ਫਰੀਦਕੋਟ ਵਿੱਚ ਲੇਡੀ ASI ਦੀ ਹੈਵਾਨੀਅਤ: ਗਰਮੀ ਵਿੱਚ ਪੋਤੀ ਦੇ ਹੱਥ-ਪੈਰ ਗੇਟ ਨਾਲ ਬੰਨ੍ਹਣ ਵਾਲੀ ASI ਦੀ ਵੀਡੀਓ ਵਾਇਰਲ

6 months ਪਹਿਲਾ

Faridkot ਦੇ ਡੋਗਰ ਬਸਤੀ ਇਲਾਕੇ ਵਿੱਚ ਇੱਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿਸ ਵਿੱਚ ਇੱਕ 5 ਸਾਲਾ ਬੱਚੀ ਨੂੰ ਤੇਜ਼ ਗਰਮੀ ਵਿੱਚ ਗੇਟ ਨਾਲ ਬੰਨ੍ਹ ਕੇ ਰੱਖਣ ਦਾ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਕਾਰਵਾਈ ਕੀਤੀ ਗਈ ਹੈ।

ਲੇਡੀ ASI ਮੁਅੱਤਲ
ਸੋਸ਼ਲ ਮੀਡੀਆ ‘ਤੇ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਵਿਭਾਗ ਨੇ ਤੁਰੰਤ ਐਕਸ਼ਨ ਲੈਂਦਿਆਂ ਮਹਿਲਾ ਸਹਾਇਕ ਸਬ-ਇੰਸਪੈਕਟਰ (ASI) ਸਰਬਜੀਤ ਕੌਰ ਨੂੰ ਮੁਅੱਤਲ ਕਰ ਦਿੱਤਾ ਹੈ।

ਬੱਚੀ ਨਾਲ ਕਿਵੇਂ ਹੋਈ ਬੇਰਹਿਮੀ?
ਮਿਲੀ ਜਾਣਕਾਰੀ ਮੁਤਾਬਕ ਬੱਚੀ ਦੇ ਹੱਥ-ਪੈਰ ਬੰਨ੍ਹ ਕੇ ਗੇਟ ਨਾਲ ਰੱਖਿਆ ਗਿਆ ।ਉਸਨੂੰ ਕਈ ਘੰਟੇ ਧੁੱਪ ਵਿੱਚ ਛੱਡਿਆ ਗਿਆ ।ਗੁਆਂਢੀਆਂ ਨੇ ਰੋਂਦੀ ਹੋਈ ਬੱਚੀ ਨੂੰ ਵੇਖ ਕੇ ਦਖਲ ਦਿੱਤਾ ।ਬੱਚੀ ਦੇ ਮਾਪੇ ਇਸ ਸਮੇਂ ਵਿਦੇਸ਼ (ਪੁਰਤਗਾਲ) ਵਿੱਚ ਰਹਿੰਦੇ ਹਨ ਅਤੇ ਬੱਚੀ ਆਪਣੀ ਦਾਦੀ ਕੋਲ ਰਹਿ ਰਹੀ ਸੀ।

ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਕਾਰਵਾਈ
ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਫੈਲਣ ਤੋਂ ਬਾਅਦ ਪੁਲਿਸ ਉੱਚ ਅਧਿਕਾਰੀਆਂ ਨੇ ਮਾਮਲੇ ਦਾ ਗੰਭੀਰ ਨੋਟਿਸ ਲਿਆ ਅਤੇ ਤੁਰੰਤ ਮੁਅੱਤਲੀ ਦੇ ਹੁਕਮ ਜਾਰੀ ਕੀਤੇ। Pragya Jain ਨੇ ਇਸ ਘਟਨਾ ਨੂੰ ਗੰਭੀਰ ਕਰਾਰ ਦਿੰਦਿਆਂ ਤੁਰੰਤ ਜਾਂਚ ਦੇ ਆਦੇਸ਼ ਦਿੱਤੇ ਹਨ।

ਜਾਂਚ ਅਤੇ ਕਾਨੂੰਨੀ ਕਾਰਵਾਈ
ਡੀਐਸਪੀ ਤਰਲੋਚਨ ਸਿੰਘ ਅਨੁਸਾਰ ਮੁੱਢਲੀ ਜਾਂਚ ਜਾਰੀ ਹੈ । ਮਾਮਲਾ ਬਾਲ ਭਲਾਈ ਕਮੇਟੀ ਨੂੰ ਭੇਜਿਆ ਗਿਆ ਹੈ । ਸੁਤੰਤਰ ਜਾਂਚ ਵੀ ਸ਼ੁਰੂ ਕਰ ਦਿੱਤੀ ਗਈ ਹੈ।

ਸਖ਼ਤ ਨਿੰਦਾ
ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਬੱਚੇ ਨਾਲ ਇਸ ਤਰ੍ਹਾਂ ਦਾ ਵਰਤਾਵ ਬਿਲਕੁਲ ਅਸਵੀਕਾਰਯੋਗ ਹੈ ਅਤੇ ਦੋਸ਼ੀਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ।