ਤਿਰੁਵਨੰਤਪੁਰਮ ਵਿੱਚ ਰਾਜੂ ਦੀ ਕਾਰ ਨੇ ਮਾਰੀ ਟੱਕਰ ਦੋ ਜ਼ਖ਼ਮੀ ਪੁਲਿਸ ਨੇ ਹਿੱਟ ਐਂਡ ਰਨ ਮਾਮਲਾ ਦਰਜ ਕੀਤਾ

8 months ਪਹਿਲਾ

ਨੈਸ਼ਨਲ ਡੈਸਕ: ਮਲਿਆਲਮ ਫ਼ਿਲਮਾਂ ਦੇ ਮਸ਼ਹੂਰ ਅਦਾਕਾਰ ਮਨਿਯਨਪਿੱਲਾ ਰਾਜੂ ਵੱਡੀ ਮੁਸ਼ਕਲ ਵਿੱਚ ਫਸ ਗਏ ਹਨ। ਵੀਰਵਾਰ ਰਾਤ ਕੇਰਲ ਦੀ ਰਾਜਧਾਨੀ ਤਿਰੁਵਨੰਤਪੁਰਮ ਵਿੱਚ ਉਨ੍ਹਾਂ ਦੀ ਕਾਰ ਨਾਲ ਇੱਕ ਭਿਆਨਕ ਹਾਦਸਾ ਹੋਇਆ ਜਿਸ ਵਿੱਚ ਦੋ ਨੌਜਵਾਨ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਏ। ਦੋਸ਼ ਲੱਗਾ ਹੈ ਕਿ ਹਾਦਸੇ ਤੋਂ ਬਾਅਦ ਐਕਟਰ ਨੇ ਗੱਡੀ ਨਹੀਂ ਰੋਕੀ ਅਤੇ ਮੌਕੇ ਤੋਂ ਚਲੇ ਗਏ। ਪੁਲਿਸ ਨੇ ਇਸਨੂੰ ਹਿੱਟ ਐਂਡ ਰਨ ਮਾਮਲਾ ਮੰਨਦਿਆਂ ਉਨ੍ਹਾਂ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ।

BREAKING: ਜੁਮੇ ਦੀ ਨਮਾਜ਼ ਦੌਰਾਨ ਪਾਕਿਸਤਾਨ ਵਿੱਚ ਭਿਆਨਕ ਧਮਾਕਾ ਕਈਆਂ ਦੀ ਮੌਤ ਦੀ ਖ਼ਬਰ

ਹਾਦਸਾ ਕਿਵੇਂ ਹੋਇਆ

ਪੁਲਿਸ ਦੇ ਮੁਤਾਬਕ ਇਹ ਘਟਨਾ 5 ਫ਼ਰਵਰੀ ਦੀ ਰਾਤ ਲਗਭਗ ਸਵਾ ਨੌਂ ਵਜੇ ਤਿਰੁਵਨੰਤਪੁਰਮ ਕਲੱਬ ਦੇ ਸਾਹਮਣੇ ਵਾਪਰੀ। ਮਨਿਯਨਪਿੱਲਾ ਰਾਜੂ ਆਪਣੀ ਕਾਰ ਨਾਲ ਕਲੱਬ ਤੋਂ ਬਾਹਰ ਨਿਕਲ ਰਹੇ ਸਨ ਕਿ ਅਚਾਨਕ ਉਨ੍ਹਾਂ ਦੀ ਕਾਰ ਦੀ ਟੱਕਰ ਇੱਕ ਰੌਇਲ ਐਨਫ਼ੀਲਡ ਮੋਟਰਸਾਈਕਲ ਨਾਲ ਹੋ ਗਈ। ਬਾਈਕ ’ਤੇ 20 ਸਾਲ ਦੇ ਦੋ ਨੌਜਵਾਨ — ਸੂਰਜ ਅਤੇ ਨਿਦੇਵ — ਸਵਾਰ ਸਨ। ਟੱਕਰ ਇੰਨੀ ਜ਼ੋਰਦਾਰ ਸੀ ਕਿ ਦੋਵੇਂ ਨੌਜਵਾਨ ਸੜਕ ’ਤੇ ਜਾ ਡਿੱਗੇ। ਉਨ੍ਹਾਂ ਨੂੰ ਤੁਰੰਤ ਨਜ਼ਦੀਕੀ ਪ੍ਰਾਈਵੇਟ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ।

ਡਾਕਟਰਾਂ ਦੇ ਅਨੁਸਾਰ ਸੂਰਜ ਦੇ ਖੱਬੇ ਪੈਰ ਅਤੇ ਮੋਢੇ ਵਿੱਚ ਫ੍ਰੈਕਚਰ ਹੈ ਜਦਕਿ ਨਿਦੇਵ ਦੇ ਸਿਰ ਅਤੇ ਪੈਰਾਂ ’ਤੇ ਗੰਭੀਰ ਚੋਟਾਂ ਹਨ।

ਭਾਰਤੀ ਫੌਜ ਦਾ ਵੱਡਾ ਫੈਸਲਾ 246 ਸੈਨਿਕ ਢਾਂਚਿਆਂ ਦੇ ਨਾਮ ਬਦਲੇ

ਐਕਟਰ ਨੇ ਦੱਸੀ ਭੱਜਣ ਦੀ ਵਜ੍ਹਾ

ਸ਼ੁੱਕਰਵਾਰ ਨੂੰ 70 ਸਾਲਾ ਐਕਟਰ ਜਦੋਂ ਪੁਲਿਸ ਦੇ ਸਾਹਮਣੇ ਪੇਸ਼ ਹੋਏ ਤਾਂ ਉਨ੍ਹਾਂ ਨੇ ਮੌਕੇ ਤੋਂ ਚਲੇ ਜਾਣ ਦੀ ਵਜ੍ਹਾ ਦੱਸੀ। ਉਨ੍ਹਾਂ ਨੇ ਕਿਹਾ ਕਿ ਹਾਦਸੇ ਤੋਂ ਬਾਅਦ ਉਹ ਬਹੁਤ ਘਬਰਾ ਗਏ ਸਨ। ਉਹ ਹੌਲੀ ਗੱਡੀ ਚਲਾ ਰਹੇ ਸਨ ਕਿ ਬਾਈਕ ਨੇ ਟੱਕਰ ਮਾਰੀ। ਉਨ੍ਹਾਂ ਨੇ ਡਿੱਗਣ ਦੀ ਆਵਾਜ਼ ਸੁਣੀ ਪਰ ਡਰ ਕਰਕੇ ਸਿੱਧੇ ਘਰ ਚਲੇ ਗਏ। ਘਰ ਪਹੁੰਚ ਕੇ ਉਨ੍ਹਾਂ ਨੇ ਇੱਕ ਜਾਣਕਾਰ ਨੂੰ ਕਾਲ ਕਰਕੇ ਐਂਬੂਲੈਂਸ ਭੇਜਣ ਲਈ ਕਿਹਾ।

ਰਾਜੂ ਨੇ ਇਹ ਵੀ ਕਿਹਾ ਕਿ ਉਹ ਕੈਂਸਰ ਸਰਵਾਈਵਰ ਹਨ ਅਤੇ ਇਸ ਸਮੇਂ ਚਿਕਨਗੁਨਿਆ ਨਾਲ ਪੀੜਤ ਹਨ ਜਿਸ ਕਾਰਨ ਉਹ ਮਾਨਸਿਕ ਤੌਰ ’ਤੇ ਠੀਕ ਨਹੀਂ ਸਨ। ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਦੀ ਪਤਨੀ ਘਰ ’ਤੇ ਇਕੱਲੀ ਸੀ ਇਸ ਲਈ ਉਹ ਜਲਦੀ ਘਰ ਪਹੁੰਚਣਾ ਚਾਹੁੰਦੇ ਸਨ।

thiruvananthapuram-hit-and-run