100 ਮਿਲੀਗ੍ਰਾਮ ਤੋਂ ਵੱਧ ਮਾਤਰਾ ਵਾਲੀ Nimesulide ਹੁਣ ਪੂਰੀ ਤਰ੍ਹਾਂ ਬੰਦ….

9 months ਪਹਿਲਾ

ਨਵੀਂ ਦਿਲੀ: ਭਾਰਤ ਸਰਕਾਰ ਨੇ ਦਰਦ ਅਤੇ ਬੁਖਾਰ ਵਿੱਚ ਵਰਤੀ ਜਾਣ ਵਾਲੀ ਦਵਾ ਨਿਮੇਸੁਲਾਈਡ ਦੇ ਉਤਪਾਦਨ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਇਸਦੇ ਨਾਲ ਹੀ ਉਹਨਾਂ ਨਿਮੇਸੁਲਾਈਡ ਗੋਲੀਆਂ ਜਿਨ੍ਹਾਂ ਵਿੱਚ 100 ਮਿਲੀਗ੍ਰਾਮ ਤੋਂ ਵੱਧ ਮਾਤਰਾ ਹੈ, ਉਹਨਾਂ ਦੀ ਵਿਕਰੀ ਅਤੇ ਵੰਡ ਨੂੰ ਵੀ ਪੂਰੀ ਤਰ੍ਹਾਂ ਰੋਕ ਦਿੱਤਾ ਗਿਆ ਹੈ। ਇਹ ਫ਼ੈਸਲਾ ਸਿਹਤ ਅਤੇ ਪਰਿਵਾਰ ਕਲਿਆਣ ਮੰਤਰਾਲੇ ਵੱਲੋਂ 29 ਦਸੰਬਰ 2025 ਨੂੰ ਜਾਰੀ ਕੀਤੀ ਗਈ ਅਧਿਕਾਰਕ ਸੂਚਨਾ ਰਾਹੀਂ ਲਿਆ ਗਿਆ।

ਲਾਲ ਕਿਲੇ ਧਮਾਕੇ ਵਿੱਚ ਵਰਤੇ ਪਦਾਰਥ ਦੀ ਵੱਡੀ ਕਾਰਵਾਈ – 150 ਕਿਲੋ ਧਮਾਕੇਖੇਜ਼ ਬਰਾਮਦ

ਸਰਕਾਰ ਨੇ ਸਪਸ਼ਟ ਕੀਤਾ ਹੈ ਕਿ 100 ਮਿਲੀਗ੍ਰਾਮ ਤੋਂ ਵੱਧ ਮਾਤਰਾ ਵਾਲੀ ਨਿਮੇਸੁਲਾਈਡ ਮਨੁੱਖੀ ਸਿਹਤ ਲਈ ਹਾਨੀਕਾਰਕ ਹੋ ਸਕਦੀ ਹੈ। ਵਿਸ਼ੇਸ਼ਗਿਆਨਾਂ ਦੀ ਰਾਏ ਹੈ ਕਿ ਇਸ ਨਾਲ ਸਰੀਰ ‘ਤੇ ਗੰਭੀਰ ਪ੍ਰਭਾਵ ਪੈਣ ਦਾ ਖਤਰਾ ਰਹਿੰਦਾ ਹੈ। ਇਸ ਕਾਰਨ ਸਰਕਾਰ ਨੇ ਇਹ ਪਾਬੰਦੀ ਦਵਾਈਆਂ ਅਤੇ ਪ੍ਰਸਾਧਨ ਸਮੱਗਰੀ ਐਕਟ 1940 ਦੀ ਧਾਰਾ 26A ਦੇ ਤਹਿਤ ਲਗਾਈ ਹੈ। ਇਹ ਫ਼ੈਸਲਾ ਡਰੱਗਸ ਟੈਕਨੀਕਲ ਐਡਵਾਈਜ਼ਰੀ ਬੋਰਡ ਨਾਲ ਸਲਾਹ–ਮਸ਼ਵਰਾ ਕਰਨ ਤੋਂ ਬਾਅਦ ਲਿਆ ਗਿਆ।

ਮੰਤਰਾਲੇ ਨੇ ਇਹ ਵੀ ਦੱਸਿਆ ਹੈ ਕਿ ਬਾਜ਼ਾਰ ਵਿੱਚ ਨਿਮੇਸੁਲਾਈਡ ਦੇ ਸੁਰੱਖਿਅਤ ਵਿਕਲਪ ਪਹਿਲਾਂ ਹੀ ਉਪਲਬਧ ਹਨ ਇਸ ਲਈ ਇਸ ਦਵਾ ‘ਤੇ ਰੋਕ ਲਗਾਉਣਾ ਜ਼ਰੂਰੀ ਸਮਝਿਆ ਗਿਆ। ਸਰਕਾਰ ਨੇ ਕਿਹਾ ਹੈ ਕਿ ਇਹ ਪਾਬੰਦੀ ਤੁਰੰਤ ਪ੍ਰਭਾਵ ਨਾਲ ਲਾਗੂ ਹੋ ਗਈ ਹੈ ਅਤੇ ਹੁਣ ਦੇਸ਼ ਵਿੱਚ 100 ਮਿਲੀਗ੍ਰਾਮ ਤੋਂ ਵੱਧ ਮਾਤਰਾ ਵਾਲੀ ਨਿਮੇਸੁਲਾਈਡ ਦੀਆਂ ਔਰਲ ਦਵਾਈਆਂ ਦਾ ਉਤਪਾਦਨ ਵਿਕਰੀ ਅਤੇ ਵੰਡ ਪੂਰੀ ਤਰ੍ਹਾਂ ਰੋਕ ਦਿੱਤੀ ਜਾਵੇਗੀ।

2026 ਦੀ ਸ਼ੁਰੂਆਤ ‘ਤੇ ਪੂਰੇ ਪੰਜਾਬ ਭਰ ‘ਚ ਬਦਲਿਆ ਮੌਸਮ, ਦੇਖੋ ਮੌਕੇ ਦੀਆ ਤਸਵੀਰਾਂ

ਇਸ ਤੋਂ ਪਹਿਲਾਂ ਸਰਕਾਰ ਨੇ ਦਵਾਈਆਂ ਅਤੇ ਪ੍ਰਸਾਧਨ ਸਮੱਗਰੀ ਨਿਯਮ 1945 ਵਿੱਚ ਸੋਧ ਦਾ ਮਸੌਦਾ ਜਾਰੀ ਕਰਕੇ ਲੋਕਾਂ ਤੋਂ ਸੁਝਾਅ ਅਤੇ ਆਪਤੀਆਂ ਮੰਗੀਆਂ ਸਨ। ਨਿਰਧਾਰਿਤ ਸਮੇਂ ਵਿੱਚ ਮਿਲੇ ਸੁਝਾਆਂ ‘ਤੇ ਵਿਚਾਰ ਕਰਨ ਤੋਂ ਬਾਅਦ ਇਹ ਅੰਤਿਮ ਫ਼ੈਸਲਾ ਲਿਆ ਗਿਆ। ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਕਦਮ ਜਨਹਿਤ ਵਿੱਚ ਚੁੱਕਿਆ ਗਿਆ ਹੈ ਤਾਂ ਜੋ ਲੋਕਾਂ ਦੀ ਸਿਹਤ ਨੂੰ ਸੁਰੱਖਿਅਤ ਰੱਖਿਆ ਜਾ ਸਕੇ ਅਤੇ ਦਵਾਈਆਂ ਦੇ ਗਲਤ ਜਾਂ ਖਤਰਨਾਕ ਇਸਤੇਮਾਲ ਨਾਲ ਹੋਣ ਵਾਲੇ ਨੁਕਸਾਨ ਨੂੰ ਰੋਕਿਆ ਜਾ ਸਕੇ।