ਬੱਚਿਆਂ ਦੀ ਪਰਵਰਿਸ਼ ਦਾ ਨਵਾਂ ਚੈਲੈਂਜ ਪੈਸੇ ਦੀ ਕੀਮਤ ਸਿਖਾਉਣਾ ਬਣਿਆ ਜ਼ਰੂਰੀ… ਹੋ ਜਾਉ Alert…

9 months ਪਹਿਲਾ

ਪੰਜਾਬ ਡੈਕਸ: ਅੱਜ ਦੇ ਸਮੇਂ ਵਿੱਚ ਬੱਚਿਆਂ ਦੀ ਪਰਵਰਿਸ਼ ਕਰਨਾ ਬਹੁਤ ਮੁਸ਼ਕਲ ਕੰਮ ਬਣ ਗਿਆ ਹੈ। ਬੱਚਿਆਂ ਦਾ ਭਵਿੱਖ ਉਹਨਾਂ ਦੀਆਂ ਬਚਪਨ ਵਿੱਚ ਬਣੀਆਂ ਆਦਤਾਂ ‘ਤੇ ਨਿਰਭਰ ਕਰਦਾ ਹੈ। ਜੇਕਰ ਕੋਈ ਗਲਤ ਆਦਤ ਸ਼ੁਰੂ ਤੋਂ ਹੀ ਬਣ ਜਾਂਦੀ ਹੈ ਤਾਂ ਉਹ ਸਮੇਂ ਦੇ ਨਾਲ ਹੋਰ ਵਧਦੀ ਹੈ। ਇਸੇ ਲਈ ਬਜ਼ੁਰਗ ਹਮੇਸ਼ਾ ਸਲਾਹ ਦਿੰਦੇ ਹਨ ਕਿ ਬੱਚਿਆਂ ਨੂੰ ਚੰਗੀਆਂ ਆਦਤਾਂ ਦੇ ਨਾਲ ਪੈਸੇ ਦੀ ਮਹੱਤਤਾ ਬਾਰੇ ਵੀ ਸਿਖਾਇਆ ਜਾਵੇ। ਅੱਜਕੱਲ੍ਹ ਮਾਪੇ ਬੱਚਿਆਂ ਦੀਆਂ ਹਰ ਮੰਗਾਂ ਪੂਰੀਆਂ ਕਰਦੇ ਹਨ ਅਤੇ ਪੈਸੇ ਦੀ ਕੀਮਤ ਨੂੰ ਅਣਦੇਖਾ ਕਰਦੇ ਹਨ। ਪਰ ਇਹ ਜ਼ਰੂਰੀ ਹੈ ਕਿ ਬੱਚਿਆਂ ਨੂੰ ਪੰਜ ਸਾਲ ਦੀ ਉਮਰ ਤੋਂ ਹੀ ਪੈਸੇ ਦੀ ਮਹੱਤਤਾ ਬਾਰੇ ਜਾਣੂ ਕਰਵਾਇਆ ਜਾਵੇ ਤਾਂ ਜੋ ਉਹ ਭਵਿੱਖ ਵਿੱਚ ਆਰਥਿਕ ਤੌਰ ‘ਤੇ ਮਜ਼ਬੂਤ ਹੋ ਸਕਣ।

ਤ੍ਰਿਸ਼ੂਰ ਰੇਲਵੇ ਸਟੇਸ਼ਨ ‘ਤੇ ਭਿਆਨਕ ਅੱਗ 200 ਤੋਂ ਵੱਧ ਵਾਹਨ ਸੜ ਕੇ ਖਾਕ

ਮਾਪਿਆਂ ਨੂੰ ਚਾਹੀਦਾ ਹੈ ਕਿ ਬੱਚਿਆਂ ਨੂੰ ਆਮਦਨ ਦਾ ਮਤਲਬ ਸਮਝਾਇਆ ਜਾਵੇ। ਜਦੋਂ ਬੱਚੇ ਬੇਲੋੜੀਆਂ ਚੀਜ਼ਾਂ ਦੀ ਮੰਗ ਕਰਨ ਤਾਂ ਉਨ੍ਹਾਂ ਨੂੰ ਦੱਸਿਆ ਜਾਵੇ ਕਿ ਪੈਸਾ ਕਿਵੇਂ ਕਮਾਇਆ ਜਾਂਦਾ ਹੈ ਅਤੇ ਇਸ ਦੀ ਕੀਮਤ ਕੀ ਹੈ। ਜਿਵੇਂ ਜਿਵੇਂ ਬੱਚੇ ਵੱਡੇ ਹੁੰਦੇ ਹਨ ਉਨ੍ਹਾਂ ਦੀ ਜੇਬ ਖਰਚ ਨੂੰ ਠੀਕ ਕੀਤਾ ਜਾਵੇ ਅਤੇ ਪੈਸੇ ਦੀ ਵਰਤੋਂ ਬਾਰੇ ਸਿਖਾਇਆ ਜਾਵੇ।

ਬੱਚਿਆਂ ਨੂੰ ਪੈਸੇ ਬਚਾਉਣ ਦੀ ਆਦਤ ਪਾਉਣ ਲਈ ਪਾਕੇਟ ਮਨੀ ਦੇਣ ਦੇ ਨਾਲ ਇੱਕ ਛੋਟਾ ਪਿਗੀ ਬੈਂਕ ਵੀ ਦਿੱਤਾ ਜਾ ਸਕਦਾ ਹੈ। ਇਸ ਨਾਲ ਉਹਨਾਂ ਵਿੱਚ ਬਚਪਨ ਤੋਂ ਹੀ ਪੈਸੇ ਇਕੱਠੇ ਕਰਨ ਦੀ ਆਦਤ ਬਣੇਗੀ ਅਤੇ ਉਹ ਇਸ ਦੀ ਮਹੱਤਤਾ ਨੂੰ ਸਮਝਣਗੇ।

ਇਸ ਤੋਂ ਇਲਾਵਾ ਬੱਚਿਆਂ ਨੂੰ ਪੈਸੇ ਖਰਚਣ ਦਾ ਸਹੀ ਤਰੀਕਾ ਵੀ ਸਿਖਾਉਣਾ ਜ਼ਰੂਰੀ ਹੈ। ਉਨ੍ਹਾਂ ਨੂੰ ਸਮਝਾਇਆ ਜਾਵੇ ਕਿ ਕਿਹੜੀਆਂ ਚੀਜ਼ਾਂ ਲੋੜੀਂਦੀਆਂ ਹਨ ਅਤੇ ਕਿਹੜੀਆਂ ਸਿਰਫ਼ ਸ਼ੌਕ ਲਈ ਹਨ। ਇਸ ਨਾਲ ਉਹ ਹੌਲੀ ਹੌਲੀ ਲੋੜ ਅਤੇ ਆਰਾਮ ਦੇ ਵਿਚਕਾਰ ਫਰਕ ਸਮਝਣ ਲੱਗਣਗੇ।

ਕੌਣ ਹੈ ਟੀਨਾ ਰਿਝਵਾਨੀ ਜੋ ਬਣੇਗੀ ਖਾਨ ਪਰਿਵਾਰ ਦੀ ਨਵੀਂ ਬਹੁ

ਮਾਪਿਆਂ ਨੂੰ ਚਾਹੀਦਾ ਹੈ ਕਿ ਖਰੀਦਦਾਰੀ ਦੇ ਸਮੇਂ ਬੱਚਿਆਂ ਨੂੰ ਆਪਣੇ ਨਾਲ ਲੈ ਕੇ ਜਾਣ ਅਤੇ ਉਨ੍ਹਾਂ ਨੂੰ ਦਿਖਾਉਣਾ ਕਿ ਪੈਸਾ ਕਿਵੇਂ ਜ਼ਰੂਰਤ ਦੇ ਹਿਸਾਬ ਨਾਲ ਖਰਚਿਆ ਜਾਂਦਾ ਹੈ। ਜੇਕਰ ਬੱਚੇ ਫਜ਼ੂਲ ਖਰਚ ਕਰਨ ਦੀ ਕੋਸ਼ਿਸ਼ ਕਰਨ ਤਾਂ ਉਨ੍ਹਾਂ ਨੂੰ ਰੋਕਿਆ ਜਾਵੇ।

ਜਦੋਂ ਬੱਚੇ ਵੱਡੇ ਹੋਣ ਤਾਂ ਮਾਪਿਆਂ ਨੂੰ ਉਨ੍ਹਾਂ ਨੂੰ ਨਿਵੇਸ਼ ਦੇ ਵਿਕਲਪਾਂ ਬਾਰੇ ਵੀ ਜਾਣੂ ਕਰਵਾਉਣਾ ਚਾਹੀਦਾ ਹੈ। ਭਾਰਤ ਵਿੱਚ ਸੋਨੇ ਦੇ ਗਹਿਣੇ ਖਰੀਦਣਾ ਸਿਰਫ਼ ਸ਼ੌਕ ਨਹੀਂ ਸਗੋਂ ਨਿਵੇਸ਼ ਦਾ ਇੱਕ ਵਧੀਆ ਤਰੀਕਾ ਹੈ। ਇਸੇ ਤਰ੍ਹਾਂ ਮਿਉਚੁਅਲ ਫੰਡਾਂ ਵਿੱਚ SIP ਲੰਬੇ ਸਮੇਂ ਲਈ ਸ਼ਾਨਦਾਰ ਰਿਟਰਨ ਦੇ ਸਕਦਾ ਹੈ। HDFC ਫਲੈਕਸੀ ਕੈਪ ਫੰਡ ਅਤੇ ਫ੍ਰੈਂਕਲਿਨ ਫਲੈਕਸੀ ਕੈਪ ਫੰਡ ਵਰਗੇ ਉਦਾਹਰਣਾਂ ਵਿੱਚ ਨਿਵੇਸ਼ਕਾਂ ਨੂੰ 18 ਪ੍ਰਤੀਸ਼ਤ ਤੱਕ ਰਿਟਰਨ ਮਿਲਿਆ ਹੈ। ਇਸ ਤੋਂ ਇਲਾਵਾ ਰੀਅਲ ਅਸਟੇਟ ਵਿੱਚ ਨਿਵੇਸ਼ ਕਰਨਾ ਵੀ ਬੱਚਿਆਂ ਦੇ ਭਵਿੱਖ ਲਈ ਲਾਭਦਾਇਕ ਹੋ ਸਕਦਾ ਹੈ ਕਿਉਂਕਿ ਜਾਇਦਾਦ ਦੀ ਕੀਮਤ ਆਮ ਤੌਰ ‘ਤੇ ਵਧਦੀ ਹੈ।

ਇਸ ਤਰ੍ਹਾਂ ਬੱਚਿਆਂ ਨੂੰ ਛੋਟੀ ਉਮਰ ਤੋਂ ਹੀ ਪੈਸੇ ਦੀ ਕੀਮਤ ਅਤੇ ਨਿਵੇਸ਼ ਦੀ ਮਹੱਤਤਾ ਬਾਰੇ ਸਿਖਾਉਣਾ ਉਹਨਾਂ ਨੂੰ ਭਵਿੱਖ ਵਿੱਚ ਆਰਥਿਕ ਤੌਰ ‘ਤੇ ਸੁਰੱਖਿਅਤ ਅਤੇ ਮਜ਼ਬੂਤ ਬਣਾਉਣ ਵਿੱਚ ਮਦਦਗਾਰ ਹੋਵੇਗਾ।