ਲਾਈਫ਼ਸਟਾਈਲ ਨਿਊਜ਼ : ਦਾਲ ਭਾਰਤੀ ਖੁਰਾਕ ਦਾ ਮਹੱਤਵਪੂਰਨ ਹਿੱਸਾ ਹੈ ਅਤੇ ਪ੍ਰੋਟੀਨ ਦਾ ਵਧੀਆ ਸਰੋਤ ਵੀ ਹੈ। ਪਰ ਇਹ ਸਵਾਲ ਅਕਸਰ ਉਠਦਾ ਹੈ ਕਿ ਕੀ ਰਾਤ ਨੂੰ ਦਾਲ ਖਾਣੀ ਚਾਹੀਦੀ ਹੈ ਜਾਂ ਨਹੀਂ।
ਆਯੁਰਵੇਦ ਕੀ ਕਹਿੰਦਾ ਹੈ?
Ayurveda ਅਨੁਸਾਰ, ਰਾਤ ਦੇ ਸਮੇਂ ਹਜ਼ਮ ਕਰਨ ਦੀ ਸ਼ਕਤੀ (ਅਗਨੀ) ਦਿਨ ਦੇ ਮੁਕਾਬਲੇ ਕਮਜ਼ੋਰ ਹੁੰਦੀ ਹੈ। ਇਸ ਲਈ ਰਾਤ ਨੂੰ ਭਾਰੀ ਜਾਂ ਜ਼ਿਆਦਾ ਗੈਸ ਬਣਾਉਣ ਵਾਲਾ ਭੋਜਨ ਖਾਣ ਤੋਂ ਬਚਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।ਹਾਲਾਂਕਿ ਇਸਦਾ ਮਤਲਬ ਇਹ ਨਹੀਂ ਕਿ ਦਾਲ ਪੂਰੀ ਤਰ੍ਹਾਂ ਹਾਨੀਕਾਰਕ ਹੈ।
ਕੀ ਰਾਤ ਨੂੰ ਦਾਲ ਖਾਣੀ ਚਾਹੀਦੀ ਹੈ?
ਹਲਕੀ ਦਾਲਾਂ ਜਿਵੇਂ ਕਿ ਮੂੰਗ ਦੀ ਦਾਲ ਆਸਾਨੀ ਨਾਲ ਪਚ ਜਾਂਦੀ ਹੈ ਅਤੇ ਰਾਤ ਨੂੰ ਖਾਈ ਜਾ ਸਕਦੀ ਹੈ ।ਭਾਰੀ ਦਾਲਾਂ ਜਿਵੇਂ ਅਰਹਰ (ਤੂਰ), ਚਨਾ ਦਾਲ ਜਾਂ ਕਾਲੇ ਛੋਲੇ ਰਾਤ ਨੂੰ ਗੈਸ ਜਾਂ ਫੁੱਲਣ ਦੀ ਸਮੱਸਿਆ ਕਰ ਸਕਦੇ ਹਨ।
ਜੇ ਪਾਚਨ ਤੰਦਰੁਸਤ ਹੈ ਤਾਂ ਮਾਤਰਾ ਵਿੱਚ ਦਾਲ ਖਾਣੀ ਠੀਕ ਹੈ ।
ਰਾਤ ਨੂੰ ਦਾਲ ਖਾਣ ਦੇ ਸੰਭਾਵਿਤ ਨੁਕਸਾਨ ।
ਬਦਹਜ਼ਮੀ ਅਤੇ ਗੈਸ ।
ਪੇਟ ਫੁੱਲਣਾ।
ਕੁਝ ਲੋਕਾਂ ਵਿੱਚ ਨੀਂਦ ਪ੍ਰਭਾਵਿਤ ਹੋ ਸਕਦੀ ਹੈ।
ਜਿਨ੍ਹਾਂ ਨੂੰ ਪਹਿਲਾਂ ਹੀ ਪੇਟ ਜਾਂ ਗੁਰਦੇ ਦੀ ਸਮੱਸਿਆ ਹੈ, ਉਨ੍ਹਾਂ ਨੂੰ ਸਾਵਧਾਨ ਰਹਿਣਾ ਚਾਹੀਦਾ ਹੈ।
ਸਹੀ ਸਮਾਂ ਕਿਹੜਾ ਹੈ?
ਆਯੁਰਵੇਦ ਅਨੁਸਾਰ ਦਾਲ ਖਾਣ ਲਈ ਸਭ ਤੋਂ ਵਧੀਆ ਸਮਾਂ ਦੁਪਹਿਰ ਦਾ ਹੁੰਦਾ ਹੈ, ਕਿਉਂਕਿ ਇਸ ਸਮੇਂ ਪਾਚਨ ਸ਼ਕਤੀ ਸਭ ਤੋਂ ਵੱਧ ਹੁੰਦੀ ਹੈ।ਰਾਤ ਨੂੰ ਦਾਲ ਪੂਰੀ ਤਰ੍ਹਾਂ ਮਨਾਹੀ ਨਹੀਂ ਹੈ, ਪਰ ਹਲਕੀ ਦਾਲ ਚੁਣੋ (ਮੂੰਗ ਦਾਲ ਸਭ ਤੋਂ ਵਧੀਆ) ਮਾਤਰਾ ਘੱਟ ਰੱਖੋ।
ਤੇਲ-ਮਸਾਲੇ ਘੱਟ ਵਰਤੋ
ਸੰਤੁਲਿਤ ਤਰੀਕੇ ਨਾਲ ਖਾਈ ਗਈ ਦਾਲ ਰਾਤ ਨੂੰ ਵੀ ਸੁਰੱਖਿਅਤ ਹੋ ਸਕਦੀ ਹੈ।