Delhi-NCR Weather : ਘਰੋਂ ਨਿਕਲਣ ਤੋਂ ਪਹਿਲਾਂ ਸਾਵਧਾਨ ! ਜਾਣੋ ਆਪਣੇ ਸ਼ਹਿਰ ਦਾ ਹਾਲ, AQI 370 ਤੋਂ ਹੋਇਆ ਪਾਰ

10 months ਪਹਿਲਾ

ਨਵੀਂ ਦਿੱਲੀ : ਦਿੱਲੀ-ਐਨਸੀਆਰ (Delhi-NCR) ਅਤੇ ਉੱਤਰੀ ਭਾਰਤ ਦੇ ਕਈ ਸ਼ਹਿਰਾਂ ਵਿੱਚ ਹਵਾ ਦੀ ਗੁਣਵੱਤਾ (Air Quality) ਇੱਕ ਵਾਰ ਫਿਰ ਬੇਹੱਦ ਖਰਾਬ ਪੱਧਰ ‘ਤੇ ਪਹੁੰਚ ਗਈ ਹੈ। ਸੋਮਵਾਰ ਸਵੇਰੇ ਜਾਰੀ ਅੰਕੜਿਆਂ ਨੇ ਲੋਕਾਂ ਦੀ ਚਿੰਤਾ ਵਧਾ ਦਿੱਤੀ ਹੈ, ਕਿਉਂਕਿ ਰਾਜਧਾਨੀ ਦਿੱਲੀ ਦਾ ਏਅਰ ਕੁਆਲਿਟੀ ਇੰਡੈਕਸ (AQI) 370 ਦਰਜ ਕੀਤਾ ਗਿਆ ਹੈ, ਜੋ ‘ਗੰਭੀਰ’ ਸ਼੍ਰੇਣੀ ਵਿੱਚ ਆਉਂਦਾ ਹੈ। ਪ੍ਰਦੂਸ਼ਣ ਦਾ ਇਹ ਪੱਧਰ ਨਾ ਸਿਰਫ਼ ਆਮ ਲੋਕਾਂ ਲਈ ਪਰੇਸ਼ਾਨੀ ਦਾ ਸਬੱਬ ਬਣਿਆ ਹੋਇਆ ਹੈ, ਸਗੋਂ ਐਨਸੀਆਰ ਦੇ ਹੋਰ ਸ਼ਹਿਰਾਂ ਵਿੱਚ ਹਾਲਾਤ ਹੋਰ ਵੀ ਬਦਤਰ ਹੋ ਗਏ ਹਨ, ਜਿੱਥੇ AQI 400 ਤੋਂ ਪਾਰ ਚਲਾ ਗਿਆ ਹੈ।

Punjab Bus Strike : ਯਾਤਰੀਆਂ ਲਈ ਵੱਡੀ ਖਬਰ, ਹੜਤਾਲ ਖ਼ਤਮ ਹੋਣ ਬਾਰੇ 7 ਘੰਟੇ ਮੀਟਿੰਗ ‘ਚ ਕੀ ਬਣੀ ਸਹਿਮਤੀ, ਜਾਣੋ

ਗ੍ਰੇਟਰ ਨੋਇਡਾ ਦੀ ਹਵਾ ਸਭ ਤੋਂ ਜ਼ਹਿਰੀਲੀ

ਤਾਜ਼ਾ ਰਿਪੋਰਟ ਮੁਤਾਬਕ, ਐਨਸੀਆਰ ਦੇ ਸ਼ਹਿਰਾਂ ਵਿੱਚ ਸਥਿਤੀ ਬੇਹੱਦ ਚਿੰਤਾਜਨਕ ਹੈ। ਗ੍ਰੇਟਰ ਨੋਇਡਾ (Greater Noida) ਵਿੱਚ ਸਭ ਤੋਂ ਵੱਧ 407 ਏਕਿਊਆਈ ਦਰਜ ਕੀਤਾ ਗਿਆ, ਜੋ ‘ਖ਼ਤਰਨਾਕ’ ਮੰਨਿਆ ਜਾਂਦਾ ਹੈ। ਇਸ ਤੋਂ ਇਲਾਵਾ, ਨੋਇਡਾ (Noida) ਵਿੱਚ 397 ਤੇ ਗਾਜ਼ੀਆਬਾਦ (Ghaziabad) ਵਿੱਚ 395 ਏਕਿਊਆਈ ਰਿਹਾ। ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ (Lucknow) ਵਿੱਚ ਵੀ ਹਵਾ ਦੀ ਗੁਣਵੱਤਾ ਖਰਾਬ ਹੈ, ਜਿੱਥੇ ਏਕਿਊਆਈ 346 ਰਿਕਾਰਡ ਕੀਤਾ ਗਿਆ।

Weather Forecast : ਸੀਤ ਲਹਿਰ ਦਾ ‘ਯੈਲੋ ਅਲਰਟ’ ਜਾਰੀ, ਸ਼ਿਮਲਾ ਤੋਂ ਵੀ ਹੇਠਾਂ ਦਰਜ ਕੀਤਾ ਕਈ ਜ਼ਿਲ੍ਹਿਆਂ ਦਾ ਤਾਪਮਾਨ

ਮੁੰਬਈ ਅਤੇ ਚੰਡੀਗੜ੍ਹ ਦਾ ਵੀ ਬੁਰਾ ਹਾਲ

ਪ੍ਰਦੂਸ਼ਣ ਦੀ ਮਾਰ ਸਿਰਫ਼ ਦਿੱਲੀ ਤੱਕ ਸੀਮਤ ਨਹੀਂ ਹੈ। ਚੰਡੀਗੜ੍ਹ (Chandigarh) ਵਿੱਚ ਏਕਿਊਆਈ 298 ਅਤੇ ਮੁੰਬਈ (Mumbai) ਵਿੱਚ 303 ਦਰਜ ਕੀਤਾ ਗਿਆ, ਜੋ ‘ਖਰਾਬ’ (Poor) ਸ਼੍ਰੇਣੀ ਵਿੱਚ ਆਉਂਦੇ ਹਨ। ਹਾਲਾਂਕਿ, ਉੱਤਰਾਖੰਡ (Uttarakhand) ਦੀ ਰਾਜਧਾਨੀ ਦੇਹਰਾਦੂਨ (Dehradun) ਵਿੱਚ ਸਥਿਤੀ ਥੋੜ੍ਹੀ ਬਿਹਤਰ ਹੈ, ਪਰ ਉੱਥੇ ਵੀ 165 ਏਕਿਊਆਈ ਦੇ ਨਾਲ ਹਵਾ ‘ਦਰਮਿਆਨੀ’ (Moderate) ਸ਼੍ਰੇਣੀ ਵਿੱਚ ਬਣੀ ਹੋਈ ਹੈ।

CAQM ਦੀ ਰਿਪੋਰਟ ‘ਚ ਦਾਅਵਾ: ਸੁਧਰੇ ਹਨ ਹਾਲਾਤ

ਦਿਲਚਸਪ ਗੱਲ ਇਹ ਹੈ ਕਿ ਹਵਾ ਗੁਣਵੱਤਾ ਪ੍ਰਬੰਧਨ ਕਮਿਸ਼ਨ (CAQM) ਦੀ ਤਾਜ਼ਾ ਮੁਲਾਂਕਣ ਰਿਪੋਰਟ ਕੁਝ ਹੋਰ ਹੀ ਕਹਾਣੀ ਬਿਆਨ ਕਰਦੀ ਹੈ। ਰਿਪੋਰਟ ਅਨੁਸਾਰ, ਇਸ ਸਾਲ ਜਨਵਰੀ ਤੋਂ ਨਵੰਬਰ ਦੀ ਮਿਆਦ ਵਿੱਚ ਦਿੱਲੀ ਦਾ ਔਸਤ ਏਕਿਊਆਈ 187 ਦਰਜ ਕੀਤਾ ਗਿਆ ਹੈ, ਜੋ ਪਿਛਲੇ ਸਾਲਾਂ ਦੇ ਮੁਕਾਬਲੇ ਬਿਹਤਰ ਹੈ।

ਅੰਕੜਿਆਂ ਮੁਤਾਬਕ, ਇਸੇ ਮਿਆਦ ਵਿੱਚ 2024 ਵਿੱਚ ਇਹ 201, 2023 ਵਿੱਚ 190 ਅਤੇ 2022 ਵਿੱਚ 199 ਸੀ। ਕਮਿਸ਼ਨ ਦਾ ਮੰਨਣਾ ਹੈ ਕਿ ਲੰਬੇ ਸਮੇਂ ਵਿੱਚ ਪ੍ਰਦੂਸ਼ਣ ਦੇ ਪੱਧਰ ਵਿੱਚ ਸੁਧਾਰ ਆਇਆ ਹੈ।

ਸਿਹਤ ‘ਤੇ ਖ਼ਤਰਾ, ਵਰਤੋ ਸਾਵਧਾਨੀ

ਮੌਜੂਦਾ ਹਾਲਾਤ ਨੂੰ ਦੇਖਦੇ ਹੋਏ ਸਿਹਤ ਮਾਹਿਰਾਂ ਨੇ ਚਿਤਾਵਨੀ ਜਾਰੀ ਕੀਤੀ ਹੈ। ਇਸ ਪੱਧਰ ਦੀ ਪ੍ਰਦੂਸ਼ਿਤ ਹਵਾ ਨਾਲ ਸਾਹ ਸਬੰਧੀ ਬਿਮਾਰੀਆਂ (Respiratory Diseases) ਦਾ ਖ਼ਤਰਾ ਕਾਫੀ ਵਧ ਜਾਂਦਾ ਹੈ। ਖਾਸ ਤੌਰ ‘ਤੇ ਬੱਚਿਆਂ, ਬਜ਼ੁਰਗਾਂ ਤੇ ਦਮੇ (Asthma) ਦੇ ਮਰੀਜ਼ਾਂ ਨੂੰ ਘਰੋਂ ਬਾਹਰ ਨਿਕਲਦੇ ਸਮੇਂ ਖਾਸ ਸਾਵਧਾਨੀ ਵਰਤਣ, ਮਾਸਕ (Mask) ਪਹਿਨਣ ਅਤੇ ਸਵੇਰੇ-ਸ਼ਾਮ ਦੀ ਸੈਰ ਤੋਂ ਬਚਣ ਦੀ ਸਲਾਹ ਦਿੱਤੀ ਗਈ ਹੈ।