Raha Kapoor Birthday: ਚਾਰ ਸਾਲ ਦੀ ਹੋਈ ਰਾਹਾ ਕਪੂਰ, ਆਲੀਆ ਭੱਟ ਨੇ ਕਾਰਟੂਨ ਥੀਮ ਵਾਲੀ ਜਨਮਦਿਨ ਪਾਰਟੀ ਦੀਆਂ ਤਸਵੀਰਾਂ ਕੀਤੀਆਂ ਸਾਂਝੀਆਂ

7 November 2026 ਅੱਪਡੇਟ ਕੀਤਾ ਗਿਆ

Raha Kapoor Birthday: ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਅਤੇ ਅਦਾਕਾਰ ਰਣਬੀਰ ਕਪੂਰ ਦੀ ਧੀ ਰਾਹਾ ਕਪੂਰ ਚਾਰ ਸਾਲ ਦੀ ਹੋ ਗਈ ਹੈ। ਇਸ ਖ਼ਾਸ ਮੌਕੇ ‘ਤੇ ਆਲੀਆ ਨੇ ਸ਼ਨੀਵਾਰ ਨੂੰ ਸੋਸ਼ਲ ਮੀਡੀਆ ਰਾਹੀਂ ਧੀ ਦੇ ਜਨਮਦਿਨ ਦੇ ਜਸ਼ਨ ਦੀਆਂ ਕੁਝ ਖੂਬਸੂਰਤ ਝਲਕੀਆਂ ਸਾਂਝੀਆਂ ਕੀਤੀਆਂ। ਇਨ੍ਹਾਂ ਤਸਵੀਰਾਂ ਵਿੱਚ ਪਰਿਵਾਰ ਦੀਆਂ ਖੁਸ਼ੀਆਂ ਅਤੇ ਜਨਮਦਿਨ ਦੀ ਰੌਣਕ ਦੇਖਣ ਨੂੰ ਮਿਲੀ।

ਆਲੀਆ ਵੱਲੋਂ ਸਾਂਝੀਆਂ ਕੀਤੀਆਂ ਤਸਵੀਰਾਂ ਵਿੱਚ ਜਨਮਦਿਨ ਦੀ ਪਾਰਟੀ ਨੂੰ ਕਾਰਟੂਨ ਥੀਮ ਨਾਲ ਸਜਾਇਆ ਗਿਆ ਸੀ। ਇੱਕ ਤਸਵੀਰ ਵਿੱਚ ਆਲੀਆ ਅਤੇ ਰਣਬੀਰ ਆਪਣੀ ਧੀ ਰਾਹਾ ਨਾਲ ਖੜ੍ਹੇ ਨਜ਼ਰ ਆ ਰਹੇ ਹਨ। ਇਸ ਤਸਵੀਰ ਦੇ ਨਾਲ ਅਦਾਕਾਰਾ ਨੇ ਪਿਆਰ ਭਰੇ ਅੰਦਾਜ਼ ਵਿੱਚ ਲਿਖਿਆ ਕਿ ਉਨ੍ਹਾਂ ਦੀ ਲਾਡਲੀ ਰਾਹਾ ਚਾਰ ਸਾਲ ਦੀ ਹੋ ਗਈ ਹੈ।

ਇੱਕ ਹੋਰ ਤਸਵੀਰ ਵਿੱਚ ਰਾਹਾ ਗ੍ਰੇ ਚੈਕ ਵਾਲੇ ਪਹਿਰਾਵੇ ਅਤੇ ਫੁੱਲਾਂ ਵਾਲੀ ਸਕਰਟ ਵਿੱਚ ਲਾਅਨ ‘ਤੇ ਨੰਗੇ ਪੈਰ ਘੁੰਮਦੀ ਦਿਖਾਈ ਦਿੱਤੀ। ਉਸ ਦੇ ਵਾਲਾਂ ਨੂੰ ਛੋਟੀਆਂ-ਛੋਟੀਆਂ ਲਟਾਂ ਵਿੱਚ ਸਜਾਇਆ ਗਿਆ ਸੀ, ਜਿਨ੍ਹਾਂ ਵਿੱਚ ਰੰਗ-ਬਿਰੰਗੀਆਂ ਕਲਿੱਪਾਂ ਲੱਗੀਆਂ ਹੋਈਆਂ ਸਨ। ਆਲੀਆ ਨੇ ਇਸ ਤਸਵੀਰ ਨੂੰ ਆਪਣੀ ਪਿਆਰੀ ਯੂਨੀਕੌਰਨ ਨਾਲ ਜੋੜਦਿਆਂ ਖਾਸ ਕੈਪਸ਼ਨ ਦਿੱਤਾ।

ਆਲੀਆ ਨੇ ਧੀ ਨਾਲ ਬਿਤਾਏ ਕੁਝ ਹੋਰ ਪਿਆਰੇ ਪਲ ਵੀ ਪ੍ਰਸ਼ੰਸਕਾਂ ਨਾਲ ਸਾਂਝੇ ਕੀਤੇ। ਇੱਕ ਤਸਵੀਰ ਵਿੱਚ ਉਹ ਰਾਹਾ ਦੇ ਗੱਲ੍ਹ ‘ਤੇ ਚੁੰਮਦੀ ਨਜ਼ਰ ਆਈ। ਇਸ ਤੋਂ ਇਲਾਵਾ ਰਾਹਾ ਦੀ ਰੇਨਬੋ ਥੀਮ ਵਾਲੀ ਸ਼ੀਟ ‘ਤੇ ਰੰਗ ਭਰਨ ਦੀ ਤਸਵੀਰ ਅਤੇ ਕਾਰਟੂਨ ਕਿਰਦਾਰਾਂ ਨਾਲ ਸਜਾਏ ਜਨਮਦਿਨ ਦੇ ਕੇਕ ਦੀ ਝਲਕ ਵੀ ਦੇਖਣ ਨੂੰ ਮਿਲੀ। ਕੇਕ ਦੀ ਤਸਵੀਰ ਨਾਲ ਆਲੀਆ ਨੇ ‘ਬਲੇਸਡ’ ਲਿਖ ਕੇ ਆਪਣੀ ਖੁਸ਼ੀ ਜ਼ਾਹਰ ਕੀਤੀ।

ਦੱਸਣਯੋਗ ਹੈ ਕਿ ਆਲੀਆ ਭੱਟ ਅਤੇ ਰਣਬੀਰ ਕਪੂਰ ਨੇ 14 ਅਪ੍ਰੈਲ 2022 ਨੂੰ ਮੁੰਬਈ ਸਥਿਤ ਆਪਣੇ ਘਰ ਵਿੱਚ ਨਿੱਜੀ ਸਮਾਰੋਹ ਦੌਰਾਨ ਵਿਆਹ ਕਰਵਾਇਆ ਸੀ। ਇਹ ਵਿਆਹ ਪੰਜਾਬੀ ਰੀਤੀ-ਰਿਵਾਜਾਂ ਮੁਤਾਬਕ ਹੋਇਆ ਸੀ। ਇਸ ਤੋਂ ਬਾਅਦ ਜੂਨ 2022 ਵਿੱਚ ਜੋੜੇ ਨੇ ਮਾਪੇ ਬਣਨ ਦੀ ਖੁਸ਼ਖਬਰੀ ਸਾਂਝੀ ਕੀਤੀ ਸੀ ਅਤੇ 6 ਨਵੰਬਰ 2022 ਨੂੰ ਉਨ੍ਹਾਂ ਦੇ ਘਰ ਧੀ ਰਾਹਾ ਦਾ ਜਨਮ ਹੋਇਆ।

ਸ਼ੁਰੂਆਤੀ ਦੌਰ ਵਿੱਚ ਆਲੀਆ ਅਤੇ ਰਣਬੀਰ ਨੇ ਰਾਹਾ ਨੂੰ ਮੀਡੀਆ ਅਤੇ ਪੈਪਰਾਜ਼ੀ ਦੀਆਂ ਨਜ਼ਰਾਂ ਤੋਂ ਦੂਰ ਰੱਖਿਆ ਸੀ। ਹਾਲਾਂਕਿ, ਕ੍ਰਿਸਮਸ 2023 ਦੇ ਮੌਕੇ ‘ਤੇ ਉਨ੍ਹਾਂ ਨੇ ਪਹਿਲੀ ਵਾਰ ਧੀ ਦਾ ਚਿਹਰਾ ਪ੍ਰਸ਼ੰਸਕਾਂ ਅਤੇ ਮੀਡੀਆ ਸਾਹਮਣੇ ਪੇਸ਼ ਕੀਤਾ। ਇਸ ਤੋਂ ਕੁਝ ਸਮੇਂ ਬਾਅਦ ਜੋੜੇ ਨੇ ਮੁੜ ਰਾਹਾ ਦੀ ਨਿੱਜਤਾ ਦਾ ਧਿਆਨ ਰੱਖਦੇ ਹੋਏ ਉਸ ਨੂੰ ਜਨਤਕ ਨਜ਼ਰਾਂ ਤੋਂ ਦੂਰ ਰੱਖਣਾ ਸ਼ੁਰੂ ਕਰ ਦਿੱਤਾ।