ਅਖ਼ਬਾਰ ਵਿੱਚ ਲਪੇਟਿਆ ਸਮੋਸਾ-ਪਕੌੜਾ ਬਣ ਸਕਦਾ ਹੈ ਕੈਂਸਰ ਦਾ ਕਾਰਨ, FSSAI ਨੇ ਜਾਰੀ ਕੀਤਾ ਹੈਲਥ ਅਲਰਟ

15 July 2026 ਅੱਪਡੇਟ ਕੀਤਾ ਗਿਆ

ਭਾਰਤ ਵਿੱਚ ਚਾਹ ਨਾਲ ਸਮੋਸੇ, ਕਚੌਰੀ, ਪਕੌੜੇ ਜਾਂ ਵੜਾ-ਪਾਵ ਖਾਣਾ ਲੋਕਾਂ ਦੀ ਰੋਜ਼ਾਨਾ ਜ਼ਿੰਦਗੀ ਦਾ ਹਿੱਸਾ ਬਣ ਚੁੱਕਾ ਹੈ। ਪਰ ਜੇਕਰ ਤੁਸੀਂ ਵੀ ਇਹ ਸਨੈਕਸ ਅਖ਼ਬਾਰ ਵਿੱਚ ਲਪੇਟ ਕੇ ਜਾਂ ਅਖ਼ਬਾਰ ਉੱਤੇ ਰੱਖ ਕੇ ਖਾਂਦੇ ਹੋ, ਤਾਂ ਇਹ ਆਦਤ ਤੁਹਾਡੀ ਸਿਹਤ ਲਈ ਗੰਭੀਰ ਖ਼ਤਰਾ ਬਣ ਸਕਦੀ ਹੈ। ਭਾਰਤ ਦੀ ਖਾਦ ਸੁਰੱਖਿਆ ਨਿਯੰਤਰਕ ਸੰਸਥਾ FSSAI ਨੇ ਇਸ ਸਬੰਧੀ ਸਖ਼ਤ ਚੇਤਾਵਨੀ ਜਾਰੀ ਕੀਤੀ ਹੈ।

ਮਾਹਿਰਾਂ ਮੁਤਾਬਕ ਅਖ਼ਬਾਰਾਂ ਦੀ ਛਪਾਈ ਲਈ ਵਰਤੀ ਜਾਣ ਵਾਲੀ ਸਿਆਹੀ ਵਿੱਚ ਕਈ ਖ਼ਤਰਨਾਕ ਰਸਾਇਣ, ਪਿਗਮੈਂਟ ਅਤੇ ਸੀਸਾ ਵਰਗੀਆਂ ਭਾਰੀ ਧਾਤਾਂ ਮੌਜੂਦ ਹੁੰਦੀਆਂ ਹਨ। ਜਦੋਂ ਗਰਮ ਅਤੇ ਤੇਲ ਵਾਲੀਆਂ ਖਾਣ-ਪੀਣ ਦੀਆਂ ਵਸਤੂਆਂ ਅਖ਼ਬਾਰ ਨਾਲ ਸੰਪਰਕ ਵਿੱਚ ਆਉਂਦੀਆਂ ਹਨ, ਤਾਂ ਇਹ ਜ਼ਹਿਰੀਲੇ ਤੱਤ ਖਾਣੇ ਵਿੱਚ ਮਿਲ ਜਾਂਦੇ ਹਨ। ਲੰਬੇ ਸਮੇਂ ਤੱਕ ਅਜਿਹਾ ਭੋਜਨ ਖਾਣ ਨਾਲ ਸਰੀਰ ਵਿੱਚ ਹਾਨੀਕਾਰਕ ਤੱਤ ਇਕੱਠੇ ਹੋ ਸਕਦੇ ਹਨ, ਜੋ ਕੈਂਸਰ, ਲਿਵਰ ਰੋਗਾਂ ਅਤੇ ਪਾਚਨ ਸੰਬੰਧੀ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੇ ਹਨ।

ਵਾਂਗਚੁਕ ਦੀ ਸਿਹਤ ਨੂੰ ਲੈ ਕੇ ਵਧੀ ਹਲਚਲ, ਹਾਈ ਕੋਰਟ ‘ਚ ਵੀਰਵਾਰ ਨੂੰ ਸੁਣਵਾਈ

ਇਸ ਤੋਂ ਇਲਾਵਾ, FSSAI ਨੇ ਵਾਰ-ਵਾਰ ਇੱਕੋ ਤੇਲ ਦੀ ਵਰਤੋਂ ਕਰਨ ਬਾਰੇ ਵੀ ਚਿੰਤਾ ਜਤਾਈ ਹੈ। ਬਾਰ-ਬਾਰ ਗਰਮ ਕੀਤਾ ਗਿਆ ਤੇਲ ਕੈਂਸਰ ਪੈਦਾ ਕਰਨ ਵਾਲੇ ਤੱਤਾਂ ਨੂੰ ਜਨਮ ਦਿੰਦਾ ਹੈ। ਇਹ ਨਾ ਸਿਰਫ਼ ਕੈਂਸਰ ਦਾ ਖ਼ਤਰਾ ਵਧਾਉਂਦਾ ਹੈ, ਸਗੋਂ ਦਿਲ ਦੀਆਂ ਬਿਮਾਰੀਆਂ, ਮੋਟਾਪਾ, ਉੱਚ ਰਕਤਚਾਪ ਅਤੇ ਸ਼ੂਗਰ ਵਰਗੀਆਂ ਸਮੱਸਿਆਵਾਂ ਨੂੰ ਵੀ ਸੱਦਾ ਦਿੰਦਾ ਹੈ।

FSSAI ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸਿਰਫ਼ ਸਵਾਦ ਹੀ ਨਹੀਂ, ਸਗੋਂ ਆਪਣੀ ਸਿਹਤ ਦਾ ਵੀ ਧਿਆਨ ਰੱਖਣ। ਖਾਣ-ਪੀਣ ਦੀਆਂ ਚੀਜ਼ਾਂ ਹਮੇਸ਼ਾ ਸੁਰੱਖਿਅਤ ਅਤੇ ਸਾਫ਼ ਪੈਕਿੰਗ ਵਿੱਚ ਹੀ ਖਰੀਦੋ ਅਤੇ ਅਖ਼ਬਾਰ ਵਿੱਚ ਲਪੇਟੇ ਭੋਜਨ ਤੋਂ ਪਰਹੇਜ਼ ਕਰੋ।

‘ਕੱਪੜੇ ਉਤਾਰਨਾ…ਨਿੱਜੀ ਅੰਗਾਂ ਨੂੰ ਛੂਹਣਾ… ਛਾਤੀ ਨੂੰ ਦਬਾਉਣਾ’… ਬਲਾਤਕਾਰ ਦੀ ਕੋਸ਼ਿਸ਼ ਨਹੀਂ… ਪਟਨਾ HC ਦੇ ਹੁਕਮ ‘ਤੇ ਨਾਰਾਜ਼ ਸੁਪਰੀਮ ਕੋਰਟ