Asian Wrestling Championship ‘ਚ ਭਾਰਤ ਦਾ ਦਬਦਬਾ, 4 ਸੋਨ ਸਮੇਤ 20 ਤਮਗੇ ਜਿੱਤੇ

9 July 2026 ਅੱਪਡੇਟ ਕੀਤਾ ਗਿਆ

ਨਵੀਂ ਦਿੱਲੀ: ਅੰਡਰ-20 ਏਸ਼ੀਆਈ ਕੁਸ਼ਤੀ ਚੈਂਪੀਅਨਸ਼ਿਪ ਵਿੱਚ ਭਾਰਤੀ ਪਹਿਲਵਾਨਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਕੁੱਲ 20 ਤਮਗੇ ਆਪਣੇ ਨਾਮ ਕੀਤੇ। ਭਾਰਤ ਦੀ ਝੋਲੀ ਵਿੱਚ 4 ਸੋਨੇ, 7 ਚਾਂਦੀ ਅਤੇ 9 ਕਾਂਸੀ ਦੇ ਤਮਗੇ ਆਏ। ਇਸ ਸ਼ਾਨਦਾਰ ਪ੍ਰਦਰਸ਼ਨ ਦੇ ਦਮ ‘ਤੇ ਭਾਰਤ ਨੇ ਮਹਿਲਾ ਕੁਸ਼ਤੀ ਅਤੇ ਪੁਰਸ਼ ਫ੍ਰੀਸਟਾਈਲ ਦੀ ਟੀਮ ਰੈਂਕਿੰਗ ਵਿੱਚ ਵੀ ਟਾਪ-3 ਵਿੱਚ ਜਗ੍ਹਾ ਬਣਾਈ।

ਮਹਿਲਾ ਟੀਮ ਰਹੀ ਉਪ ਜੇਤੂ

ਮਹਿਲਾ ਕੁਸ਼ਤੀ ਵਿੱਚ ਭਾਰਤੀ ਟੀਮ ਨੇ 184 ਅੰਕਾਂ ਨਾਲ ਦੂਜਾ ਸਥਾਨ ਹਾਸਲ ਕੀਤਾ। ਚੀਨ 189 ਅੰਕਾਂ ਨਾਲ ਚੈਂਪੀਅਨ ਰਿਹਾ, ਜਦਕਿ ਜਾਪਾਨ 142 ਅੰਕਾਂ ਨਾਲ ਤੀਜੇ ਸਥਾਨ ‘ਤੇ ਰਿਹਾ।

ਉੱਥੇ ਹੀ ਪੁਰਸ਼ ਫ੍ਰੀਸਟਾਈਲ ਵਿੱਚ ਭਾਰਤ ਨੇ 152 ਅੰਕਾਂ ਨਾਲ ਤੀਜਾ ਸਥਾਨ ਹਾਸਲ ਕੀਤਾ। ਇਸ ਵਰਗ ਵਿੱਚ ਕਜ਼ਾਕਿਸਤਾਨ 170 ਅੰਕਾਂ ਨਾਲ ਪਹਿਲੇ ਅਤੇ ਈਰਾਨ 164 ਅੰਕਾਂ ਨਾਲ ਦੂਜੇ ਸਥਾਨ ‘ਤੇ ਰਿਹਾ।

Breaking: ਕੇਜਰੀਵਾਲ ਦੇ ਪੁਰਾਣੇ ਸਰਕਾਰੀ ਨਿਵਾਸ ਨੂੰ ਮਿਲ ਸਕਦੀ ਹੈ ਨਵੀਂ ਭੂਮਿਕਾ, ਗੈਸਟ ਹਾਊਸ ਬਣਾਉਣ ਦਾ ਪ੍ਰਸਤਾਵ

ਮਹਿਲਾ ਪਹਿਲਵਾਨਾਂ ਨੇ ਜਿੱਤੇ ਤਿੰਨ ਸੋਨੇ

ਮਹਿਲਾ ਵਰਗ ਵਿੱਚ ਪ੍ਰਵੀਨ (50 ਕਿਲੋ), ਮੁਸਕਾਨ (53 ਕਿਲੋ) ਅਤੇ ਕਾਜਲ (76 ਕਿਲੋ) ਨੇ ਸੋਨ ਤਮਗੇ ਜਿੱਤ ਕੇ ਭਾਰਤ ਦਾ ਮਾਣ ਵਧਾਇਆ।

ਇਸ ਤੋਂ ਇਲਾਵਾ ਮਾਨਿਆ ਰਾਜਪੂਤ (57 ਕਿਲੋ), ਸਵਿਤਾ (62 ਕਿਲੋ) ਅਤੇ ਮਨੀਸ਼ਾ (72 ਕਿਲੋ) ਨੇ ਫਾਈਨਲ ਵਿੱਚ ਚੀਨ ਦੀਆਂ ਪਹਿਲਵਾਨਾਂ ਤੋਂ ਹਾਰਨ ਮਗਰੋਂ ਚਾਂਦੀ ਦੇ ਤਮਗੇ ਜਿੱਤੇ।

ਕਾਂਸੀ ਦੇ ਤਮਗੇ ਕਾਜਲ (55 ਕਿਲੋ), ਕੋਮਲ (59 ਕਿਲੋ) ਅਤੇ ਮਾਨਸੀ ਲਾਥਰ (65 ਕਿਲੋ) ਦੇ ਹਿੱਸੇ ਆਏ।

Hardeep Singh Nijjar case: ਅਮਰੀਕਾ ਦੇ ਚਾਰਜਸ਼ੀਟ ‘ਚ ਲਾਰੈਂਸ ਬਿਸ਼ਨੋਈ ਤੇ ਗੋਲਡੀ ਬਰਾੜ ਦਾ ਪੱਕਾ ਨਾਮ ਦਰਜ

ਸੁਮਿਤ ਨੇ ਪੁਰਸ਼ ਫ੍ਰੀਸਟਾਈਲ ਵਿੱਚ ਦਿਵਾਇਆ ਇਕਲੌਤਾ ਸੋਨਾ

ਪੁਰਸ਼ ਫ੍ਰੀਸਟਾਈਲ ਵਿੱਚ ਸੁਮਿਤ ਕੁਮਾਰ ਲਕਸ਼ਮਣ ਭਾਰਾਸਕਰ ਨੇ 70 ਕਿਲੋ ਭਾਰ ਵਰਗ ਵਿੱਚ ਭਾਰਤ ਲਈ ਇਕਲੌਤਾ ਸੋਨ ਤਮਗਾ ਜਿੱਤਿਆ। ਫਾਈਨਲ ਵਿੱਚ ਉਸ ਨੇ ਕਜ਼ਾਕਿਸਤਾਨ ਦੇ ਸੁੰਗਕਰ ਸੇਦਾਖਮੇਟ ਨੂੰ 13-7 ਨਾਲ ਹਰਾ ਕੇ ਖਿਤਾਬ ਆਪਣੇ ਨਾਮ ਕੀਤਾ।

ਇਸੇ ਵਰਗ ਵਿੱਚ ਪੁਸ਼ਪ (61 ਕਿਲੋ), ਸੌਰਭ ਯਾਦਵ (79 ਕਿਲੋ) ਅਤੇ ਰੌਣਕ (125 ਕਿਲੋ) ਨੇ ਚਾਂਦੀ ਦੇ ਤਮਗੇ ਜਿੱਤੇ।

ਜਦਕਿ ਰੋਹਿਤ (57 ਕਿਲੋ), ਆਦਰਸ਼ ਯੁਵਰਾਜ ਪਾਟਿਲ (74 ਕਿਲੋ) ਅਤੇ ਲੱਕੀ (97 ਕਿਲੋ) ਨੇ ਕਾਂਸੀ ਦੇ ਤਮਗੇ ਆਪਣੇ ਨਾਮ ਕੀਤੇ।

ਗ੍ਰੀਕੋ-ਰੋਮਨ ਵਿੱਚ ਵੀ ਮਿਲੀ ਸਫਲਤਾ

ਗ੍ਰੀਕੋ-ਰੋਮਨ ਵਰਗ ਵਿੱਚ ਅਕਸ਼ੈ ਰਾਣਾ ਨੇ 97 ਕਿਲੋ ਭਾਰ ਵਰਗ ਵਿੱਚ ਚਾਂਦੀ ਦਾ ਤਮਗਾ ਜਿੱਤਿਆ।

ਉੱਥੇ ਹੀ ਨੀਰਜ ਪਟੇਲ (55 ਕਿਲੋ), ਅਨੁਜ (67 ਕਿਲੋ) ਅਤੇ ਧੀਰਜ ਕੁਮਾਰ ਮਲਿਕ ਨੇ ਆਪਣੇ-ਆਪਣੇ ਵਰਗਾਂ ਵਿੱਚ ਕਾਂਸੀ ਦੇ ਤਮਗੇ ਜਿੱਤ ਕੇ ਭਾਰਤ ਦੇ ਕੁੱਲ ਤਮਗਿਆਂ ਦੀ ਗਿਣਤੀ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ।

ਭਾਰਤੀ ਪਹਿਲਵਾਨਾਂ ਦੇ ਇਸ ਸ਼ਾਨਦਾਰ ਪ੍ਰਦਰਸ਼ਨ ਨੇ ਇੱਕ ਵਾਰ ਫਿਰ ਸਾਬਤ ਕੀਤਾ ਹੈ ਕਿ ਦੇਸ਼ ਦੀ ਨੌਜਵਾਨ ਕੁਸ਼ਤੀ ਪ੍ਰਤਿਭਾ ਅੰਤਰਰਾਸ਼ਟਰੀ ਪੱਧਰ ‘ਤੇ ਲਗਾਤਾਰ ਆਪਣੀ ਮਜ਼ਬੂਤ ਮੌਜੂਦਗੀ ਦਰਜ ਕਰਵਾ ਰਹੀ ਹੈ।

india-wins-asian-wrestling