ਨੈਸ਼ਨਲ ਡੈਸਕ: ਗਾਇਕ ਦਿਲਜੀਤ ਦੋਸਾਂਝ ਨੂੰ ਗਲੋਬਲ ਸਟਾਰ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਦੇ ਕਨਸਰਟਸ ਦੀ ਧੂੰਮ ਸਿਰਫ ਭਾਰਤ ਹੀ ਨਹੀਂ, ਸਗੋਂ ਅਮਰੀਕਾ ਤੱਕ ਹੈ। ਗਾਇਕੀ ਦੇ ਨਾਲ-ਨਾਲ ਦਿਲਜੀਤ ਫਿਲਮਾਂ ਵਿੱਚ ਵੀ ਆਪਣੀ ਅਦਾਕਾਰੀ ਨਾਲ ਹਰ ਮੌਕਾ ਕਾਬੂ ਕਰਦੇ ਹਨ। ਹਾਲ ਹੀ ਵਿੱਚ ਆਈ ਫਿਲਮ ‘ਬਾਰਡਰ 2’ ਵਿੱਚ ਉਨ੍ਹਾਂ ਦੇ ਕੰਮ ਦੀ ਕਾਫੀ ਪ੍ਰਸ਼ੰਸਾ ਹੋ ਰਹੀ ਹੈ। ਏਅਰਫੋਰਸ ਅਫਸਰ ਨਿਰਮਲਜੀਤ ਸਿੰਘ ਸੇਖੋਂ ਦੇ ਕਿਰਦਾਰ ਵਿੱਚ ਦਿਲਜੀਤ ਬਿਲਕੁਲ ਫਿੱਟ ਲੱਗੇ ਹਨ।
ਸ਼ੁਕਰ ਗੋਚਰ ਲਿਆਵੇਗਾ ਤਿੰਨ ਰਾਸ਼ੀਆਂ ਲਈ ਧਨ ਤੇ ਤਰੱਕੀ ਦੀ ਲਹਿਰ
‘ਬਾਰਡਰ 2’ ਦੀ ਰਿਲੀਜ਼ ਤੋਂ ਬਾਅਦ ਦਿਲਜੀਤ ਦਾ ਇੱਕ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿੱਚ ਦਿਲਜੀਤ ਕਹਿੰਦੇ ਹਨ, “ਮੈਨੂੰ ਯਾਦ ਹੈ ਜਦੋਂ ਪਹਿਲੀ ਵਾਰੀ ‘ਬਾਰਡਰ’ ਆਈ ਸੀ, ਮੇਰੇ ਆਸ-ਪਾਸ ਦੇ ਕਈ ਲੋਕ ਇਹ ਫਿਲਮ ਦੇਖਣ ਗਏ ਸਨ, ਪਰ ਮੈਂ ਨਹੀਂ ਜਾ ਸਕਿਆ ਕਿਉਂਕਿ ਮੇਰੇ ਕੋਲ ਪੈਸੇ ਨਹੀਂ ਸਨ। ਮੇਰੇ ਪਰਿਵਾਰ ਨੇ ਵੀ ਮੈਨੂੰ ਇਸ ਲਈ ਪੈਸੇ ਨਹੀਂ ਦਿੱਤੇ, ਪਰ ਉਹਨਾਂ ਕੋਲ ਵੀ ਵਾਧੂ ਪੈਸੇ ਨਹੀਂ ਸਨ, ਤਾਂ ਉਹ ਕਿਵੇਂ ਦੇ ਸਕਦੇ ਸਨ। ਮੈਂ ਉਸ ਸਮੇਂ ਇਹ ਫਿਲਮ ਦੇਖਣਾ ਚਾਹੁੰਦਾ ਸੀ। ਮੈਨੂੰ ਕੀ ਪਤਾ ਸੀ ਕਿ ਇੱਕ ਦਿਨ ਮੈਨੂੰ ਇਸੀ ਫਿਲਮ ਵਿੱਚ ਕੰਮ ਕਰਨ ਦਾ ਮੌਕਾ ਮਿਲੇਗਾ।”
ਕਰਣ ਜੋਹਰ ਦਾ ਖੁਲਾਸਾ ਆਦਿਤਿਆ ਚੋਪੜਾ ਤੋਂ ਅੱਜ ਵੀ ਲੱਗਦਾ ਹੈ ਡਰ ਆਖਿਰ ਕਿਉਂ ਜਾਣੋਂ…
ਇਹ ਦਿਲਜੀਤ ਦੀ ਜ਼ਿੰਦਗੀ ਦੀ ਇੱਕ ਪ੍ਰੇਰਣਾਦਾਇਕ ਕਹਾਣੀ ਹੈ ਜੋ ਦੱਸਦੀ ਹੈ ਕਿ ਕਿਵੇਂ ਸੰਘਰਸ਼ ਤੋਂ ਲੰਘ ਕੇ ਇੱਕ ਆਦਮੀ ਆਪਣੇ ਸੁਪਨੇ ਸਚ ਕਰ ਸਕਦਾ ਹੈ।