NCB ਅਤੇ ANTF ਦੀ ਸਾਂਝੀ ਕਾਰਵਾਈ: ਥਾਈਲੈਂਡ ਤੋਂ ਵਾਪਸੀ ਕਰ ਰਹੀ ਮੁਟਿਆਰ ਅੰਮ੍ਰਿਤਸਰ ਏਅਰਪੋਰਟ ਤੋਂ ਗ੍ਰਿਫ਼ਤਾਰ

20 January 2026 ਅੱਪਡੇਟ ਕੀਤਾ ਗਿਆ

Punjab News: ਪੰਜਾਬ ਦੀ ਇੱਕ ਨੌਜਵਾਨ ਮੁਟਿਆਰ ਨੂੰ ਥਾਈਲੈਂਡ ਤੋਂ ਵਾਪਸੀ ਦੌਰਾਨ ਅੰਮ੍ਰਿਤਸਰ ਦੇ ਸ਼੍ਰੀ ਗੁਰੂ ਰਾਮਦਾਸ ਅੰਤਰਰਾਸ਼ਟਰੀ ਏਅਰਪੋਰਟ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਸੋਮਵਾਰ ਦੀ ਦੇਰ ਰਾਤ ਜਿਵੇਂ ਹੀ ਨੌਜਵਾਨ ਥਾਈਲੈਂਡ ਤੋਂ ਆ ਰਹੀ ਫਲਾਈਟ ਰਾਹੀਂ ਏਅਰਪੋਰਟ ‘ਤੇ ਲੈਂਡ ਹੋਈ, ਉੱਥੇ ਮੌਜੂਦ ਨਾਰਕੋਟਿਕਸ ਕੰਟਰੋਲ ਬਿਊਰੋ (NCB) ਅਤੇ ਐਂਟੀ ਨਾਰਕੋਟਿਕਸ ਟਾਸਕ ਫੋਰਸ (ANTF) ਦੀਆਂ ਟੀਮਾਂ ਨੇ ਉਸਨੂੰ ਤੁਰੰਤ ਹਿਰਾਸਤ ਵਿੱਚ ਲੈ ਲਿਆ।

ਜਾਂਚ ਦੌਰਾਨ ਚੌਂਕਾਉਣ ਵਾਲਾ ਖੁਲਾਸਾ ਹੋਇਆ ਕਿ ਨੌਜਵਾਨ ਥਾਈਲੈਂਡ ਤੋਂ ਨਸ਼ੇ ਦੀ ਵੱਡੀ ਖੇਪ ਲੈ ਕੇ ਭਾਰਤ ਆਈ ਸੀ। ਤਲਾਸ਼ੀ ਦੌਰਾਨ ਉਸ ਦੇ ਕਬਜ਼ੇ ਵਿੱਚੋਂ 1.5 ਕਿਲੋ ਤੋਂ ਵੱਧ ਨਸ਼ੀਲਾ ਪਦਾਰਥ ਬਰਾਮਦ ਕੀਤਾ ਗਿਆ ਹੈ। ਜਾਂਚ ਏਜੰਸੀਆਂ ਨੂੰ ਸ਼ੱਕ ਹੈ ਕਿ ਬਰਾਮਦ ਕੀਤਾ ਗਿਆ ਪਦਾਰਥ ਕੋਕੀਨ ਜਾਂ ਹੀਰੋਇਨ ਹੋ ਸਕਦਾ ਹੈ।

ਥਾਈਲੈਂਡ ਰਾਹੀਂ ਨਸ਼ਾ ਤਸਕਰੀ ਦਾ ਪਹਿਲਾ ਮਾਮਲਾ ਹੋਣ ਦੀ ਸੰਭਾਵਨਾ

ਸੂਤਰਾਂ ਮੁਤਾਬਕ, ਥਾਈਲੈਂਡ ਤੋਂ ਇਸ ਤਰ੍ਹਾਂ ਦੀ ਨਸ਼ਾ ਤਸਕਰੀ ਦਾ ਇਹ ਪਹਿਲਾ ਮਾਮਲਾ ਹੋ ਸਕਦਾ ਹੈ। ਗ੍ਰਿਫ਼ਤਾਰ ਨੌਜਵਾਨ ਦੇ ਖ਼ਿਲਾਫ਼ ਐਨ.ਡੀ.ਪੀ.ਐਸ. ਐਕਟ ਅਧੀਨ ਕੇਸ ਦਰਜ ਕਰ ਲਿਆ ਗਿਆ ਹੈ ਅਤੇ ਅਗਲੇਰੀ ਜਾਂਚ ਜਾਰੀ ਹੈ।

READ ALSO : ਅਕਾਲੀ ਦਲ ਤੇ ਕਾਂਗਰਸ ਵੱਲੋਂ ਵਾਕਆਊਟ, 30 ਕੌਂਸਲਰਾਂ ਦੀ ਹਮਾਇਤ ਨਾਲ ਪੀਨਾ ਬਣੇ ਮੇਅਰ

ਮੁਕਤਸਰ ਦੀ ਰਹਿਣ ਵਾਲੀ ਹੈ ਗ੍ਰਿਫ਼ਤਾਰ ਨੌਜਵਾਨ

ਨਾਰਕੋਟਿਕਸ ਕੰਟਰੋਲ ਬਿਊਰੋ ਦੇ ਸੂਤਰਾਂ ਅਨੁਸਾਰ ਗ੍ਰਿਫ਼ਤਾਰ ਕੀਤੀ ਗਈ ਨੌਜਵਾਨ ਦੀ ਪਹਿਚਾਣ ਮੁਕਤਸਰ ਜ਼ਿਲ੍ਹੇ ਦੇ ਮਲੋਟ ਰੋਡ ਸਥਿਤ ਕੀਰਤ ਨਗਰ ਵਾਸੀ ਆਰਤੀ ਕੌਰ ਵਜੋਂ ਹੋਈ ਹੈ। NCB ਅਤੇ ANTF ਦੇ ਸਾਂਝੇ ਓਪਰੇਸ਼ਨ ਦੌਰਾਨ ਪਹਿਲਾਂ ਹੀ ਇਨਪੁਟ ਮਿਲੀ ਸੀ ਕਿ ਆਰਤੀ ਕੌਰ ਆਪਣੇ ਆਕਾ ਦੇ ਇਸ਼ਾਰਿਆਂ ‘ਤੇ 10 ਜਨਵਰੀ ਨੂੰ ਅੰਮ੍ਰਿਤਸਰ ਏਅਰਪੋਰਟ ਤੋਂ ਥਾਈਲੈਂਡ ਗਈ ਸੀ ਅਤੇ ਸੋਮਵਾਰ ਨੂੰ ਨਸ਼ੇ ਦੀ ਵੱਡੀ ਖੇਪ ਨਾਲ ਵਾਪਸ ਆ ਸਕਦੀ ਹੈ।

ਇਸ ਜਾਣਕਾਰੀ ਦੇ ਆਧਾਰ ‘ਤੇ ਦੋਹਾਂ ਏਜੰਸੀਆਂ ਨੇ ਏਅਰਪੋਰਟ ‘ਤੇ ਜਾਲ ਬਿਛਾਇਆ ਅਤੇ ਫਲਾਈਟ ਤੋਂ ਉਤਰਦੇ ਹੀ ਆਰਤੀ ਕੌਰ ਨੂੰ ਕਾਬੂ ਕਰ ਲਿਆ।

ਅੰਤਰਰਾਸ਼ਟਰੀ ਨਸ਼ਾ ਤਸਕਰ ਗਿਰੋਹ ਨਾਲ ਜੁੜੇ ਹੋ ਸਕਦੇ ਹਨ ਤਾਰ

ਪ੍ਰਾਰੰਭਿਕ ਜਾਂਚ ਵਿੱਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਆਰਤੀ ਕੌਰ ਦੇ ਆਕਾ ਦੇ ਅਮਰੀਕਾ, ਕੈਨੇਡਾ ਸਮੇਤ ਅੱਧਾ ਦਰਜਨ ਦੇਸ਼ਾਂ ਨਾਲ ਸੰਪਰਕ ਹਨ। ਸੂਤਰਾਂ ਅਨੁਸਾਰ ਨਸ਼ੇ ਦਾ ਇਹ ਗੈਰਕਾਨੂੰਨੀ ਕਾਰੋਬਾਰ ਪਾਕਿਸਤਾਨ ਰਾਹੀਂ ਹੋਰ ਦੇਸ਼ਾਂ ਤੋਂ ਹੁੰਦਾ ਹੋਇਆ ਭਾਰਤ ਤੱਕ ਪਹੁੰਚਾਇਆ ਜਾ ਰਿਹਾ ਸੀ। ਜਾਂਚ ਏਜੰਸੀਆਂ ਨੂੰ ਉਮੀਦ ਹੈ ਕਿ ਨੌਜਵਾਨ ਨਾਲ ਪੁੱਛਗਿੱਛ ਦੌਰਾਨ ਹੋਰ ਵੀ ਵੱਡੇ ਖੁਲਾਸੇ ਹੋ ਸਕਦੇ ਹਨ। ਮਾਮਲੇ ਦੀ ਜਾਂਚ ਜਾਰੀ ਹੈ।

ਸੋਨਾ ਤਸਕਰੀ ਮਾਮਲਾ: DGP ਰੈਂਕ ਦਾ ਅਧਿਕਾਰੀ ਸਸਪੈਂਡ, ਵਾਇਰਲ ਵੀਡੀਓ ਨਾਲ ਸ਼ੋਸ਼ਲ ਮੀਡੀਆ ਤੇ ਹੰਗਾਮਾ