ਥਾਲਪਤੀ ਵਿਜੇ ਦੀ ਫਿਲਮ ‘ਜਨ ਨਯਾਗਨ’ ‘ਤੇ ਫਿਰ ਲੱਗੀ ਰੋਕ ,ਹਾਈ ਕੋਰਟ ਦੇ ਫੈਸਲੇ ਨਾਲ ਰਿਲੀਜ਼ ‘ਤੇ ਅਣਿਸ਼ਚਿਤਤਾ

19 April 2026 ਅੱਪਡੇਟ ਕੀਤਾ ਗਿਆ

ਦੱਖਣੀ ਸਿਨੇਮਾ ਦੇ ਸੁਪਰਸਟਾਰ Thalapathy Vijay ਇੱਕ ਵਾਰ ਫਿਰ ਚਰਚਾ ਵਿੱਚ ਹਨ, ਪਰ ਇਸ ਵਾਰ ਕਾਰਨ ਉਨ੍ਹਾਂ ਦੀ ਫਿਲਮ ‘ਜਨ ਨਯਾਗਨ’ ਨਾਲ ਜੁੜੀ ਵੱਡੀ ਕਾਨੂੰਨੀ ਰੁਕਾਵਟ ਹੈ। ਤਾਜ਼ਾ ਜਾਣਕਾਰੀ ਮੁਤਾਬਕ, ਹਾਈ ਕੋਰਟ ਨੇ ਫਿਲਮ ਦੀ ਰਿਲੀਜ਼ ‘ਤੇ ਮੁੜ ਰੋਕ ਲਗਾ ਦਿੱਤੀ ਹੈ।

ਅਦਾਲਤ ਦਾ ਫੈਸਲਾ ਕੀ ਹੈ?

ਅਦਾਲਤ ਨੇ ਫਿਲਮ ਦੇ ਵੈੱਬਸਾਈਟਾਂ ਅਤੇ ਕੇਬਲ ਟੀਵੀ ਪਲੇਟਫਾਰਮਾਂ ‘ਤੇ ਪ੍ਰਸਾਰਣ ‘ਤੇ ਅੰਤਰਿਮ ਪਾਬੰਦੀ ਲਗਾ ਦਿੱਤੀ ਹੈ।
ਨਾਲ ਹੀ, ਇੰਟਰਨੈੱਟ ਸੇਵਾ ਪ੍ਰਦਾਤਾਵਾਂ ਨੂੰ ਮਾਮਲੇ ‘ਚ ਆਪਣਾ ਜਵਾਬ ਦੇਣ ਲਈ ਕਿਹਾ ਗਿਆ ਹੈ। ਅਗਲੀ ਸੁਣਵਾਈ ਲਈ 2 ਜੂਨ ਦੀ ਤਰੀਕ ਨਿਰਧਾਰਿਤ ਕੀਤੀ ਗਈ ਹੈ।

ਮਹਿਲਾ ਰਿਜ਼ਰਵੇਸ਼ਨ ਬਿੱਲ ‘ਤੇ ਸਿਆਸੀ ਟਕਰਾਅ ,ਬਿਹਾਰ ਦੇ ਮੁੱਖ ਮੰਤਰੀ ਨੇ ਵਿਰੋਧ ‘ਤੇ ਸਾਧੇ ਨਿਸ਼ਾਨੇ

ਸੈਂਸਰ ਬੋਰਡ ਦੀ ਅਪਤੀ

Central Board of Film Certification (CBFC) ਨੇ ਫਿਲਮ ਦੇ ਕੁਝ ਸੀਨਾਂ ‘ਤੇ ਚਿੰਤਾ ਜਤਾਈ ਹੈ।ਖਾਸ ਕਰਕੇ ਫੌਜ ਅਤੇ ਸਮਾਜ ਨਾਲ ਜੁੜੇ ਦ੍ਰਿਸ਼ਾਂ ਨੂੰ ਲੈ ਕੇ ਕਿਹਾ ਗਿਆ ਹੈ ਕਿ ਇਹ ਤਣਾਅ ਪੈਦਾ ਕਰ ਸਕਦੇ ਹਨ ਜਾਂ ਗਲਤ ਸੰਦੇਸ਼ ਦੇ ਸਕਦੇ ਹਨ।ਇਸ ਕਰਕੇ ਫਿਲਮ ਨੂੰ ਸਿੱਧਾ ਸਰਟੀਫਿਕੇਟ ਨਾ ਦੇ ਕੇ ਸੋਧ ਕਮੇਟੀ ਕੋਲ ਭੇਜਿਆ ਗਿਆ ਹੈ।

ਰਿਲੀਜ਼ ਵਿੱਚ ਲਗਾਤਾਰ ਦੇਰੀ

‘ਜਨ ਨਯਾਗਨ’ ਪਹਿਲਾਂ ਪੋਂਗਲ ਮੌਕੇ ਰਿਲੀਜ਼ ਹੋਣੀ ਸੀ, ਪਰ ਲਗਾਤਾਰ ਵਿਵਾਦਾਂ ਅਤੇ ਕਾਨੂੰਨੀ ਪੇਚੀਦਗੀਆਂ ਕਾਰਨ ਇਹ ਅਜੇ ਤੱਕ ਸਿਨੇਮਾਘਰਾਂ ‘ਚ ਨਹੀਂ ਆ ਸਕੀ।

ਆਨਲਾਈਨ ਲੀਕ ਨੇ ਵਧਾਈ ਚਿੰਤਾ

ਹਾਲ ਹੀ ਵਿੱਚ ਫਿਲਮ ਹਾਈ ਡੈਫੀਨੇਸ਼ਨ ਵਿੱਚ ਆਨਲਾਈਨ ਲੀਕ ਹੋਣ ਦੀ ਖ਼ਬਰ ਵੀ ਸਾਹਮਣੇ ਆਈ ਸੀ।
ਇਸ ਘਟਨਾ ਨੇ ਫਿਲਮ ਇੰਡਸਟਰੀ ਵਿੱਚ ਚਿੰਤਾ ਵਧਾ ਦਿੱਤੀ ਹੈ ਅਤੇ ਪਾਇਰੇਸੀ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਉਠੀ ਹੈ।

ਪ੍ਰਸ਼ੰਸਕਾਂ ਦੀ ਪ੍ਰਤੀਕਿਰਿਆ

ਫਿਲਮ ਦੀਆਂ ਕਲਿੱਪਾਂ ਲੀਕ ਹੋਣ ਤੋਂ ਬਾਅਦ ਫੈਨਜ਼ ਨੇ ਸੋਸ਼ਲ ਮੀਡੀਆ ‘ਤੇ ਨਾਰਾਜ਼ਗੀ ਜਤਾਈ ਅਤੇ ਕਿਹਾ ਕਿ ਇਸ ਨਾਲ ਫਿਲਮ ਅਤੇ ਮੇਕਰਜ਼ ਨੂੰ ਵੱਡਾ ਨੁਕਸਾਨ ਹੋ ਸਕਦਾ ਹੈ।

‘ਜਨ ਨਯਾਗਨ’ ਦੀ ਰਿਲੀਜ਼ ਹੁਣ ਪੂਰੀ ਤਰ੍ਹਾਂ ਕਾਨੂੰਨੀ ਅਤੇ ਸੈਂਸਰ ਪ੍ਰਕਿਰਿਆ ‘ਤੇ ਨਿਰਭਰ ਕਰਦੀ ਹੈ। ਜਦ ਤੱਕ ਸਾਰੀਆਂ ਅਪਤੀਆਂ ਦੂਰ ਨਹੀਂ ਹੁੰਦੀਆਂ, ਫਿਲਮ ਦੇ ਰਿਲੀਜ਼ ਹੋਣ ਦੀ ਸੰਭਾਵਨਾ ਘੱਟ ਹੀ ਦਿਖ ਰਹੀ ਹੈ।

LPG ਸਿਲੰਡਰ ਲਾਲ ਹੀ ਕਿਉਂ ਹੁੰਦੇ ਹਨ? ਇਹ ਸਿਰਫ਼ ਰੰਗ ਨਹੀਂ ਸੁਰੱਖਿਆ ਦਾ ਮਹੱਤਵਪੂਰਨ ਸੰਕੇਤ