AC ਚੱਲਦਾ ਹੋਵੇ ਫੁੱਲ, ਫਿਰ ਵੀ ਚਾਦਰ ਕਿਉਂ? ਨੀਂਦ ਦੇ ਪਿੱਛੇ ਲੁਕੇ 3 ਵੱਡੇ ਕਾਰਣ

4 months ਪਹਿਲਾ

LIFESTYLE DESK : ਗਰਮੀਆਂ ਦਾ ਮੌਸਮ ਹੋਵੇ, ਤਾਪਮਾਨ 40 ਡਿਗਰੀ ਤੋਂ ਪਾਰ ਚੱਲ ਰਿਹਾ ਹੋਵੇ ਅਤੇ ਕਮਰੇ ਵਿੱਚ ਪੱਖਾ ਜਾਂ AC ਪੂਰੀ ਰਫ਼ਤਾਰ ਨਾਲ ਚੱਲ ਰਿਹਾ ਹੋਵੇ ਫਿਰ ਵੀ ਕੁਝ ਲੋਕਾਂ ਨੂੰ ਉਦੋਂ ਤੱਕ ਨੀਂਦ ਨਹੀਂ ਆਉਂਦੀ ਜਦੋਂ ਤੱਕ ਉਹ ਆਪਣੇ ਸਰੀਰ ‘ਤੇ ਇੱਕ ਪਤਲੀ ਚਾਦਰ ਨਾ ਲੈ ਲੈਣ। ਇਹ ਸਿਰਫ਼ ਇੱਕ ਆਦਤ ਨਹੀਂ, ਸਗੋਂ ਇਸਦੇ ਪਿੱਛੇ ਡੂੰਘੇ ਮਨੋਵਿਗਿਆਨਕ ਅਤੇ ਵਿਗਿਆਨਕ ਕਾਰਨ ਹਨ। ਮਾਹਿਰਾਂ ਦੇ ਮੁਤਾਬਕ, ਇਹ ਨੀਂਦ ਦੀ ਗੁਣਵੱਤਾ ਨਾਲ ਸਿੱਧੇ ਤੌਰ ‘ਤੇ ਜੁੜਿਆ ਹੋਇਆ ਹੈ।

ਮਾਨਸਿਕ ਸੁਰੱਖਿਆ ਅਤੇ ਸਕੂਨ

ਚਾਦਰ ਓੜਨ ਨਾਲ ਸਰੀਰ ‘ਤੇ ਪੈਣ ਵਾਲਾ ਹਲਕਾ ਦਬਾਅ ਦਿਮਾਗ ਨੂੰ ਸ਼ਾਂਤ ਕਰਨ ਵਿੱਚ ਮਦਦ ਕਰਦਾ ਹੈ। ਇਹ ਬਿਲਕੁਲ ਉਸੇ ਤਰ੍ਹਾਂ ਹੈ ਜਿਵੇਂ ਕਿਸੇ ਦੇ ਗਲੇ ਲੱਗਣ ਨਾਲ ਸੁਰੱਖਿਆ ਦਾ ਅਹਿਸਾਸ ਹੁੰਦਾ ਹੈ। ਇਸਨੂੰ ਇੱਕ “ਕੰਫਰਟ ਆਬਜੈਕਟ” ਵਜੋਂ ਵੀ ਦੇਖਿਆ ਜਾਂਦਾ ਹੈ, ਜੋ ਤਣਾਅ ਅਤੇ ਘਬਰਾਹਟ ਨੂੰ ਘੱਟ ਕਰਦਾ ਹੈ। ਇਸ ਲਈ ਬਿਨਾਂ ਚਾਦਰ ਦੇ ਕਈ ਲੋਕ ਬੇਚੈਨੀ ਮਹਿਸੂਸ ਕਰਦੇ ਹਨ।

READ ALSO : ਹਿਮਾਚਲ ਦਾ ਵੱਡਾ ਫੈਸਲਾ: ਕੈਬਨਿਟ ਰੈਂਕ ਖਤਮ, ਤਨਖਾਹਾਂ ‘ਚ 20% ਕਟੌਤੀ

ਬਚਪਨ ਦੀ ਆਦਤ ਬਣ ਜਾਂਦੀ ਹੈ ਸਲੀਪ ਸਿਗਨਲ

ਜੇਕਰ ਕਿਸੇ ਵਿਅਕਤੀ ਨੂੰ ਬਚਪਨ ਤੋਂ ਚਾਦਰ ਓੜ ਕੇ ਸੌਣ ਦੀ ਆਦਤ ਹੋਵੇ, ਤਾਂ ਇਹ ਉਸਦੇ ਦਿਮਾਗ ਲਈ ਇੱਕ “ਸਲੀਪ ਸਿਗਨਲ” ਬਣ ਜਾਂਦੀ ਹੈ। ਜਿਵੇਂ ਹੀ ਉਹ ਚਾਦਰ ਲੈਂਦਾ ਹੈ, ਦਿਮਾਗ ਨੂੰ ਸੰਕੇਤ ਮਿਲਦਾ ਹੈ ਕਿ ਹੁਣ ਸੌਣ ਦਾ ਸਮਾਂ ਹੋ ਗਿਆ ਹੈ। ਇਸ ਕਰਕੇ ਗਰਮੀਆਂ ਵਿੱਚ ਵੀ ਇੱਕ ਪਤਲੀ ਚਾਦਰ ਨੀਂਦ ਲਈ ਮਦਦਗਾਰ ਸਾਬਤ ਹੁੰਦੀ ਹੈ।

ਤਾਪਮਾਨ ਦਾ ਸੰਤੁਲਨ

ਹੈਰਾਨੀ ਦੀ ਗੱਲ ਹੈ ਕਿ ਚਾਦਰ ਗਰਮੀ ਵਧਾਉਂਦੀ ਨਹੀਂ, ਸਗੋਂ ਸਰੀਰ ਦੇ ਤਾਪਮਾਨ ਨੂੰ ਸੰਤੁਲਿਤ ਰੱਖਣ ਵਿੱਚ ਮਦਦ ਕਰਦੀ ਹੈ। ਇਹ ਪਸੀਨਾ ਸੋਖਦੀ ਹੈ ਅਤੇ ਪੱਖੇ ਜਾਂ AC ਦੀ ਸਿੱਧੀ ਹਵਾ ਤੋਂ ਸਰੀਰ ਨੂੰ ਬਚਾਉਂਦੀ ਹੈ, ਜਿਸ ਨਾਲ ਅਚਾਨਕ ਠੰਡ ਲੱਗਣ ਤੋਂ ਬਚਾਵ ਹੁੰਦਾ ਹੈ।

ਕੁੱਲ ਮਿਲਾ ਕੇ, ਚਾਦਰ ਸਿਰਫ਼ ਠੰਢ ਤੋਂ ਬਚਾਅ ਲਈ ਨਹੀਂ, ਸਗੋਂ ਮਨ ਦੀ ਸ਼ਾਂਤੀ, ਆਦਤ ਅਤੇ ਬਿਹਤਰ ਨੀਂਦ ਲਈ ਵੀ ਬਹੁਤ ਮਹੱਤਵਪੂਰਨ ਹੈ। ਇਸ ਲਈ ਜੇਕਰ ਤੁਸੀਂ ਵੀ ਗਰਮੀ ਵਿੱਚ ਚਾਦਰ ਲੈ ਕੇ ਸੌਂਦੇ ਹੋ, ਤਾਂ ਇਹ ਬਿਲਕੁਲ ਆਮ ਗੱਲ ਹੈ ਇਹ ਤੁਹਾਡੇ ਸਰੀਰ ਅਤੇ ਦਿਮਾਗ ਦੀ ਕੁਦਰਤੀ ਲੋੜ ਹੋ ਸਕਦੀ ਹੈ।