ਦਿੱਲੀ ਜਾਣ ਵਾਲੀ ਕੋਕੀਨ ਦੀ ਖੇਪ ‘ਤੇ ਅਮਰੀਕੀ ਏਜੰਸੀਆਂ ਦੀ ਨਜ਼ਰ, ਮਿਆਮੀ ਨੇੜੇ 22 ਕਿਲੋ ਤੋਂ ਵੱਧ ਨਸ਼ਾ ਜ਼ਬਤ

12 July 2026 ਅੱਪਡੇਟ ਕੀਤਾ ਗਿਆ

NEWS DESK : ਅਮਰੀਕੀ ਕਸਟਮ ਅਤੇ ਬਾਰਡਰ ਸੁਰੱਖਿਆ (CBP) ਅਧਿਕਾਰੀਆਂ ਨੇ ਮਿਆਮੀ ਕੌਮਾਂਤਰੀ ਹਵਾਈ ਅੱਡੇ ਨੇੜੇ ਇੱਕ ਏਅਰ ਕਾਰਗੋ ਗੁਦਾਮ ਵਿੱਚੋਂ ਕੋਕੀਨ ਦੀ ਵੱਡੀ ਖੇਪ ਬਰਾਮਦ ਕੀਤੀ ਹੈ। ਇਹ ਨਸ਼ੀਲਾ ਪਦਾਰਥ ਸੰਗੀਤ ਉਪਕਰਣਾਂ ਦੇ ਅੰਦਰ ਲੁਕਾ ਕੇ ਦਿੱਲੀ ਭੇਜਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ।

ਅਧਿਕਾਰੀਆਂ ਮੁਤਾਬਕ ਬਰਾਮਦ ਕੀਤੀ ਗਈ ਕੋਕੀਨ ਦਾ ਵਜ਼ਨ ਲਗਭਗ 49 ਪੌਂਡ (ਤਕਰੀਬਨ 22 ਕਿਲੋਗ੍ਰਾਮ) ਹੈ। ਇਸਦੀ ਅੰਦਾਜ਼ਨ ਕੀਮਤ 15 ਲੱਖ ਅਮਰੀਕੀ ਡਾਲਰ ਤੋਂ ਵੱਧ ਦੱਸੀ ਜਾ ਰਹੀ ਹੈ।

ਆਨਲਾਈਨ ਖਰਾਬ ਜਾਂ expired ਸਮਾਨ ਮਿਲੇ ਤਾਂ ਕੀ ਕਰੀਏ? FSSAI ਨੂੰ ਸ਼ਿਕਾਇਤ ਕਰਨ ਦੇ 6 ਆਸਾਨ ਤਰੀਕੇ

ਜਾਣਕਾਰੀ ਅਨੁਸਾਰ ਇਹ ਸ਼ਿਪਮੈਂਟ ਡੋਮਿਨਿਕਨ ਰਿਪਬਲਿਕ ਦੇ ਸੈਂਟੋ ਡੋਮਿੰਗੋ ਤੋਂ ਭੇਜੀ ਗਈ ਸੀ। ਕਾਗਜ਼ਾਂ ਵਿੱਚ ਇਸਨੂੰ ‘ਸੰਗੀਤ ਉਪਕਰਣ’ ਦੱਸਿਆ ਗਿਆ ਸੀ, ਪਰ ਜਾਂਚ ਦੌਰਾਨ ਅਧਿਕਾਰੀਆਂ ਨੂੰ ਸ਼ੱਕ ਹੋਇਆ ਅਤੇ ਤਲਾਸ਼ੀ ਲੈਣ ‘ਤੇ ਸਪੀਕਰਾਂ ਅਤੇ ਐਂਪਲੀਫਾਇਰਾਂ ਦੇ ਅੰਦਰੋਂ ਕੋਕੀਨ ਬਰਾਮਦ ਹੋਈ।

CBP ਅਧਿਕਾਰੀਆਂ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਜਾਰੀ ਹੈ। ਹਾਲਾਂਕਿ ਹੁਣ ਤੱਕ ਇਸ ਘਟਨਾ ਵਿੱਚ ਕਿਸੇ ਵੀ ਵਿਅਕਤੀ ਦੀ ਗ੍ਰਿਫਤਾਰੀ ਦੀ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।

ਅਧਿਕਾਰੀ ਅੰਤਰਰਾਸ਼ਟਰੀ ਨਸ਼ਾ ਤਸਕਰੀ ਦੇ ਨੈੱਟਵਰਕ ਦੀ ਪਛਾਣ ਕਰਨ ਲਈ ਅਗਲੇ ਕਦਮ ਚੁੱਕ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਤਸਕਰ ਅਕਸਰ ਨਸ਼ੀਲੇ ਪਦਾਰਥਾਂ ਨੂੰ ਲੁਕਾਉਣ ਲਈ ਨਵੇਂ ਤਰੀਕੇ ਅਪਣਾਉਂਦੇ ਹਨ, ਪਰ ਸੁਰੱਖਿਆ ਏਜੰਸੀਆਂ ਅਜਿਹੀਆਂ ਕੋਸ਼ਿਸ਼ਾਂ ਨੂੰ ਰੋਕਣ ਲਈ ਲਗਾਤਾਰ ਚੌਕਸ ਹਨ।ਇਹ ਮਾਮਲਾ ਅੰਤਰਰਾਸ਼ਟਰੀ ਕਾਰਗੋ ਰਾਹੀਂ ਹੋ ਰਹੀ ਨਸ਼ਾ ਤਸਕਰੀ ਦੀ ਗੰਭੀਰਤਾ ਨੂੰ ਇੱਕ ਵਾਰ ਫਿਰ ਉਜਾਗਰ ਕਰਦਾ ਹੈ।

ਰਾਮ ਮੰਦਰ ਪ੍ਰਬੰਧਨ ‘ਚ ਨਵੀਂ ਸਰਗਰਮੀ: ਕੌਣ ਹਨ ਮਹੰਤ ਦਿਨੇਂਦਰ ਦਾਸ, ਕਿਉਂ ਵਧੀ ਉਨ੍ਹਾਂ ਦੀ ਅਹਿਮੀਅਤ