ਕੀਮੋਥੈਰੇਪੀ ਤੋਂ ਬਾਅਦ ਵੀ ਨਫੀਸਾ ਅਲੀ ਨੇ ਨਹੀਂ ਛੱਡਿਆ ਹੌਸਲਾ, ਫਿਲਮ ਟ੍ਰੇਲਰ ਲਾਂਚ ‘ਤੇ ਪਹੁੰਚ ਕੇ ਜਿੱਤਿਆ ਦਿਲ

12 July 2026 ਅੱਪਡੇਟ ਕੀਤਾ ਗਿਆ

ਮਨੋਰੰਜਨ ਨਿਊਜ਼ : ਕੈਂਸਰ ਵਰਗੀ ਗੰਭੀਰ ਬਿਮਾਰੀ ਨਾਲ ਜੂਝ ਰਹੀ ਦਿੱਗਜ ਅਦਾਕਾਰਾ ਨਫੀਸਾ ਅਲੀ ਨੇ ਆਪਣੇ ਜਜ਼ਬੇ ਅਤੇ ਹਿੰਮਤ ਨਾਲ ਇੱਕ ਵਾਰ ਫਿਰ ਪ੍ਰਸ਼ੰਸਕਾਂ ਨੂੰ ਪ੍ਰੇਰਿਤ ਕੀਤਾ ਹੈ। ਕੀਮੋਥੈਰੇਪੀ ਸੈਸ਼ਨ ਪੂਰਾ ਕਰਨ ਤੋਂ ਤੁਰੰਤ ਬਾਅਦ ਉਹ ਆਪਣੀ ਆਉਣ ਵਾਲੀ ਫਿਲਮ “ਮੈਕਸ, ਮਿਨ ਐਂਡ ਮਿਓਜ਼ਾਕੀ” ਦੇ ਟ੍ਰੇਲਰ ਲਾਂਚ ਸਮਾਗਮ ਵਿੱਚ ਸ਼ਾਮਲ ਹੋਈ।

ਨਫੀਸਾ ਅਲੀ ਨੇ ਸੋਸ਼ਲ ਮੀਡੀਆ ‘ਤੇ ਆਪਣਾ ਤਜਰਬਾ ਸਾਂਝਾ ਕਰਦਿਆਂ ਦੱਸਿਆ ਕਿ ਕੀਮੋਥੈਰੇਪੀ ਤੋਂ ਬਾਅਦ ਉਹ ਸਰੀਰਕ ਤੌਰ ‘ਤੇ ਕਾਫ਼ੀ ਥੱਕੀ ਹੋਈ ਸੀ। ਉਨ੍ਹਾਂ ਨੂੰ ਇਲਾਜ ਦੇ ਹਿੱਸੇ ਵਜੋਂ ਦਵਾਈਆਂ ਅਤੇ ਟੀਕਿਆਂ ਦੀ ਲੋੜ ਵੀ ਪਈ, ਪਰ ਫਿਲਮ ਦੀ ਪੂਰੀ ਟੀਮ ਵੱਲੋਂ ਮਿਲੇ ਪਿਆਰ ਅਤੇ ਸਹਿਯੋਗ ਨੇ ਉਨ੍ਹਾਂ ਦੀ ਥਕਾਵਟ ਘੱਟ ਕਰ ਦਿੱਤੀ।

https://www.instagram.com/nafisaalisodhi/?utm_source=ig_embed&ig_rid=AbVArkiLrxcGt3W8bnHamAn

ਸਰਪੰਚ’ ਨਾਲ ਚਮਕਿਆ ਗੁਰਬਾਜ਼ ਸਿੰਘ, ਪੰਜਾਬੀ ਫ਼ਿਲਮ ਇੰਡਸਟਰੀ ਨੂੰ ਮਿਲਿਆ ਨਵਾਂ ਚਿਹਰਾ

ਅਦਾਕਾਰਾ ਨੇ ਕਿਹਾ ਕਿ ਟ੍ਰੇਲਰ ਲਾਂਚ ਦਾ ਮਾਹੌਲ ਬਹੁਤ ਖੁਸ਼ਨੁਮਾ ਸੀ ਅਤੇ ਕਲਾਕਾਰਾਂ ਤੇ ਕਰੂ ਦੇ ਪਿਆਰ ਨੇ ਉਨ੍ਹਾਂ ਨੂੰ ਨਵੀਂ ਊਰਜਾ ਦਿੱਤੀ। ਉਨ੍ਹਾਂ ਦੇ ਇਸ ਜਜ਼ਬੇ ਦੀ ਪ੍ਰਸ਼ੰਸਕਾਂ ਵੱਲੋਂ ਵੀ ਕਾਫ਼ੀ ਸ਼ਲਾਘਾ ਕੀਤੀ ਜਾ ਰਹੀ ਹੈ।

ਫਿਲਮ “ਮੈਕਸ, ਮਿਨ ਐਂਡ ਮਿਓਜ਼ਾਕੀ” ਦੀ ਕਹਾਣੀ ਪਿਆਰ, ਰਿਸ਼ਤਿਆਂ, ਵਿਛੋੜੇ ਅਤੇ ਆਪਣੇ ਆਪ ਨੂੰ ਦੁਬਾਰਾ ਖੋਜਣ ਦੇ ਸਫ਼ਰ ‘ਤੇ ਆਧਾਰਿਤ ਹੈ। ਫਿਲਮ ਵਿੱਚ ਮੇਧਾ ਸ਼ੰਕਰ, ਸਿਧਾਰਥ ਮੈਨਨ, ਆਦਿਲ ਹੁਸੈਨ, ਮੰਦਿਰਾ ਬੇਦੀ, ਨਾਸਿਰ ਅਤੇ ਨਫੀਸਾ ਅਲੀ ਸਮੇਤ ਕਈ ਕਲਾਕਾਰ ਨਜ਼ਰ ਆਉਣਗੇ।ਫਿਲਮ ਦੇ ਲੇਖਕ ਅਤੇ ਨਿਰਦੇਸ਼ਕ ਪਦਮਕੁਮਾਰ ਨਰਸਿਮਮੂਰਤੀ ਹਨ। ਇਹ ਫਿਲਮ 24 ਜੁਲਾਈ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਲਈ ਤਿਆਰ ਹੈ।ਨਫੀਸਾ ਅਲੀ ਦਾ ਇਹ ਹੌਸਲਾ ਦਿਖਾਉਂਦਾ ਹੈ ਕਿ ਮੁਸ਼ਕਲ ਹਾਲਾਤਾਂ ਦੇ ਬਾਵਜੂਦ ਜਜ਼ਬਾ ਅਤੇ ਸਕਾਰਾਤਮਕ ਸੋਚ ਇਨਸਾਨ ਨੂੰ ਅੱਗੇ ਵਧਣ ਦੀ ਤਾਕਤ ਦਿੰਦੀ ਹੈ।

40 ਸਾਲਾਂ ਤੋਂ ਲਾਪਤਾ ਨਾਸੀਮਾ ਨੂੰ ਲੱਭਣ ਦੀ ਮੁਹਿੰਮ ਤੇਜ਼, ਜੈ ਰੰਧਾਵਾ ਨੇ ਸਾਂਝਾ ਕੀਤਾ ਭਾਵੁਕ ਸੰਦੇਸ਼