰਿਆ ਪ੍ਰਣਾਲੀ ਨੂੰ ਮਜ਼ਬੂਤ ਕਰਨ ਲਈ ਸਹਿਯੋਗ ਜਾਰੀ ਰੱਖਣ ਦੀ ਵਚਨਬੱਧਤਾ ਵੀ ਦੁਹਰਾਈ ਹੈ।

ਕੀਨੀਆ ਸਥਿਤ ਭਾਰਤੀ ਹਾਈ ਕਮਿਸ਼ਨ ਨੇ ਵੀਰਵਾਰ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ‘X’ ‘ਤੇ ਇੱਕ ਪੋਸਟ ਰਾਹੀਂ ਭਾਰਤ ਦਾ ਰੁਖ ਸਾਂਝਾ ਕੀਤਾ। ਹਾਈ ਕਮਿਸ਼ਨ ਨੇ ਕਿਹਾ ਕਿ ਭਾਰਤ ਇਬੋਲਾ ਵਾਇਰਸ ਬਿਮਾਰੀ ਨਾਲ ਮੁਕਾਬਲੇ ਵਿੱਚ ਕੀਨੀਆ ਦੇ ਨਾਲ ਇਕਜੁੱਟਤਾ ਨਾਲ ਖੜ੍ਹਾ ਹੈ ਅਤੇ ਦੋਵਾਂ ਦੇਸ਼ਾਂ ਵਿਚਾਲੇ ਸਿਹਤ ਖੇਤਰ ਵਿੱਚ ਲੰਬੇ ਸਮੇਂ ਤੋਂ ਚੱਲੀ ਆ ਰਹੀ ਸਾਂਝੇਦਾਰੀ ਨੂੰ ਹੋਰ ਮਜ਼ਬੂਤ ਕਰਨ ਲਈ ਵਚਨਬੱਧ ਹੈ।

ਭਾਰਤ ਦਾ ਇਹ ਸਮਰਥਨ ਉਸ ਸਮੇਂ ਸਾਹਮਣੇ ਆਇਆ ਹੈ, ਜਦੋਂ ਕੀਨੀਆ ਦੇ ਸਿਹਤ ਮੰਤਰਾਲੇ ਨੇ ਦੇਸ਼ ਵਿੱਚ ਇਬੋਲਾ ਦੇ ਇੱਕ ਆਯਾਤ ਕੀਤੇ ਮਾਮਲੇ ਦੀ ਪੁਸ਼ਟੀ ਕੀਤੀ ਹੈ। ਮੰਤਰਾਲੇ ਮੁਤਾਬਕ ਇਹ ਮਾਮਲਾ ਕਾਂਗੋ ਲੋਕਤੰਤਰੀ ਗਣਰਾਜ (DRC) ਤੋਂ ਪਹੁੰਚੇ ਇੱਕ ਯਾਤਰੀ ਨਾਲ ਸਬੰਧਤ ਸੀ, ਜਿਸ ਦੀ 6 ਅਕਤੂਬਰ ਨੂੰ ਮੌਤ ਹੋ ਗਈ। ਹਾਲਾਂਕਿ, ਮੰਤਰਾਲੇ ਨੇ ਕਿਹਾ ਕਿ ਇੱਕ ਆਯਾਤ ਕੀਤਾ ਮਾਮਲਾ ਦੇਸ਼ ਵਿੱਚ ਵਿਆਪਕ ਸੰਕਰਮਣ ਫੈਲਣ ਦਾ ਸੰਕੇਤ ਨਹੀਂ ਹੈ।

ਕੀਨੀਆ ਦੇ ਸਿਹਤ ਕੈਬਿਨੇਟ ਸਕੱਤਰ ਏਡਨ ਡੁਆਲੇ ਨੇ ਰਾਜਨਾਇਕ ਭਾਈਚਾਰੇ, ਅੰਤਰਰਾਸ਼ਟਰੀ ਸੰਗਠਨਾਂ ਅਤੇ ਵਿਕਾਸ ਭਾਈਵਾਲਾਂ ਨਾਲ ਹੋਈ ਉੱਚ ਪੱਧਰੀ ਮੀਟਿੰਗ ਵਿੱਚ ਸੰਕਰਮਣ ਨਾਲ ਨਜਿੱਠਣ ਦੀਆਂ ਤਿਆਰੀਆਂ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਰਾਸ਼ਟਰੀ ਘਟਨਾ ਪ੍ਰਬੰਧਨ ਪ੍ਰਣਾਲੀ ਮਈ 2026 ਤੋਂ ਸਰਗਰਮ ਹੈ ਅਤੇ ਰਾਸ਼ਟਰੀ ਤੇ ਕਾਊਂਟੀ ਪੱਧਰ ‘ਤੇ ਐਮਰਜੈਂਸੀ ਪ੍ਰਤੀਕਿਰਿਆ ਪ੍ਰਣਾਲੀ ਨੂੰ ਹਾਈ ਅਲਰਟ ‘ਤੇ ਰੱਖਿਆ ਗਿਆ ਹੈ।

ਸਿਹਤ ਮੰਤਰਾਲੇ ਦੇ ਅਨੁਸਾਰ, ਹਸਪਤਾਲਾਂ ਅਤੇ ਭਾਈਚਾਰਿਆਂ ਵਿੱਚ ਨਿਗਰਾਨੀ ਵਧਾ ਦਿੱਤੀ ਗਈ ਹੈ ਅਤੇ ਸੰਭਾਵਿਤ ਮਾਮਲਿਆਂ ਦੀ ਪਛਾਣ ਤੇ ਜਾਂਚ ਲਈ ਰੈਪਿਡ ਰਿਸਪਾਂਸ ਟੀਮਾਂ ਤਾਇਨਾਤ ਕੀਤੀਆਂ ਗਈਆਂ ਹਨ। ਹੁਣ ਤੱਕ 4,971 ਸਿਹਤ ਕਰਮਚਾਰੀਆਂ ਨੂੰ ਇਬੋਲਾ ਦੀ ਰੋਕਥਾਮ ਅਤੇ ਪ੍ਰਤੀਕਿਰਿਆ ਨਾਲ ਸਬੰਧਤ ਸਿਖਲਾਈ ਦਿੱਤੀ ਜਾ ਚੁੱਕੀ ਹੈ। ਇਸ ਤੋਂ ਇਲਾਵਾ, ਦੇਸ਼ ਦੇ 15 ਪ੍ਰਵੇਸ਼ ਬਿੰਦੂਆਂ ‘ਤੇ ਸਕ੍ਰੀਨਿੰਗ ਜਾਰੀ ਹੈ, ਜਿੱਥੇ 6.52 ਲੱਖ ਤੋਂ ਵੱਧ ਯਾਤਰੀਆਂ ਦੀ ਜਾਂਚ ਕੀਤੀ ਜਾ ਚੁੱਕੀ ਹੈ।

ਇਬੋਲਾ ਨਾਲ ਨਜਿੱਠਣ ਲਈ ਭਾਰਤ ਨੇ ਕੀਨੀਆ ਨੂੰ 6,000 ਪਰਨਸਨਲ ਪ੍ਰੋਟੈਕਟਿਵ ਇਕੁਇਪਮੈਂਟ (PPE) ਕਿੱਟਾਂ ਵੀ ਉਪਲਬਧ ਕਰਵਾਈਆਂ ਹਨ। ਕੀਨੀਆ ਦੇ ਯਤਨਾਂ ਵਿੱਚ WHO ਵੱਲੋਂ ਦਿੱਤੇ ਗਏ 1,000 PPE ਸੈੱਟਾਂ ਦੇ ਨਾਲ ਅਮਰੀਕਾ, IGAD, Africa CDC ਅਤੇ ਹੋਰ ਵਿਕਾਸ ਭਾਈਵਾਲ ਵੀ ਸਹਿਯੋਗ ਕਰ ਰਹੇ ਹਨ। ਕੀਨੀਆ ਦੇ ਸਿਹਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਨਿਗਰਾਨੀ, ਸੰਕਰਮਣ ਕੰਟਰੋਲ ਅਤੇ ਜ਼ਰੂਰੀ ਸੁਰੱਖਿਆ ਸਮੱਗਰੀ ਦੀ ਉਪਲਬਧਤਾ ਵਧਾ ਕੇ ਜਨਤਕ ਸਿਹਤ ਪ੍ਰਤੀਕਿਰਿਆ ਨੂੰ ਮਜ਼ਬੂਤ ਕੀਤਾ ਜਾ ਰਿਹਾ ਹੈ।