ਮਮਤਾ ਬੈਨਰਜੀ ਨੂੰ ਗ੍ਰਿਫਤਾਰ ਕਰੋ… ਮੇਸੀ ਦੇ ਇਵੈਂਟ ਬਵਾਲ ‘ਤੇ ਅਸਾਮ CM ਦਾ ਵੱਡਾ ਬਿਆਨ

14 December 2025 ਅੱਪਡੇਟ ਕੀਤਾ ਗਿਆ

ਨਵੀਂ ਦਿਲੀ: ਪੱਛਮੀ ਬੰਗਾਲ ਦੇ ਕੋਲਕਾਤਾ ਵਿੱਚ ਵਿਸ਼ਵ ਪ੍ਰਸਿੱਧ ਫੁਟਬਾਲਰ ਲਿਓਨੇਲ ਮੇਸੀ ਨੂੰ ਦੇਖਣ ਲਈ ਇਕੱਠੇ ਹੋਏ ਹਜ਼ਾਰਾਂ ਪ੍ਰਸ਼ੰਸਕਾਂ ਵਿੱਚ ਨਾਰਾਜ਼ਗੀ ਫੈਲ ਗਈ ਜਦੋਂ ਉਹਨਾਂ ਨੂੰ ਉਸਦੀ ਝਲਕ ਨਹੀਂ ਮਿਲ ਸਕੀ। ਮੇਸੀ ਦੇ ਸਟੇਡੀਅਮ ਤੋਂ ਜਾਣ ਤੋਂ ਬਾਅਦ ਦਰਸ਼ਕਾਂ ਨੇ ਗੁੱਸੇ ਵਿੱਚ ਕੁਰਸੀਆਂ ਅਤੇ ਬੋਤਲਾਂ ਸੁੱਟਣੀਆਂ ਸ਼ੁਰੂ ਕਰ ਦਿੱਤੀਆਂ। ਮਹਿੰਗੇ ਟਿਕਟ ਖਰੀਦਣ ਦੇ ਬਾਵਜੂਦ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ਾ ਹੱਥ ਲੱਗੀ ਅਤੇ ਇਸਦਾ ਕਾਰਨ ਕਥਿਤ ਵੀ ਆਈ ਪੀ ਸੰਸਕ੍ਰਿਤੀ ਨੂੰ ਮੰਨਿਆ ਜਾ ਰਿਹਾ ਹੈ।

ਆਦਿਲ ਨੇ ਹਿੰਦੂ ਬਣ ਕੇ ਕਲਾਵਾ ਬੰਨ੍ਹਿਆ, ਲੜਕੀ ਨੂੰ ਫਸਾਇਆ: ਜ਼ਬਰਦਸਤੀ ਇਸਲਾਮ ਧਰਮ ਅਪਣਾਉਣ ਲਈ ਮਜਬੂਰ ਕੀਤਾ!

ਇਹ ਘਟਨਾ ਰਾਜਨੀਤਿਕ ਰੂਪ ਵੀ ਧਾਰਨ ਕਰ ਗਈ ਹੈ। ਅਸਾਮ ਦੇ ਮੁੱਖ ਮੰਤਰੀ ਹਿਮੰਤਾ ਬਿਸਵਾ ਸਰਮਾ ਨੇ ਮਮਤਾ ਬੈਨਰਜੀ ਸਰਕਾਰ ‘ਤੇ ਭੀੜ ਕੰਟਰੋਲ ਕਰਨ ਵਿੱਚ ਨਾਕਾਮੀ ਦਾ ਦੋਸ਼ ਲਗਾਇਆ। ਉਨ੍ਹਾਂ ਨੇ ਮਮਤਾ ਬੈਨਰਜੀ ਦੀ ਗ੍ਰਿਫਤਾਰੀ ਦੀ ਮੰਗ ਕੀਤੀ ਅਤੇ ਕਿਹਾ ਕਿ ਪੱਛਮੀ ਬੰਗਾਲ ਦੀ ਗ੍ਰਹਿ ਮੰਤਰੀ ਹੋਣ ਦੇ ਨਾਤੇ ਮੁੱਖ ਮੰਤਰੀ ਮਮਤਾ ਬੈਨਰਜੀ ਅਤੇ ਕੋਲਕਾਤਾ ਪੁਲਿਸ ਕਮਿਸ਼ਨਰ ਇਸ ਘਟਨਾ ਲਈ ਜ਼ਿੰਮੇਵਾਰ ਹਨ।

WATCH VIDEO: ਪੋਲਿੰਗ ਬੂਥਾਂ ‘ਤੇ ਲੱਗੀਆਂ ਰੌਣਕਾਂ,ਪਿੰਡ ਨਾਗ ਕਲਾਂ ਤੋਂ ਦੇਖੋ ਮੌਕੇ ਦੀਆਂ ਤਸਵੀਰਾਂ

ਸਰਮਾ ਨੇ ਦਲੀਲ ਦਿੱਤੀ ਕਿ ਹੋਰ ਰਾਜਾਂ ਵਿੱਚ ਵੱਡੇ ਪ੍ਰੋਗਰਾਮਾਂ ਦੌਰਾਨ ਭੀੜ ਨੂੰ ਸ਼ਾਂਤੀਪੂਰਨ ਢੰਗ ਨਾਲ ਸੰਭਾਲਿਆ ਗਿਆ ਹੈ ਪਰ ਬੰਗਾਲ ਵਿੱਚ ਵੀ ਆਈ ਪੀ ਸੰਸਕ੍ਰਿਤੀ ਹਾਵੀ ਹੈ। ਉਨ੍ਹਾਂ ਨੇ ਮੇਸੀ ਨੂੰ ਸੰਸਾਰ ਲਈ ਪ੍ਰੇਰਣਾ ਦੱਸਦੇ ਹੋਏ ਬੰਗਾਲ ਦੀ ਕਾਨੂੰਨ-ਵਿਵਸਥਾ ‘ਤੇ ਸਵਾਲ ਉਠਾਏ।

ਗੌਰ ਕਰਨਯੋਗ ਹੈ ਕਿ ਵਿਸ਼ਵ ਕਪ ਜੇਤੂ ਲਿਓਨੇਲ ਮੇਸੀ ਨੂੰ ਦੇਖਣ ਲਈ ਕੋਲਕਾਤਾ ਦੇ ਸਾਲਟ ਲੇਕ ਸਟੇਡੀਅਮ ਵਿੱਚ ਵੱਡੀ ਭੀੜ ਇਕੱਠੀ ਹੋਈ ਸੀ। ਲਗਭਗ 20 ਮਿੰਟ ਦੀ ਮੌਜੂਦਗੀ ਦੌਰਾਨ ਮੇਸੀ ਨੇਤਾਵਾਂ ਅਤੇ ਅਧਿਕਾਰੀਆਂ ਨਾਲ ਘਿਰੇ ਰਹੇ ਜਿਸ ਕਾਰਨ ਆਮ ਦਰਸ਼ਕਾਂ ਨੂੰ ਉਹਨਾਂ ਦੀ ਝਲਕ ਨਹੀਂ ਮਿਲ ਸਕੀ। ਇਸ ਤੋਂ ਬਾਅਦ ਹਾਲਾਤ ਬਿਗੜ ਗਏ ਅਤੇ ਪੁਲਿਸ ਨੇ ਭੀੜ ਕੰਟਰੋਲ ਕਰਨ ਲਈ ਬਲ ਪ੍ਰਯੋਗ ਕੀਤਾ। ਬਾਅਦ ਵਿੱਚ ਰਾਜਪਾਲ ਸੀ ਵੀ ਆਨੰਦ ਬੋਸ ਨੇ ਜਾਣਕਾਰੀ ਦਿੱਤੀ ਕਿ ਇਵੈਂਟ ਦੇ ਆਯੋਜਕ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।