ਕਾਹਲੋਂ ਦਾ ਵੱਡਾ ਬਿਆਨ: ਸਮਝੌਤਾ ਘਟਾਏਗਾ ਟੈਰਿਫ ਦਾ ਝਟਕਾ

21 November 2025 ਅੱਪਡੇਟ ਕੀਤਾ ਗਿਆ

ਅੰਤਰਰਾਸ਼ਟਰੀ ਡੈਸਕ: ਕੈਨੇਡਾ ਦੇ ਸਾਰੇ ਸੂਬਿਆਂ ਵੱਲੋਂ ਅੰਤਰਰਾਜੀ ਵਪਾਰ ਸਮਝੌਤੇ ‘ਤੇ ਸਹਿਮਤੀ ਦੇਣ ਤੋਂ ਬਾਅਦ ਵਿਕਟੋਰੀਆ ਵਿੱਚ ਹੋਈ ਮੀਟਿੰਗ ਦੌਰਾਨ ਇਸ ਸਮਝੌਤੇ ਨੂੰ ਅਧਿਕਾਰਕ ਤੌਰ ‘ਤੇ ਸਹੀਬੰਦ ਕਰ ਦਿੱਤਾ ਗਿਆ। ਇਹ ਸਮਝੌਤਾ ਦੇਸ਼ ਦੇ ਵਪਾਰਕ ਢਾਂਚੇ ਵਿੱਚ ਇਕ ਵੱਡਾ ਬਦਲਾਅ ਲਿਆਉਣ ਵਾਲਾ ਕਦਮ ਮੰਨਿਆ ਜਾ ਰਿਹਾ ਹੈ। ਬ੍ਰਿਟਿਸ਼ ਕੋਲੰਬੀਆ ਦੇ ਰੁਜ਼ਗਾਰ ਅਤੇ ਆਰਥਿਕ ਵਾਧੇ ਬਾਰੇ ਮੰਤਰੀ ਰਵੀ ਕਾਹਲੋਂ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਇਸ ਸਮਝੌਤੇ ਨਾਲ ਅਮਰੀਕੀ ਟੈਰਿਫ ਕਾਰਨ ਉਤਪਾਦਨ ਅਤੇ ਵਪਾਰਕ ਸਰਗਰਮੀਆਂ ਵਿੱਚ ਆਈ ਮੰਦੀ ਨੂੰ ਕਾਫੀ ਹੱਦ ਤੱਕ ਘਟਾਇਆ ਜਾ ਸਕੇਗਾ।

ਉਨ੍ਹਾਂ ਕਿਹਾ ਕਿ ਹੁਣ ਉਤਪਾਦਕਾਂ ਨੂੰ ਆਪਣੇ ਉਤਪਾਦਾਂ ਦੀ ਵਿਕਰੀ ਲਈ ਵਿਦੇਸ਼ਾਂ ਵੱਲ ਨਾ ਤੱਕਣਾ ਪਵੇਗਾ ਸਗੋਂ ਉਹ ਆਪਣੇ ਹੀ ਦੇਸ਼ ਦੇ ਵੱਖ ਵੱਖ ਖੇਤਰਾਂ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਵੱਲ ਧਿਆਨ ਕੇਂਦਰਤ ਕਰ ਸਕਣਗੇ। ਇਹ ਸਮਝੌਤਾ ਉਤਪਾਦਕਾਂ ਲਈ ਨਵੇਂ ਮੌਕੇ ਖੋਲ੍ਹੇਗਾ ਅਤੇ ਉਨ੍ਹਾਂ ਨੂੰ ਵਧੇਰੇ ਆਜ਼ਾਦੀ ਦੇਵੇਗਾ। ਮੰਤਰੀ ਨੇ ਇਹ ਵੀ ਦੱਸਿਆ ਕਿ ਇਹ ਫੈਸਲਾ ਸਰਕਾਰੀ ਦਖਲ ਤੋਂ ਛੁਟਕਾਰਾ ਪਾਉਣ ਵਾਲੇ ਸਭ ਤੋਂ ਅਹੰਕਾਰਪੂਰਕ ਫੈਸਲਿਆਂ ਵਿੱਚੋਂ ਇੱਕ ਮੰਨਿਆ ਜਾਵੇਗਾ।

ਦੇਸ਼ ਦੀਆਂ ਵਪਾਰਕ ਜਥੇਬੰਦੀਆਂ ਨੇ ਵੀ ਇਸ ਸਮਝੌਤੇ ਨੂੰ ਲਾਗੂ ਹੋਣ ‘ਤੇ ਖੁਸ਼ੀ ਪ੍ਰਗਟਾਈ ਹੈ ਅਤੇ ਉਮੀਦ ਜ਼ਾਹਿਰ ਕੀਤੀ ਹੈ ਕਿ ਹਾਲੇ ਜੋ ਕੁਝ ਵਸਤਾਂ ਸਮਝੌਤੇ ਤੋਂ ਬਾਹਰ ਰੱਖੀਆਂ ਗਈਆਂ ਹਨ ਜਿਵੇਂ ਕਿ ਖੁਰਾਕੀ ਵਸਤਾਂ, ਸ਼ਰਾਬ, ਤੰਬਾਕੂ, ਵਨਸਪਤੀ ਬੂਟੇ ਅਤੇ ਪਸ਼ੂ ਆਦਿ, ਉਹ ਵੀ ਜਲਦੀ ਇਸ ਵਿੱਚ ਸ਼ਾਮਲ ਹੋ ਜਾਣਗੀਆਂ। ਇਹ ਵਸਤਾਂ ਹਾਲੇ ਕੁਝ ਸਥਾਨਕ ਬੰਦਸ਼ਾਂ ਕਾਰਨ ਸਮਝੌਤੇ ਵਿੱਚ ਨਹੀਂ ਆਈਆਂ ਪਰ ਰਵੀ ਕਾਹਲੋਂ ਨੇ ਭਰੋਸਾ ਦਿੱਤਾ ਕਿ ਹੌਲੀ ਹੌਲੀ ਇਹ ਰੁਕਾਵਟਾਂ ਵੀ ਦੂਰ ਕਰ ਦਿੱਤੀਆਂ ਜਾਣਗੀਆਂ।

ਕੈਨੇਡਾ ‘ਚ ਫਿਰੌਤੀ ਅਤੇ ਤਸਕਰੀ ਦੇ ਖੁਲਾਸਿਆਂ ਤੋਂ ਪਹਿਲਾਂ ਜਗਦੀਪ ਸਿੰਘ ਹੋਇਆ ਗਾਇਬ

ਉਨ੍ਹਾਂ ਕਿਹਾ ਕਿ ਹੁਣ ਤੱਕ ਇੱਕ ਸੂਬੇ ਵਿੱਚ ਬਣੀ ਵਸਤੂ ਨੂੰ ਹੋਰ ਸੂਬਿਆਂ ਵਿੱਚ ਭੇਜਣ ਜਾਂ ਵੇਚਣ ਲਈ ਜੋ ਸਰਕਾਰੀ ਮਨਜ਼ੂਰੀਆਂ ਦੀ ਲੰਬੀ ਪ੍ਰਕਿਰਿਆ ਸੀ ਉਹ ਖਤਮ ਹੋ ਜਾਵੇਗੀ। ਉਤਪਾਦਕਾਂ ਨੂੰ ਹੁਣ ਸੌ ਤਰ੍ਹਾਂ ਦੀਆਂ ਰੋਕਾਂ ਅਤੇ ਦਫ਼ਤਰਾਂ ਦੀ ਦੌੜ ਤੋਂ ਛੁਟਕਾਰਾ ਮਿਲੇਗਾ ਜਿਸ ਨਾਲ ਉਤਪਾਦ ਦੀ ਆਸਾਨੀ ਨਾਲ ਆਵਾਜਾਈ ਹੋ ਸਕੇਗੀ। ਇਹ ਫੈਸਲਾ ਸਿਰਫ਼ ਵਪਾਰਕ ਆਜ਼ਾਦੀ ਹੀ ਨਹੀਂ ਸਗੋਂ ਆਰਥਿਕ ਵਾਧੇ ਲਈ ਵੀ ਇੱਕ ਮਜ਼ਬੂਤ ਪੱਧਰ ਸਾਬਤ ਹੋਵੇਗਾ।

ਸਮਝੌਤੇ ਦੀ ਸਹੀਬੰਦੀ ਦੇ ਨਾਲ ਹੀ ਕੈਨੇਡਾ ਦੇ ਸੂਬਿਆਂ ਨੇ ਇਹ ਦਰਸਾ ਦਿੱਤਾ ਹੈ ਕਿ ਉਹ ਆਰਥਿਕ ਸਹਿਯੋਗ ਅਤੇ ਵਪਾਰਕ ਆਜ਼ਾਦੀ ਵੱਲ ਇਕੱਠੇ ਹੋ ਕੇ ਅੱਗੇ ਵਧਣਾ ਚਾਹੁੰਦੇ ਹਨ। ਇਹ ਸਮਝੌਤਾ ਨਾ ਸਿਰਫ਼ ਉਤਪਾਦਕਾਂ ਲਈ ਲਾਭਕਾਰੀ ਹੋਵੇਗਾ ਸਗੋਂ ਉਪਭੋਗਤਾਵਾਂ ਲਈ ਵੀ ਵਧੀਆ ਚੋਣਾਂ ਅਤੇ ਵਧੀਆ ਕੀਮਤਾਂ ਉਪਲਬਧ ਕਰਵਾਏਗਾ।

ਇਸ ਨਵੇਂ ਵਪਾਰਕ ਢਾਂਚੇ ਨਾਲ ਉਮੀਦ ਕੀਤੀ ਜਾ ਰਹੀ ਹੈ ਕਿ ਕੈਨੇਡਾ ਦੇ ਅੰਦਰੂਨੀ ਵਪਾਰ ਵਿੱਚ ਤੇਜ਼ੀ ਆਵੇਗੀ ਅਤੇ ਸੂਬਿਆਂ ਦੇ ਆਰਥਿਕ ਸੰਬੰਧ ਹੋਰ ਮਜ਼ਬੂਤ ਹੋਣਗੇ। ਇਹ ਸਮਝੌਤਾ ਦੇਸ਼ ਦੇ ਆਰਥਿਕ ਭਵਿੱਖ ਲਈ ਇੱਕ ਨਵਾਂ ਰਾਹ ਖੋਲ੍ਹਦਾ ਹੈ ਜਿਸ ਨਾਲ ਨੌਕਰੀਆਂ ਦੇ ਮੌਕੇ ਵਧਣਗੇ ਅਤੇ ਉਤਪਾਦਨ ਵਿੱਚ ਨਵੀਂ ਚਮਕ ਆਵੇਗੀ।

ਸਰਕਾਰ ਵੱਲੋਂ ਇਹ ਵੀ ਦੱਸਿਆ ਗਿਆ ਹੈ ਕਿ ਸਮਝੌਤੇ ਦੀ ਲਾਗੂ ਕਰਨ ਦੀ ਪ੍ਰਕਿਰਿਆ ਨੂੰ ਪੂਰੀ ਤਰ੍ਹਾਂ ਪਾਰਦਰਸ਼ੀ ਅਤੇ ਨਿਰਪੱਖ ਬਣਾਇਆ ਜਾਵੇਗਾ ਤਾਂ ਜੋ ਹਰ ਸੂਬਾ ਇਸ ਤੋਂ ਲਾਭ ਲੈ ਸਕੇ। ਵਿਕਟੋਰੀਆ ਵਿੱਚ ਹੋਈ ਮੀਟਿੰਗ ਨੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਕੈਨੇਡਾ ਦੇ ਸੂਬੇ ਆਰਥਿਕ ਤਾਕਤ ਵਧਾਉਣ ਲਈ ਇਕੱਠੇ ਕੰਮ ਕਰਨ ਲਈ ਤਿਆਰ ਹਨ।

VD : ਦਿੱਲੀ ਦਾ ਘਰ ਜਿੱਥੇ AQI 600 ਤੋਂ ਘਟ ਕੇ 15, ਜਾਣੋ ਸਾਫ਼ ਸੁਰੱਖਿਅਤ ਵਾਤਾਵਰਣ ਦਾ ਰਾਜ