ਨਵੀਂ ਦਿਲੀ: ਭਾਰਤੀ ਸੜਕਾਂ ‘ਤੇ ਲਗਭਗ ਦਸ ਸਾਲ ਤੱਕ ਪਰਿਵਾਰਕ ਕਾਰ ਵਜੋਂ ਲੋਕਾਂ ਦੀ ਪਸੰਦ ਰਹੀ ਟੋਇਟਾ, ਇਨੋਵਾ, ਕ੍ਰਿਸਟਾ, ਹੁਣ ਆਪਣੇ ਅੰਤਿਮ ਪੜਾਅ ਵੱਲ ਵਧ ਰਹੀ ਹੈ। ਮਿਲ ਰਹੀ ਜਾਣਕਾਰੀ ਅਨੁਸਾਰ ਟੋਇਟਾ ਕੰਪਨੀ ਮਾਰਚ 2027 ਤੱਕ ਇਨੋਵਾ ਕ੍ਰਿਸਟਾ ਡੀਜ਼ਲ ਮਾਡਲ ਨੂੰ ਭਾਰਤੀ ਬਾਜ਼ਾਰ ਤੋਂ ਹਟਾ ਸਕਦੀ ਹੈ।
ਇਸ ਫੈਸਲੇ ਦੇ ਪਿੱਛੇ ਸਭ ਤੋਂ ਵੱਡਾ ਕਾਰਨ ਆਉਣ ਵਾਲੇ ਸਖ਼ਤ CAFE 3 ਨਿਯਮ ਹਨ। ਇਹ ਨਿਯਮ ਵਾਹਨ ਨਿਰਮਾਤਾ ਕੰਪਨੀਆਂ ਨੂੰ ਆਪਣੇ ਪੂਰੇ ਪੋਰਟਫੋਲੀਓ ਦਾ ਔਸਤ ਕਾਰਬਨ ਨਿਕਾਸ ਘੱਟ ਰੱਖਣ ਲਈ ਬਾਧਿਤ ਕਰਦੇ ਹਨ। ਇਨੋਵਾ ਕ੍ਰਿਸਟਾ ਇੱਕ ਭਾਰੀ ਡੀਜ਼ਲ ਕਾਰ ਹੈ ਜਿਸ ਦਾ ਭਾਰ ਵੱਧ ਹੋਣ ਕਾਰਨ ਇਸ ਤੋਂ ਨਿਕਲਣ ਵਾਲਾ CO2 ਵੀ ਵੱਧ ਹੁੰਦਾ ਹੈ। ਇਸ ਕਾਰਨ ਕੰਪਨੀ ਲਈ ਨਵੇਂ ਨਿਯਮਾਂ ਦੀ ਪਾਲਣਾ ਕਰਨਾ ਮੁਸ਼ਕਲ ਬਣਦਾ ਜਾ ਰਿਹਾ ਹੈ।
ਪਟਿਆਲਾ ਨਗਰ ਨਿਗਮ ਦਾ ਵੱਡਾ ਫੈਸਲਾ — ਅੱਜ ਤੋਂ ਡੇਅਰੀਆਂ ਦੇ ਪਾਣੀ ਤੇ ਸੀਵਰੇਜ ਕੁਨੈਕਸ਼ਨ ਕੱਟੇ ਜਾਣਗੇ
ਸੂਤਰਾਂ ਮੁਤਾਬਕ ਟੋਇਟਾ ਹੁਣ ਆਪਣੇ ਸਟ੍ਰੌਂਗ ਹਾਈਬ੍ਰਿਡ ਮਾਡਲਾਂ ‘ਤੇ ਧਿਆਨ ਕੇਂਦਰਿਤ ਕਰ ਰਹੀ ਹੈ। CAFE ਨਿਯਮਾਂ ਵਿੱਚ ਹਾਈਬ੍ਰਿਡ ਕਾਰਾਂ ਨੂੰ ਵਿਸ਼ੇਸ਼ ਕ੍ਰੈਡਿਟ ਮਿਲਦਾ ਹੈ ਜਿੱਥੇ ਇੱਕ ਹਾਈਬ੍ਰਿਡ ਕਾਰ ਨੂੰ ਦੋ ਵਾਹਨਾਂ ਦੇ ਬਰਾਬਰ ਗਿਣਿਆ ਜਾਂਦਾ ਹੈ। ਇਸ ਨਾਲ ਕੰਪਨੀ ਲਈ ਨਿਕਾਸ ਦੇ ਟੀਚੇ ਪੂਰੇ ਕਰਨਾ ਆਸਾਨ ਹੋ ਜਾਂਦਾ ਹੈ। ਇਸੇ ਕਾਰਨ ਇਨੋਵਾ ਹਾਈਕ੍ਰਾਸ ਕੰਪਨੀ ਲਈ ਵਧੇਰੇ ਲਾਭਦਾਇਕ ਸਾਬਤ ਹੋ ਰਹੀ ਹੈ।
ਇਨੋਵਾ ਕ੍ਰਿਸਟਾ ਨੂੰ ਭਾਰਤ ਵਿੱਚ ਪਹਿਲੀ ਵਾਰ ਮਈ 2016 ਵਿੱਚ ਲਾਂਚ ਕੀਤਾ ਗਿਆ ਸੀ। ਇਸਦੀ ਮੌਜੂਦਾ ਕੀਮਤ 18.66 ਲੱਖ ਤੋਂ 25.27 ਲੱਖ ਰੁਪਏ ਦੇ ਵਿਚਕਾਰ ਹੈ। ਪਹਿਲਾਂ ਯੋਜਨਾ ਸੀ ਕਿ ਇਸਨੂੰ 2025 ਤੱਕ ਬੰਦ ਕਰ ਦਿੱਤਾ ਜਾਵੇ ਪਰ ਗਾਹਕਾਂ ਦੀ ਲਗਾਤਾਰ ਮੰਗ ਅਤੇ ਹਾਈਕ੍ਰਾਸ ਦੀ ਘੱਟ ਉਪਲਬਧਤਾ ਕਾਰਨ ਇਸਦਾ ਉਤਪਾਦਨ ਵਧਾ ਦਿੱਤਾ ਗਿਆ।
ਛੁੱਟੀਆਂ ਮਨਾਉਣ ਆਏ ਬੱਚੇ ਦੀ ਪਤੰਗ ਉਡਾਉਂਦੇ ਸਮੇਂ ਅਚਾਨਕ ਮੌਤ
ਇਸ ਖ਼ਬਰ ਤੋਂ ਬਾਅਦ ਟੋਇਟਾ ਫਾਰਚੂਨਰ ਦੇ ਡੀਜ਼ਲ ਮਾਡਲ ਨੂੰ ਲੈ ਕੇ ਵੀ ਚਰਚਾ ਸ਼ੁਰੂ ਹੋ ਗਈ ਹੈ। ਹਾਲਾਂਕਿ ਅਜੇ ਇਹ ਸਪੱਸ਼ਟ ਨਹੀਂ ਕਿ ਫਾਰਚੂਨਰ ਨੂੰ ਬੰਦ ਕੀਤਾ ਜਾਵੇਗਾ ਜਾਂ ਨਹੀਂ ਪਰ ਟੋਇਟਾ ਲੈਂਡ ਕਰੂਜ਼ਰ FJ ਵਿੱਚ ਡੀਜ਼ਲ ਇੰਜਣ ਦਾ ਵਿਕਲਪ ਨਾ ਹੋਣਾ ਇਹ ਦਰਸਾਉਂਦਾ ਹੈ ਕਿ ਕੰਪਨੀ ਹੌਲੀ ਹੌਲੀ ਡੀਜ਼ਲ ਮਾਡਲਾਂ ਤੋਂ ਦੂਰੀ ਬਣਾਉਣ ਦੀ ਰਣਨੀਤੀ ‘ਤੇ ਕੰਮ ਕਰ ਰਹੀ ਹੈ।
