ਇੰਡੋਨੇਸ਼ੀਆ ‘ਚ ਲਗਾਤਾਰ ਦੂਜੇ ਦਿਨ ਲੱਗੇ ਭੂਚਾਲ ਦੇ ਝਟਕੇ ; ਬਾਂਦਾ ਸਾਗਰ ਤੋਂ ਬਾਅਦ ਜਾਵਾ ‘ਚ ਮਾਪੀ 6.2 ਤੀਬਰਤਾ

4 weeks ਪਹਿਲਾ

Earthquake Alert : ਸ਼ਨੀਵਾਰ ਨੂੰ ਇੰਡੋਨੇਸ਼ੀਆ ਦੇ ਜਾਵਾ ਟਾਪੂ ‘ਤੇ ਭੂਚਾਲ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ। ਜਰਮਨ ਰਿਸਰਚ ਸੈਂਟਰ ਫਾਰ ਜੀਓਸਾਇੰਸਿਜ਼ (GFZ) ਅਨੁਸਾਰ, ਇਹ ਭੂਚਾਲ 376 ਕਿਲੋਮੀਟਰ ਦੀ ਡੂੰਘਾਈ ‘ਤੇ ਆਇਆ। ਇਸ ਭੂਚਾਲ ਕਾਰਨ ਕਿਸੇ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਤੁਰੰਤ ਕੋਈ ਖਬਰ ਨਹੀਂ ਮਿਲੀ ਹੈ। ਸਥਾਨਕ ਅਧਿਕਾਰੀ ਅਤੇ ਏਜੰਸੀਆਂ ਸਥਿਤੀ ‘ਤੇ ਨਜ਼ਰ ਰੱਖ ਰਹੀਆਂ ਹਨ। ਇਸ ਤੋਂ ਪਹਿਲਾਂ, ਸ਼ੁੱਕਰਵਾਰ ਨੂੰ ਬਾਂਦਾ ਸਾਗਰ ਵਿੱਚ ਵੀ 6.2 ਤੀਬਰਤਾ ਦਾ ਭੂਚਾਲ ਆਇਆ ਸੀ।

🇮🇩 A magnitude 6.6 just hit off Java, Indonesia, deep enough that the ground usually shrugs it off.

It struck about 115 km from Teluknaga in Banten, roughly 359 km underground.

Jakarta is close enough that people can feel a light shake, but a quake that far down rarely wrecks…

— Mario Nawfal (@MarioNawfal) September 11, 2026

ਜਰਮਨ ਰਿਸਰਚ ਸੈਂਟਰ ਫਾਰ ਜੀਓਸਾਇੰਸਿਜ਼ (GFZ) ਅਨੁਸਾਰ, ਸ਼ਨੀਵਾਰ ਨੂੰ ਇੰਡੋਨੇਸ਼ੀਆ ਦੇ ਜਾਵਾ ਟਾਪੂ ‘ਤੇ 6.2 ਤੀਬਰਤਾ ਦਾ ਜ਼ਬਰਦਸਤ ਭੂਚਾਲ ਦਰਜ ਕੀਤਾ ਗਿਆ। ਇਸ ਭੂਚਾਲ ਦਾ ਕੇਂਦਰ ਧਰਤੀ ਦੀ ਸਤ੍ਹਾ ਤੋਂ 376 ਕਿਲੋਮੀਟਰ (234 ਮੀਲ) ਦੀ ਕਾਫ਼ੀ ਡੂੰਘਾਈ ‘ਤੇ ਸੀ, ਜਿਸ ਕਾਰਨ ਇਸਨੂੰ ‘ਡੀਪ-ਫੋਕਸ’ (ਬਹੁਤ ਡੂੰਘਾਈ ਵਾਲਾ) ਭੂਚਾਲ ਮੰਨਿਆ ਗਿਆ ਹੈ।

ਜਾਵਾ ਵਿੱਚ ਸ਼ਨੀਵਾਰ ਨੂੰ ਇਹ ਝਟਕੇ ਉਸ ਸਮੇਂ ਮਹਿਸੂਸ ਕੀਤੇ ਗਏ ਜਦੋਂ ਇਸ ਤੋਂ ਸਿਰਫ਼ ਇੱਕ ਦਿਨ ਪਹਿਲਾਂ, ਸ਼ੁੱਕਰਵਾਰ ਨੂੰ ਇੰਡੋਨੇਸ਼ੀਆ ਦੇ ਮਾਲੁਕੂ ਟਾਪੂਆਂ ਨੇੜੇ ਬਾਂਦਾ ਸਾਗਰ ਵਿੱਚ 6.2 ਤੀਬਰਤਾ ਦਾ ਭੂਚਾਲ ਆਇਆ ਸੀ। ਇੱਕ ਇੰਡੋਨੇਸ਼ੀਆਈ ਏਜੰਸੀ ਨੇ ਪੁਸ਼ਟੀ ਕੀਤੀ ਕਿ ਸ਼ੁੱਕਰਵਾਰ ਦਾ ਭੂਚਾਲ 143 ਕਿਲੋਮੀਟਰ (89 ਮੀਲ) ਦੀ ਡੂੰਘਾਈ ‘ਤੇ ਆਇਆ ਸੀ। ਏਜੰਸੀ ਨੇ ਸਪੱਸ਼ਟ ਕੀਤਾ ਕਿ ਸੁਨਾਮੀ ਦਾ ਕੋਈ ਖਤਰਾ ਨਹੀਂ ਸੀ ਅਤੇ ਬਾਂਦਾ ਸਾਗਰ ਭੂਚਾਲ ਕਾਰਨ ਕਿਸੇ ਨੁਕਸਾਨ ਦੀ ਤੁਰੰਤ ਕੋਈ ਖਬਰ ਨਹੀਂ ਮਿਲੀ।